1 Samuel 16:1 - Bible in Tzeltal Bachajón

¹ Te Jehová hich la yalbe te Samuel: ¿Jayeb xan c'ahc'al te yac awoq'uetay te Saúl, te bin ut'il ho'on la jch'aybeyix ya'tel ta ajwalil ta Israel? Bahan nojesa ta aceite te xulubil awu'un, ya jticonat bahel ta stojol Isaí ta Belén, yu'un la jtsahbeyix jtuhl snich'an te ya x'och ta ajwalil, xchi.

Bible in Tzeltal de Oxchuc y Tenejapa

¹ Te Cajwaltic jich la yalbey te Samuele: —¿Jayeb xan c'aal te yacat ta mel-o'tan yu'un te bi c'oem ta swenta te Saule? Ma jc'anix te ja' ochem ta muc' ajwalil ta Israel. Baan nojesa ta aceite te xulubil awu'une. Ya jc'an te yacuc xbaat ta sna Isaí ta Belén, yu'un la jtsabeyix jtul snich'an te ja' ya x'och ta muc' ajwalile —xi'.

1 Samuel 16:1 ပူးပေါင်းရင်းမြစ်များ

1 Reyes 8:16

C'alal bin ora la jloq'ues tal ta Egipto te Israel te pueblo cu'un ha to c'alal ora mayuc banti jtsahoj jun pueblo ta yohlil spisil ta chahp te sts'umbal Israel te banti ya yich' pasel na te ya x'ayin te jbihile, pero la jtsa te David yu'un ya scuentahin te pueblo Israel cu'un, te xchihe.

2 Reyes 9:1

Te jalwanej Eliseo la yic' tal jtuhl te jchahp jalwanejetic, hich la yalbe: Chahpana aba, ich'a bahel te yawil aceite ini, bahan ta Ramot yu'un Galaad.

2 Reyes 9:3

Tsaca te yawil aceite, malbeya ta sjol, soc hich yac awal: Hich ya yal te Jehová: Ho'on la jmalat ta aceite yu'un ya x'ochat ta ajwalil yu'un Israel, xchihat. Patil jama te puerta, loc'an ta ahnel, ma me xatehc'an aba, xchi sc'oblal.

2 Reyes 9:6

Hich hahch te Jehú, och bahel ta na. Te jalwanej la smalbe te aceite ta sjol soc hich la yalbe: Hich ya yal te Jehová te Dios yu'un Israel: Ho'on la jmalat ta aceite yu'un ya x'ochat ta ajwalil yu'un Israel, te pueblo yu'un Jehová.

1 Crónicas 11:3

Tal spisil te mamaletic yu'un Israel ta stojol te ajwalil ta Hebrón; te David la schap sc'op soc te mamaletic ta stojol Jehová. Hich la smalic ta aceite te David scuenta ajwalil yu'un Israel, hich te bin ut'il yaloj Jehová ta scuenta Samuel.

1 Crónicas 28:4

Pero te Jehová te Dios yu'un Israel la stsahon ta yohlil te mach'atic ay yu'un te jtat scuenta yu'un ya yac'on ta ajwalil ta stojol Israel sbahtel q'uinal. Ha la stsa te sts'umbal Judá te ha jtsobaw ya xc'oht; ta sts'umbal Judá la stsa te mach'atic ay yu'un te jtat, soc ta yohlil te jbanquiltac la stsahon yu'un ya yac'on ta ajwalil ta stojol spisil Israel.

Isaías 11:1

Ya xloc' tal spuhl ta schumante'el Isaí; ta slohp' ya xt'ohm loq'uel tal spuhl te ya yac' sit.

Isaías 11:10

Ta hich ora, te slohp' te Isaí ha bandera ya xc'oht yu'un te pueblohetic; ya xlehot yu'un te ants-winiquetic, soc bayel me yutsil te banti ya xnahine.

Isaías 55:4

Ilawil, la jcac' te ha testigo ya xc'oht ta stojol te pueblohetic, ha jtsobaw soc jp'ijubteswanej ta stojol te nacionetique.

Jeremías 11:14

Ha yu'un ha'at Jeremías, ma me xac'opombe Dios yu'un te pueblo ini, ma me x'awonat ta scuentahic o ma me xac'opombe Dios ta stojolic, como ma ba ya ca'iy te bin ora ya yawtayon yu'un te swocolique.

