1 Samuel 16:13 - Bible in Tzeltal Bachajón

¹³ Hich te Samuel la stsac te xulubil te yich'oj aceite, la smalbe aceite ta yohlil te sbanquiltac. Ta hich ora bahel te David u'untayot yu'un te espíritu yu'un Jehová. Patil hahch te Samuel, suht bahel ta Ramá.

Bible in Tzeltal de Oxchuc y Tenejapa

¹³ Jich ora la stsac te xulubil nojel ta aceite te Samuele. Q'uelel sitic a te sbanquiltac, la smalbey aceite ta sjol. Jich tsabil c'ot ta muc' ajwalil te querem David. Jich ora tal ta stojol yip yu'el te Cajwaltique. Te Samuel la sc'opon jilel te mach'atic tey ayic a, bajt' xan ta Ramá.

1 Samuel 16:13 ပူးပေါင်းရင်းမြစ်များ

2 Samuel 12:7

Ha yu'un te Natán hich la yalbe te David: Ha'at abi. Hich yaloj te Jehová te Dios yu'un Israel: Ho'on la jtsahat ta ajwalil yu'un Israel, la jcoltayat ta sc'ab Saúl.

2 Samuel 2:4

Patil talic te winiquetic yu'un Judá, la smalic ta aceite scuenta ajwalil ya xc'oht yu'un Judá. Te c'alal la yalbeyic te David te ha la smuquic te Saúl te mach'atic ayic ta Jabes ta sq'uinal Galaad,

2 Samuel 23:1

Hich ay te bin la yal ta slajibal te David: Hich la yal te David snich'an Isaí, te winic te tohytesbot sc'oblal, te mach'a tsahbil yu'un te Dios yu'un Jacob, te mach'a buen t'ujbil ya xc'ayojin ta Israel:

2 Samuel 5:3

Hich spisil te mamaletic yu'un Israel tal ta stojol te ajwalil David ta Hebrón. Te ajwalil David la schap sc'op soc te pueblo ta Hebrón ta stojol Jehová. La smalic ta aceite te David scuenta ajwalil yu'un Israel.

2 Reyes 9:6

Hich hahch te Jehú, och bahel ta na. Te jalwanej la smalbe te aceite ta sjol soc hich la yalbe: Hich ya yal te Jehová te Dios yu'un Israel: Ho'on la jmalat ta aceite yu'un ya x'ochat ta ajwalil yu'un Israel, te pueblo yu'un Jehová.

1 Crónicas 11:3

Tal spisil te mamaletic yu'un Israel ta stojol te ajwalil ta Hebrón; te David la schap sc'op soc te mamaletic ta stojol Jehová. Hich la smalic ta aceite te David scuenta ajwalil yu'un Israel, hich te bin ut'il yaloj Jehová ta scuenta Samuel.

Salmos 89:20

La jta te ca'bat David; la jmal ta ch'ul aceite cu'un.

Salmos 89:21

Spisil ora ya xcoltayot yu'un te jc'ab, ya x'a'bot yip yu'un te jc'abe.

Números 11:17

Ya xcohon tal soc ya jc'oponat tey a; ya quich'bat j'ohliluc te espíritu awich'oj, ya ca'be te mamaletic, hich ya scoltayat ta scuchel te pueblo te al ta cuchel, scuenta yu'un ma atuqueluc yac acuch a.

Números 27:18

Te Jehová la yalbe te Moisés: Ic'a tal te Josué snich'an Nun, te jtuhl winic te ay yip yo'tan, cajambeya ac'ab ta sjol.

San Juan 3:34

como te mach'a ticombil tal yu'un Dios, ha ya yal te sc'op te Diose, como ma p'isbiluc nax ya yac' te Espíritu te Diose.

Hechos 13:22

C'alal la sloq'ues te Saúl, ha la yotses ta ajwalil te David, te hich halbil sc'oblal yu'un: La jta jtuhl winic te lec co'tan yu'un, ha te David te snich'an Isaí; ha ya spas spisil te bin ya sc'an co'tan, te xchihe.

Hebreos 1:9

C'ux ta awo'tan te bin stojil ta pasel soc yac awihlay te bin chopole. Ha yu'un Dios, te Dios awu'un, la smalat ta aceite yu'un tse'el-o'tanil, xchi.

Hebreos 11:32

¿Bin xan ya cal? Mayuc tiempo cu'un te ya calbe sc'oblal te Gedeón, Barac, Sansón, Jefté, David, soc nix te Samuel soc te jalwanejetic,

Jueces 11:29

Hich te Jefté u'untayot yu'un te espíritu yu'un Jehová, hich c'ax bahel ta Galaad soc ta Manasés, soc c'ax xan bahel ta Mizpa te ay ta Galaad, baht ta stojol te amonetique.

Jueces 13:25

Te espíritu yu'un Jehová hahch ta ya'beyel yip te Sansón ta campamentohetic yu'un Dan, ta ohlil yu'un Zora soc Estaol.

Jueces 14:6

Ha yu'un te espíritu yu'un Jehová hul soc yu'el ta stojol te Sansón, hich ta sc'ab nax la sjecticlan te choj, hich te bin ut'il ya yich' jecticlanel tut tentsun. Pero ma ba la yalbe te sme'stat te bin la spase.

Jueces 3:10

Te Otoniel u'untayot yu'un te espíritu yu'un Jehová, ha juez c'oht yu'un Israel soc loc' bahel ta guerra. Te Jehová la ya'be ta sc'ab Otoniel te Cusan-risataim ajwalil yu'un Siria, la ya'be stsal te Cusan-risataim.

1 Samuel 1:19

Hahchic ta sab, la sch'uhuntayic te Jehová, suhtic bahel ta sna ta Ramá. Te Elcana way soc te Ana te yihnam; te Jehová la sna' te antse.

1 Samuel 10:1

Hich te Samuel la stsac jun yawil aceite, la smalbe ta sjol te Saúl, la yuhts'uy, soc hich la yalbe: Te Jehová la smalbat aceite scuenta jtsobaw ya xc'ohat yu'un te pueblo Israel yu'une.

1 Samuel 10:6

Hich te espíritu yu'un Jehová ya me yu'untayat soc yu'el, hich yac ajoquinlan ta aw ta sc'op-jalwanej, soc ya xc'atp'ujat ta yan winic c'ohem.

1 Samuel 11:6

C'alal hich la ya'iy te Saúl, hul ta stojol soc yu'el te espíritu yu'un Dios, soc bayel ilin yu'un.

1 Samuel 16:18

Ha yu'un ay jtuhl ya'bat te hich la yal: Ay quiloj jtuhl snich'an Isaí ta Belén te ya sna' stijel te arpa, ay yip yo'tan soc ya sna' yaq'uel guerra, lec ya xc'opoj, t'ujbil soc joquimbil yu'un Jehová, xchi.

1 Samuel 18:12

Te Saúl la xi' te David, como joquimbil yu'un Jehová, yan te Saúl ihquitaybilix yu'un Jehová stuquel.

1 Samuel 2:35

Ya cotses yan sacerdote te jun yo'tan ta jtojol, te ya spas te bin ya sc'an co'tan. Ya cac' ya xhalaj te sts'umbal, soc ya me x'a'tej spisil ora ta stojol te mach'a tsahbil cu'une.