1 Samuel 16:22 - Bible in Tzeltal Bachajón

²² Patil hich la sticon ta halbeyel te Isaí: Awocoluc, a'bon joquin te David, yu'un mero tse'el co'tan yu'un, xchi.

Bible in Tzeltal de Oxchuc y Tenejapa

²² Te Saúl la sticun ta alel te Isaí, “Wocoluc, ac'bon join te David, yu'un mero tse'el co'tan yu'un”, xi'.

1 Samuel 16:22 ပူးပေါင်းရင်းမြစ်များ

Génesis 30:27

La sjac' te Labán: Teme ay yutsil awo'tan cu'un, joquinawon xan; yu'un la jquilix te ha'at ta acuenta te ya'beyejon bendición te Jehová, xchi.

Génesis 39:4

Te José lec ilot yu'un te yajwal, ha mayordomo c'oht yu'un te sna, la ya'be ta sc'ab spisil bintic ay yu'un.

Salmos 131:1

Jehová, ma ba ya stoy sba co'tan, ma ba toyba ya yac' sba te jsite; ma ba ay ta co'tan te bintic muc' sc'oblal, o te bintic c'ax toyol sc'oblal.

Daniel 1:5

Te ajwalil la yac' te ya x'a'bot swe'elic jujun c'ahc'al yu'un te swe'el te ajwalil soc te vino ya yuch'e. Ya me yich'ic p'ijubtesel oxeb ha'bil, ta patil ya xtalic ta stojol te ajwalile.

Deuteronomio 1:38

Te Josué snich'an Nun, te mach'a yac yac'bel sba ta a'batinel awu'un, ha ya x'och stuquel. A'beya yip yo'tan, como ha me ya ya'be yich' te q'uinal te Israel.

1 Samuel 16:21

Hich c'oht ta stojol Saúl te David, tey hil ta a'batinel yu'un. Te Saúl bayel c'ux ta yo'tan, la yotses ta jcuch-a'tejibal ta guerra yu'un.

1 Samuel 16:23

C'alal ya xhul ta stojol Saúl te bohl espíritu ticombil yu'un Dios, te David ya stsac te arpa, ya x'och stij. Hich ya xlecub q'uinal ya ya'iy a te Saúl, ya x'ihquitayot yu'un te bohl espíritu.