1 Samuel 16:5 - Bible in Tzeltal Bachajón

⁵ Ha, talon ta ya'beyel milbil smahtan te Jehová. Ch'ultesa abahic, la', joquinawonic ta yaq'uel te milbil mahtanil, xchi te Samuel. Patil te Samuel la sch'ultes te Isaí soc te snich'nab, la yic' ta yaq'uel te milbil mahtanil.

Bible in Tzeltal de Oxchuc y Tenejapa

⁵ La sjac' te Samuel: —Ja', swenta lamal-o'tanil. Talon ta yaq'uel milbil smajt'an te Cajwaltique. Ac'a me abaic ta ch'ultesel ta stojol te Diose. La' joinawonic ta spasel te milbil smajt'an Diose —xi'. Te Samuel la xch'ultes te Isaí soc te snich'nabe. La yic' ta sti'el te milbil smajt'an te Diose.

1 Samuel 16:5 ပူးပေါင်းရင်းမြစ်များ

Génesis 35:2

Hich te Jacob la yalbe te mach'atic ay yu'un ta sna soc spisil te mach'atic sjoquinejic: Loq'uesahic te jyanlum diosetic te ay ta awohlilic, poca abahic soc jeltaya ac'u'ic.

1 Reyes 2:13

Te Adonías te yal Haguit, baht yil te Betsabé te snan Salomón. Hich joc'obot yu'un te Betsabé: ¿Scuenta bal lamal q'uinal te talate? xchi. Scuenta lamal q'uinal, xchi te Adonías.

1 Crónicas 12:18

Tal te Espíritu ta stojol Amasai, te jtsobaw yu'un te lajuneb scha'winic (30) ta tuhl, hich la yal: ¡Awu'unotcotic, David! ¡Ya joquinatcotic, snich'anat Isaí! ¡Lamaluc me q'uinal, lamaluc me q'uinal ta atojol, soc ta stojol te mach'atic ya scoltayat, como ya me scoltayat te Dios awu'une! xchi. Te David la yic' ta stojol soc la yac'ticlambe ya'telic soc te yantic jtsobawetic yu'un te soldadohetique.

Job 1:5

Ta jujun buelta te ya xlaj te q'uin yu'unic, te Job ya sticon ta iq'uel soc ya slecubtesbe sc'oblalic. Ya xhahch ta sab, ya yac' scohtol chic'bil mahtaniletic ta scuenta jaytuhlic, yu'un hich ya yal te Job: Ay wan la sta smulic te jnich'nab soc ay wan la slabanic Dios ta yo'tanic, xchi. Hich la spasulan ta spisil ora.

Éxodo 19:10

hich halbot yu'un te Jehová: Bahan ta stojol te pueblo, ch'ultesa yo'tic soc pajel; soc ac'a sac' sc'u'-spaq'uic

Joel 2:16

tsobahic te pueblo, ch'ultesahic te tsoblej, tsobahic te mamaletic, tsobahic te alaletic, ha nix hich te chu'alaletique; ac'a loc'uc tal ta swayib te querem nuhpunel to, ac'a loc'uc tal te ach'ix ta jtsahl yu'un nuhpunel!

Sofonías 1:7

Ch'aban ta stojol te Jehová, te Ajwalil, como nopolix te sc'ahc'alel yu'un Jehová; te Jehová schahpanej milbil mahtanil soc sch'ultesej te ic'abiletic yu'une.

Números 11:8

Te pueblo ya xloq'uic ta stamel, ya sjuch'ic o ya stenic, ya spayic ta oxom o ya spasic ta pan. Te sbuhts' hich te bin ut'il sbuhts' yach'il aceite.

1 Corintios 11:28

Ha yu'un nahil ac'a stsahtay yo'tan ta tuhlutuhl, hich yac awe'ic a te pan soc yac awuch' a te bin ay ta copa.

Josué 3:5

Te Josué la yalbe te pueblo: Ch'ultesa abahic, yu'un pajel ya me spas jchahp a'teliletic ta awohlilic te Jehová, xchi.

Josué 7:13

Hahchan, ch'ultesa te pueblo, hich xawalbe: Ch'ultesa abahic yu'un chapalex pajel, como hich ya yal te Jehová te Dios yu'un Israel: Ay bin ay ta awohlilic, Israel, te parte ac'bil ta scuenta lajel; ma xhu' yac atsal te acontra ha to teme la aloq'ues ta awohlilic te bin parte ac'bil ta scuenta lajel.

1 Samuel 20:26

Pero mayuc bin la yal te Saúl ta yorahil, como la yal ta yo'tan: Ay wan bin la spas te ma ba lec sc'oblal yu'un; ma to ba slecubtesej sba, xchi.