1 Samuel 15:3 - Bible in Tzeltal Bachajón

³ Ha yu'un bahan, a'beya guerra te Amalec, jc'axel lajina spisil bintic ay yu'un, ma me xana'be yo'bolil sba; milticlana winiquetic, antsetic, alaletic soc tut alaletic te ya to xchu'unic, soc nix wacaxetic, tuminchijetic soc tentsunetic, camellohetic soc burrohetic, xchi.

Bible in Tzeltal de Oxchuc y Tenejapa

³ Ja' yu'un baan, ac'beya guerra, lajina ta jc'axel soc spisil sbiluc. Ma me ayuc mach'a x'ana'bey yo'bolil sba, milaic winiquetic, antsetic, alaletic soc mero ch'in alaletic te ayinelic to, soc nix te wacaxetic, chijetic, camelloetic, soc burroetic yu'unique”, xi' te Cajwaltic —xi' te Samuele.

1 Samuel 15:3 ပူးပေါင်းရင်းမြစ်များ

Génesis 36:12

Ay yan ants la yic' te Elifaz te snich'an Esaú, Timna sbihil, ha Amalec te yale. Hich ay te yalatac Ada te yihnam Esaú.

2 Samuel 1:8

¿Mach'ayat a? xchi. La jcalbe: Ho'on amalec-winicon, xchihon.

Éxodo 17:14

Te Jehová la yalbe te Moisés: Ts'ihbaya ta hun scuenta sna'ojibal, soc halbeya te Josué te ho'on ya jtup'be spisil sna'ojibal te Amalec ta ye'tal ch'ulchan, xchi.

Éxodo 20:5

Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

Números 24:20

Te Balaam la yil te Amalec, hich la yal ta sc'op-jalwanej: Te Amalec ha jolal yu'un te nacionetic, pero ta patil jc'axel jimbil ya xc'oht, xchi.

Números 31:17

Ha yu'un milahic ta ora spisil te bic'tal queremetic, soc milahic spisil te antsetic tahbilix ta winique.

Josué 10:39

La yu'untay soc la smilic ta espada te ajwalil soc spisil te pueblohetic yu'un, soc la slajinic spisil bintic cuxulic tey a, mayuc bin cuxul hil. Hich te bin ut'il la spasbe te Hebrón soc te Libna soc te ajwalil yu'un, hich nix la spasbe te Debir soc te ajwalil yu'une.

1 Samuel 14:48

La stsob soldadohetic, la stsal Amalec, hich la scoltay Israel ta sc'ab te mach'atic yac spojbelic sbiluquic.

1 Samuel 15:18

Te Jehová ay bin la sticonat ta spasel, hich la yalbat: Bahan, jc'axel lajina te jmulawiletic ta Amalec, a'beya guerra ha to c'alal yac alajinlan spisilic, xchi.

1 Samuel 15:9

Pero te Saúl soc te soldadohetic cuxul hil yu'unic te Agag soc te banti t'ujbilic tuminchijetic, wacaxetic, juhp'en wacaxetic soc tut tuminchijetic, spisil te bintic lec, ma ba la sc'anic te jc'axel la slajinic; ha nax jc'axel la slajinic te bintic ma lecuc soc te ma xtuhune.

1 Samuel 22:19

Soc te Saúl la smilticlan ta espada te mach'atic ayic ta Nob, ha te pueblo yu'un te sacerdotehetic: ha winiquetic, antsetic, alaletic soc tut alaletic te chu'ic to, soc wacaxetic, burrohetic soc tuminchijetic, spisil la smilticlan ta espada.

1 Samuel 27:9

Te David c'alal loc' bahel ta q'uinal ta poj-biluquetic, mayuc jtuhluc ants-winic te cuxul la yihquitay hilel. Ya yic'ticlan bahel te tuminchijetic, wacaxetic, burrohetic, camellohetic soc sc'u' spaq'uic, patil ya suht bahel ta stojol Aquis.

1 Samuel 30:17

Te David hahch ya'be guerra ta sab ha to c'alal ta tibiltic yu'un schebal c'ahc'al. Mayuc mach'a loc' ta ahnel jtuhluc, ha nax jbahc' (400) ta tuhl colel winiquetic te mohic ta camellohetic soc ahnic bahel.