1 Samuel 15:13 - Bible in Tzeltal Bachajón

¹³ Hich baht te Samuel te banti ay Saúl, hich halbot yu'un te Saúl: Ac'a ya'bat bendición te Jehová. C'ohtix ta pasel cu'un te bin la yal te Jehová, xchi.

Bible in Tzeltal de Oxchuc y Tenejapa

¹³ Jich bajt' te Samuel te banti ay Saúl, jich la yal te Saúl: —Ac'a yac'bat bendición te Cajwaltique. C'otix ta pasel cu'un te smandale —xi'.

1 Samuel 15:13 ပူးပေါင်းရင်းမြစ်များ

Génesis 14:19

soc la ya'be bendición te Abram, hich la yal: Bayeluc me yutsil sc'oblal te Abram yu'un te Dios te mero toyol ay, ha te mach'a la spas te ch'ulchan soc te bahlumilal:

Génesis 3:12

La sjac' te winique: Te ants te la awa'bon joquin, ha la ya'bon te sit te te', hich la jlo', xchi.

2 Samuel 2:5

te David la sticon bahel winiquetic ta stojol te winiquetic yu'un Jabes ta sq'uinal Galaad, hich la yalbeyic: Ac'a ya'beyex bendición te Jehová yu'un te la ac'uxultayic te Saúl te ajwalil awu'unic, te la amuquique.

Proverbios 27:2

Ac'a yalbat lec ac'oblal yan, ma ha'ucat nix yac awal aba; ha lec yan, ma ha'ucat nix yac awal.

Proverbios 28:13

Te mach'a ya smuc smul, ma xp'ohl te bintic ay yu'un, yan te mach'a ya yal ta jamal smul soc ya yihquitay spasel, ya me sta c'uxultayel.

Proverbios 30:13

Ay mach'atic scuyoj sbahic ta muc' sc'oblalic, soc toyol yac'oj sbahic ta sitic ta yilel te yantique.

Proverbios 31:31

¡A'beya stojol te sc'ab, soc ac'a yich' halbeyel yutsil sc'oblal ya'tel ta yochibal te pueblo!

San Lucas 17:10

Ha nix hich te ha'exe, teme la apasic spisil te bin halbotex, hich me yac awalic: Ma xtuhunotcotic ta a'batinel, ha nax la jpascotic te bin ay ta jcuentacotic spasel, chihanic me, xchi te Jesús.

San Lucas 18:11

Te fariseo la stehc'an sba, hich hahch yal sba ta sc'oponel Dios: Dios, wocol awal te ma hichucon te bin ut'il yantic winiquetic: ha j'eleq'uetic, ma tojuc yo'tanic, j'antsiwejetic, soc wocol awal te ma hichucon te bin ut'il te jc'an-patan ini.

Jueces 17:2

Hich la yalbe te snane: Te ho'lajunwinic yoxbahc' (1,100) ta sehp plata te la awich' elc'ambeyel, te la awalbe chopol c'oblalil yu'un, soc te la awalbon sc'oblale, ilawil, ho'on quich'oj, ho'on la jquelc'ambat, xchi. Hich la yal te snane: ¡Cal, ac'a ya'bat bendición te Jehová! xchi.

Rut 3:10

Hich la yal te Booz: Ac'a ya'bat bendición te Jehová, cantsil-nich'an. Te bin la apas ta ora ini c'ax hich yutsil a te bin ut'il la apas ta nahil to, te ma ha'uc baht ale jtuhl querem, chican teme pobre o jc'ulej.

1 Samuel 13:10

Te c'alal lajel to ta yac'bel a te scohtol chic'bil mahtanil, tal te Samuel. Te Saúl loc' bahel ta spatbeyel yo'tan.

1 Samuel 15:11

Ya jmel co'tan yu'un te la jcotses ta ajwalil te Saúl, como la yihquitayonix soc ma ba la spas te bin la jcal, xchi. Te Samuel ma ba lec la ya'iy, sjunal ahc'abal la yalbe bayel wocol Jehová yu'un.

1 Samuel 15:20

Te Saúl la sjac'be sc'op te Samuel: ¡La jch'uhumbe sc'op te Jehová! La jpasix te bin la sticonon ta spasel te Jehová. La quic' tal te Agag ajwalil yu'un Amalec, soc jc'axel la jlajin te snich'nab Amalec.

1 Samuel 15:9

Pero te Saúl soc te soldadohetic cuxul hil yu'unic te Agag soc te banti t'ujbilic tuminchijetic, wacaxetic, juhp'en wacaxetic soc tut tuminchijetic, spisil te bintic lec, ma ba la sc'anic te jc'axel la slajinic; ha nax jc'axel la slajinic te bintic ma lecuc soc te ma xtuhune.

1 Samuel 23:21

La yal te Saúl: Ac'a ya'beyex bendición te Jehová te bin ut'il la ana'bonic yo'bolil jba.

1 Samuel 25:14

Pero ay jtuhl a'bat te hich baht yalbe te Abigail te yihnam Nabal: Te David la sticon tal winiquetic c'alal ta jochol taquin q'uinal ta yalel patil-o'tanil ta stojol te cajwalcotic, pero chopol bin la sutbe bahel.