Jeremías 15:1

Ha yu'un hich la yalbon te Jehová: Aunque ya stehc'an sbahic ta jtojol te Moisés soc Samuel, ma ba tey ay co'tan ta stojol a te pueblo ini. ¡Tenticlana loq'uel ta jtojol, ac'a bahtuquic!

Jeremías 6:30

Ya x'a'bot sbihilinic ch'aybil plata, como te Jehová la sch'ay bahel, xchi.

Jeremías 7:16

Ha yu'un, Jeremías, ma xac'oponon yu'un te pueblo ini, ma me xhahchat ta aw yu'un yac ac'oponon, ma me xawalbon wocol yu'un, como ma ba ya ca'iybat ac'op.

Zacarías 4:14

Hich la sjac'bon: Ha te cha'tuhlic ini te tsahbilic te ayic ta stojol te Ajwalil yu'un swohlol bahlumilal, xchi.

Romanos 15:12

Soc hich ya yal te Isaías: Ya me xcha'col te slohp' Isaí, ha te mach'a ya xhahch scuentahin te jyanlumetic; ha me ya smuc'ulin yo'tanic te nacionetique, xchi.

Hebreos 11:32

¿Bin xan ya cal? Mayuc tiempo cu'un te ya calbe sc'oblal te Gedeón, Barac, Sansón, Jefté, David, soc nix te Samuel soc te jalwanejetic,

1 Juan 5:16

Teme ay mach'a ya yil te yermano te yac ta slehel smul te ma ha'uc scuenta lajel, ac'a sc'opombe Dios yu'un, hich ya x'a'bot scuxlejal yu'un te Diose; ha sc'oblal te mach'atic ya sta smulic te ma ha'uc scuenta lajel. Ay mulil scuenta lajel; ma ba ya cal te ya yich' c'oponel Dios yu'un stuquel.

1 Samuel 10:1

Hich te Samuel la stsac jun yawil aceite, la smalbe ta sjol te Saúl, la yuhts'uy, soc hich la yalbe: Te Jehová la smalbat aceite scuenta jtsobaw ya xc'ohat yu'un te pueblo Israel yu'une.

1 Samuel 15:11

Ya jmel co'tan yu'un te la jcotses ta ajwalil te Saúl, como la yihquitayonix soc ma ba la spas te bin la jcal, xchi. Te Samuel ma ba lec la ya'iy, sjunal ahc'abal la yalbe bayel wocol Jehová yu'un.

1 Samuel 15:23

Como te toybahil ha pajal mulil soc te bin ay ta lom-na'el, te tulan-o'tanil ha pajal mulil soc sch'uhuntayel loc'ombahetic. Te bin ut'il la ap'ajbe sc'op te Jehová, ha nix hich la sp'ajat te ma ba ya xhilatix ta ajwalil, xchi.

1 Samuel 15:26

Ma ba ya joquinat bahel, como la ap'ajbe sc'op te Jehová, soc te Jehová la sp'ajatix scuenta yu'un ma ba ajwalil ya xhilatix ta Israel, xchi te Samuel.

1 Samuel 15:35

Te Samuel tey mayuquix bin ora la yilbe xan sit a te Saúl; pero la yoq'uetay te Saúl, como te Jehová la smel yo'tan yu'un te la yotses ta ajwalil ta Israel te Saúl.

1 Samuel 16:15

Te a'batetic yu'un Saúl hich la yalbeyic: Ilawil, yac yuts'imbelat bohl espíritu te ticombil yu'un Dios.

1 Samuel 16:23

C'alal ya xhul ta stojol Saúl te bohl espíritu ticombil yu'un Dios, te David ya stsac te arpa, ya x'och stij. Hich ya xlecub q'uinal ya ya'iy a te Saúl, ya x'ihquitayot yu'un te bohl espíritu.

1 Samuel 17:12

Te David ha snich'an jtuhl efrateo-winic te talem ta Belén ta sq'uinal Judá, Isaí sbihil; ay waxactuhl snich'nab. Mamalix a ta yorahil Saúl.

1 Samuel 9:16

Ta hichilan ora pajel ya jticombat tal jtuhl winic talem ta sq'uinal Benjamín, ha te mach'a yac amalbe aceite scuenta jcuentahinwanej ya xc'oht yu'un te jpueblo Israel. Ha me ya scoltay loq'uel ta sc'ab filisteohetic te pueblo cu'une; yu'un la jquilbeyix swocol te pueblo cu'un, c'ohtix ta jtojol te awetic yu'unique, xchi.