1 Samuel 16:12 - Bible in Tzeltal Bachajón

¹² Hich la sticon ta iq'uel tal, la yic' ochel. Ha tsajal querem, t'ujbil sit yelaw soc lec ta ilel. La yal te Jehová: Hahchan, malbeya aceite, como ha me ini, xchi.

Bible in Tzeltal de Oxchuc y Tenejapa

¹² Te Isaí la sticun ta iq'uel tel. Te quereme tsaj yelaw, buen t'ujbil, mulantic sba ta ilel. Te Cajwaltic jich la yalbey te Samuel: —Ja' in to, jajch'an malbeya aceite ta sjol swenta seña te ya x'och ta muc' ajwalil —xi' sc'oplal.

1 Samuel 16:12 ပူးပေါင်းရင်းမြစ်များ

Génesis 39:6

La ya'be ta sc'ab José spisil bintic ay yu'un, mayuc bin la snop ta yo'tan stuquel, ha nax te bin ya swe'. Te José buen lec sbaq'uetal soc t'ujbil te sit yelaw.

2 Samuel 23:1

Hich ay te bin la yal ta slajibal te David: Hich la yal te David snich'an Isaí, te winic te tohytesbot sc'oblal, te mach'a tsahbil yu'un te Dios yu'un Jacob, te mach'a buen t'ujbil ya xc'ayojin ta Israel:

2 Samuel 7:8

Ha yu'un hich xawalbe te ca'bat David: Hich yaloj te Jehová te scuentahinej spisil: Ho'on la jquic'at loq'uel tal ta scanantayel tuminchijetic ta aquiltic, yu'un ya x'ochat ta príncipal yu'un te jpueblo Israel.

1 Reyes 1:34

Tey me ya xmalbot aceite yu'un a te sacerdote Sadoc soc te jalwanej Natán scuenta ajwalil yu'un Israel. Oq'uesinahic xulubil soc awonanic: ¡Viva ajwalil Salomón! xchihanic me ta aw.

Salmos 2:2

Ya xhahchic te ajwaliletic ta q'uinal, soc te príncipaletic junax ya yac' sbahic ta schapel scontrahinel te Jehová soc te mach'a tsahbil yu'une.

Salmos 2:6

Ho'on la jcotses te ajwalil cu'un ta Sión, te ch'ul wits cu'un, xchi.

Salmos 78:70

La stsa David te a'bat yu'un, la sloq'ues ta yohlil jtsohb tuminchijetic,

Éxodo 2:2

La yic' yal, ayin tut querem yu'un. C'alal la yil te buen t'ujbil te alale, la snac' oxeb u.

Cantares 5:10

Te mach'a c'ux ta co'tan ha t'ujbil winic, na'bil sba ta yohlil lajunmil ta tuhl;

Lamentaciones 4:7

Te mach'atic bayel sc'oblal yu'unic c'ax hich sacal a te bin ut'il me'sic, c'ax hich sacal a te bin ut'il leche; te sbaq'uetalic c'ax hich tsaj a te bin ut'il tsajal ton, te bin yilel c'ax hich yutsilal a te bin ut'il zafiro-ton.

Zacarías 4:14

Hich la sjac'bon: Ha te cha'tuhlic ini te tsahbilic te ayic ta stojol te Ajwalil yu'un swohlol bahlumilal, xchi.

Hechos 4:27

Como melel la stsob sbahic li' ta pueblo te Herodes, Poncio Pilato, te jyanlum winiquetic soc te pueblo Israel ta scontrahinel te Jesús te Ach'ul-nich'an, te mach'a tsahbil awu'une,

Hechos 7:20

Ha yorahil a te ayin Moisés, te lec yo'tan Dios yu'un. Oxeb u coltesot ta sna sme'stat.

Hebreos 11:23

Ta scuenta sch'uhunel yo'tanic, te sme'stat te Moisés la snaq'uic oxeb u te c'alal ayin, como la yilic te buen t'ujbil alal, soc ma ba la xi'ic te bin yaloj ta mandar te ajwalile.

1 Samuel 16:18

Ha yu'un ay jtuhl ya'bat te hich la yal: Ay quiloj jtuhl snich'an Isaí ta Belén te ya sna' stijel te arpa, ay yip yo'tan soc ya sna' yaq'uel guerra, lec ya xc'opoj, t'ujbil soc joquimbil yu'un Jehová, xchi.

1 Samuel 17:42

Te filisteo c'alal la yil te David, mayuc sc'oblal la yil, como querem to, ha tsajal querem soc t'ujbil ta ilel.

1 Samuel 17:55

Te Saúl, c'alal la yil te loc' bahel te David yu'un ya stsac sba soc te filisteo, hich la yalbe te Abner te jtsobaw yu'un te soldadohetic: Abner ¿mach'a snich'an te querem ini? xchi. Jamal ya calbat, ajwalil, ma jna', xchi te Abner.

1 Samuel 9:17

Te Samuel, c'alal la yil te Saúl, hich halbot yu'un te Jehová: Ha me te winic ini te la jcalbate; ha te ya scuentahin te pueblo cu'une, xchi.