1 Samuel 16:4 - Bible in Tzeltal Bachajón

⁴ Hich la spas te Samuel te bin ut'il halbot yu'un Jehová. C'alal c'oht ta Belén, te mamaletic yu'un te pueblo loq'uic tal ta stahel soc xiwel, hich la yalic: ¿Scuenta bal lamal-o'tanil te talate? xchihic.

Bible in Tzeltal de Oxchuc y Tenejapa

⁴ Jich la spas te Samuel te bit'il albot yu'un te Cajwaltique. C'alal c'ot ta Belén te Samuele, te mamaletic yich'oj yat'elic yu'un te lum, yacalic ta nijq'uel yu'un xiwel ta yo'tanic a loq'uic ta yilel. Jich la yalbeyic: —¿Swenta bal lamal-o'tanil te talate? —la yutic.

1 Samuel 16:4 ပူးပေါင်းရင်းမြစ်များ

Génesis 35:19

Hich cham te Raquel, la yich' muquel ta sbehlal Efrata, ha te Belén.

Génesis 48:7

Te c'alal loc'on tal ta Padan-aram, cham ta be te Raquel ta sq'uinal Canaán, ta nopol Efrata; la jmuc hilel tey ta sbehlal Efrata, ha te Belén, xchi.

2 Samuel 6:9

Te David bayel la xi' te Jehová ta hich ora, hich la yal: ¿Bin ut'il ya xhu' ya xtal ta jtojol te scaxahul te chapbil-c'op yu'un Jehová? xchi.

1 Reyes 17:18

Te ants hich la yalbe te Elías: ¿Bin awochelon a, winicat yu'un Dios? ¿Tal bal awa'bon jna' te muliletic cu'un soc te yac awac' chamuc te cale? xchi.

1 Reyes 2:13

Te Adonías te yal Haguit, baht yil te Betsabé te snan Salomón. Hich joc'obot yu'un te Betsabé: ¿Scuenta bal lamal q'uinal te talate? xchi. Scuenta lamal q'uinal, xchi te Adonías.

2 Reyes 9:22

Te Joram c'alal la yil te Jehú, hich la yal: ¿Scuenta bal lamal q'uinal talat, Jehú? xchi. ¿Bin ut'il ay lamal q'uinal yu'un te bayel antsinel soc ilojel yu'un te anan Jezabel? xchi te Jehú.

Oseas 11:10

Ya me st'unic bahel te Jehová, ha ya x'awon hich te bin ut'il choj; ya x'awon, hich te yal-snich'nab yaquic ta nihquel a ya xtalic ta stojol smahlib c'ahc'al.

Oseas 6:5

Ha scuentahil te la jset'ticlan ta scuenta te jalwanejetic, la jmilticlan ta scuenta te jc'ope, te castigo ya ca'be hich ya xtihl tal te bin ut'il sacal q'uinal.

San Lucas 2:4

Hich te José loc' hahchel ta Nazaret ta sq'uinal Galilea, mo bahel ta Judea, ta pueblo yu'un David, te Belén sbihil, como ha sts'umbal soc ha patil al-nich'anil yu'un David.

San Lucas 5:8

C'alal hich la yil te Simón Pedro, la squejan sba ta stojol Jesús, hich la yal: Ihquitayawon, Cajwal, yu'un jmulawilon, xchi.

San Lucas 8:37

Ha yu'un spisil te ipal ants-winiquetic ta sjoyobal sq'uinal te gadarenohetic la yalbeyic wocol te Jesús te yacuc xloc' bahel ta sq'uinalic, yu'un bayel xiwic. Hich te Jesús och ta barco, suht bahel.

1 Samuel 21:1

Te David baht ta Nob ta stojol te sacerdote Ahimelec. Te Ahimelec yac ta xiwel a loc' ta stahel, hich la yalbe: ¿Bin yu'un te atuquel talat, te mayuc mach'a sjoquinejat? xchi.