1 Samuel 15:22 - Bible in Tzeltal Bachajón

²² Ha yu'un hich la sjac' te Samuel: ¿Ha bal c'ax lec xan yo'tan Jehová yu'un scohtol chic'bil mahtaniletic soc milbil mahtaniletic, te bin ut'il sch'uhumbeyel te sc'op Jehová? Ha lec xan a te xch'uhumbeyel smandar te bin ut'il a'beyel milbil mahtaniletic; soc ha lec xan a te a'iybeyel sc'op te bin ut'il sjuhp'el tuminchijetic.

Bible in Tzeltal de Oxchuc y Tenejapa

²² La sjac' te Samuel: —Ja' buen lec yo'tan Cajwaltic yu'un teme ya yich' ch'uunel smandal; ma ja'uc bayal sc'oplal teme ya cac'beytic milbil smajt'an soc chic'bil smajt'ane. Ja' mero bayal sc'oplal te ya jch'uunbeytic smandal soc teme ya cac' ta co'tantic te bi ya yale; ma ja'uc bayal sc'oplal te ya cac'beytic milbil smajt'an soc smajt'anin xepuil chije.

1 Samuel 15:22 ပူးပေါင်းရင်းမြစ်များ

Génesis 4:4

Yan te Abel la yac' te sba yal stuminchij te buen juhp'en. Lec yo'tan Dios yu'un te Abel soc te mahtanil la yac'.

Éxodo 19:5

Ha yu'un teme yac awa'iybonic jc'op soc teme yac ac'ohtesic ta pasel te chapbil-c'op cu'une, ha'ex me tsahbil c'ulejalil cu'un ya c'ohex ta yohlil spisil te pueblohetic; como ho'on cu'un spisil te bahlumilale.

Proverbios 21:3

Te spasel bintic toj soc lec, ha lec xan ya ya'iy a te Jehová te bin ut'il yaq'uel milbil mahtanil.

Eclesiastés 5:1

Te c'alal ya xbahat ta templo yu'un Dios tsahtaya te bin yac apas. Ha lec xan te ya xnohpojat bahel ta ya'iyel te bin ut'il yaq'uel milbil mahtanil hich te bin ut'il ya spasic te mach'atic ma sna'ic q'uinal, te ma ba ya sna'ic te ay bin chopol ya spasique.

Jeremías 11:4

ha te la jcalbe ta mandar te ame'atatic te c'alal la jloq'ueslan tal ta sq'uinal Egipto, ta horno yu'un yuhltesel taq'uin, te hich la jcalbe: Ch'uhumbonic jc'op, pasahic spisil te bintic ya calbeyex ta mandar, hich pueblohex cu'un ya xc'ohex soc ho'on Dioson awu'unic ya xc'ohon.

Jeremías 11:7

C'alal bin ora la jloq'ues tal ta sq'uinal Egipto te ame'atatic c'alal ora ini ma ba quechajon ta stsitsel, hich la jcalbe: A'iybon awa'iyic te jc'ope, xchihon.

Jeremías 26:13

Lecubtesahic te behetic awu'unic soc te awa'telic, ch'uhumbeyahic te sc'op te Jehová, te Dios awu'unique; hich ya sut sc'op te Jehová ta spasel te bin chopol yaloj te ya spasbeyexe.

Oseas 6:6

Como ha ya jc'an c'uxul-o'tanil, ma ha'uc chic'bil mahtanil, c'ax hich ya jc'an te yac ana'be sba Dios te bin ut'il scohtol chic'bil mahtaniletic.

Oseas 8:13

La ya'bonic chic'bil mahtaniletic soc la swe'beyic sti'balul, pero te Jehová ma ba lec yo'tan yu'un. Ya me sna'be te bin chopol spasojic, ya ya'be castigo yu'un smulic, ya me cha'suhtic bahel ta Egipto.

San Mateo 12:7

Te ha'uc la ana'beyic scuentahil te hich ya yal: Ha ya jc'an te yac awa'iyic c'uxultaywanej, ma ha'uc ya jc'an milbil mahtaniletic, te xchihe, ma ba yac atojol-lehbeyic smul te mach'atic mayuc smulic te hichuque.

San Mateo 23:23

¡Ay me awocolic, escribanohetic, fariseohetic, jchebal-o'tanex! como yac aloq'ues jun ta slajunebal te menta, anís, soc comino, pero yac awihquitayic te bin tulan sc'oblal ta Ley: ha te bin toj ta pasel, te c'uxultaywanej soc te sch'uhunel-o'tanil. Ha ya sc'an pasel soc nix te yane.

San Mateo 5:24

ihquitaya hilel te mahtanil ta scajtajib, bahan, nahil pastaytesbeya yo'tan te awermano, patil ya xtal awac' te mahtanil awu'une.

San Mateo 9:13

Bahanic, nopahic bin scuentahil te hich halbil: Ha ya jc'an te yac awa'iyic c'uxultaywanej, ma ha'uc ya jc'an milbil mahtanil, te xchihe. Como ma ha'uc tal quic'ticlan te mach'atic toj yo'tanic, ha tal quic' te jmulawiletique, xchi.

San Marcos 12:33

soc te c'ux ya ca'iytic ta spisil co'tantic, ta spisil jp'ijiltic, ta spisil jch'uhleltic soc ta spisil quiptic, soc te c'ux ya ca'iy jbahtic soc te jpat-xuctic hich te bin ut'il c'ux ya ca'iy jbahtic, te ha c'ax hich sc'oblal a te bin ut'il spisil scohtol chic'bil mahtaniletic soc milbil mahtaniletic, xchi.

1 Samuel 13:12

hich la jcal: Ya me xco tal ya'bonic guerra ta Gilgal te filisteohetic, soc ma to ba jc'ambeyej coltayel a te Jehová, xchihon. Ha yu'un la jquil te la sc'an te ya cac' te scohtol chic'bil mahtanil, xchi.

1 Samuel 13:13

Hich halbot yu'un te Samuel: Ma xana' te bin la apase. Te lajuc ach'uhumbe te mandar te la yalbat te Jehová te Dios awu'un, la yac' te stalel ayic ta ajwalil ta Israel te ats'umbal te hichuque.