1 Samuel 16:18 - Bible in Tzeltal Bachajón

¹⁸ Ha yu'un ay jtuhl ya'bat te hich la yal: Ay quiloj jtuhl snich'an Isaí ta Belén te ya sna' stijel te arpa, ay yip yo'tan soc ya sna' yaq'uel guerra, lec ya xc'opoj, t'ujbil soc joquimbil yu'un Jehová, xchi.

Bible in Tzeltal de Oxchuc y Tenejapa

¹⁸ Pero ay jtul yabat te jich la yal: —Ay quiloj jtul snich'an Isaí, ja' te mach'a ay ta Belén, te mero ya sna' stijel ta lec te arpa, soc mero ma xiw ta guerra, soc buen lamal yo'tan ya xc'opoj. T'ujbil querem, soc joinbil yu'un te Cajwaltique —xi'.

1 Samuel 16:18 ပူးပေါင်းရင်းမြစ်များ

Génesis 39:2

Pero joquimbil yu'un Jehová te José, lec c'oht ta loq'uel spisil te bin la spas; nahin ta sna te yajwal, te egipcio-winique.

Génesis 39:23

Te jcuentahinwanej yu'un te cárcel mayuc bin la snop ta yo'tan yu'un te mach'atic la ya'be scuentahin te José, yu'un joquimbil yu'un Jehová te José, soc lec c'oht ta loq'uel yu'un Jehová spisil te bin la spase.

2 Samuel 14:20

Pero hich la spas te Joab scuenta yu'un ya xjelon a te bin hahcheme. Pero te ajwalil cu'un ay sp'ijil yo'tan hich te bin ut'il ch'ul a'bat yu'un Dios yu'un sna'el te bin yac ta c'ohel ta pasel ta q'uinal, xchi.

2 Samuel 17:10

Ha nix te mach'a mero ma xiw, te hich yo'tan te bin ut'il choj, jc'axel me ya xiwic, como spisil Israel sna'oj te ma xiw te atat, soc te ay yipic te mach'atic sjoquinej.

2 Samuel 17:8

Soc la yal xan te Husai: Ha'at ana'oj te ma xiwic te atat soc te winiquetic yu'un, soc hahchem slab yo'tanic hich te bin ut'il me' oso te yich'oj pojbeyel yalatac. Soc te atat mero ya sna' yaq'uel guerra, ma ba ya sjoquin ta ahc'abal te pueblo.

Proverbios 12:8

Te winic ay ta halbeyel yutsil sc'oblal, ha chican te sp'ijil yo'tan, pero ya x'ihlayot te mach'a bohl yo'tane.

San Mateo 1:23

Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.)

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

1 Samuel 10:7

Te c'alal c'ohemix ta pasel ta atojol a te señahiletic ini, pasa te bin ya sc'an awo'tan, yu'un sjoquinejat te Diose.

1 Samuel 16:12

Hich la sticon ta iq'uel tal, la yic' ochel. Ha tsajal querem, t'ujbil sit yelaw soc lec ta ilel. La yal te Jehová: Hahchan, malbeya aceite, como ha me ini, xchi.

1 Samuel 16:17

Te Saúl la sjac'be sc'op te a'batetic yu'un: Lehbonic tal hiche te mach'a ya sna' stijel ta lec arpa, xchi.

1 Samuel 16:19

Hich te Saúl la sticon bahel c'op ta stojol Isaí, hich la yal: Ticombon tal te anich'an David, ha te ya scanantay te tuminchijetic, xchi.

1 Samuel 17:12

Te David ha snich'an jtuhl efrateo-winic te talem ta Belén ta sq'uinal Judá, Isaí sbihil; ay waxactuhl snich'nab. Mamalix a ta yorahil Saúl.

1 Samuel 3:19

Muc'ub te Samuel soc joquinot yu'un Jehová, soc ma ba la yac' ch'ayuc jp'ahluc te sc'ope.