1 Samuel 15:11 - Bible in Tzeltal Bachajón

¹¹ Ya jmel co'tan yu'un te la jcotses ta ajwalil te Saúl, como la yihquitayonix soc ma ba la spas te bin la jcal, xchi. Te Samuel ma ba lec la ya'iy, sjunal ahc'abal la yalbe bayel wocol Jehová yu'un.

Bible in Tzeltal de Oxchuc y Tenejapa

¹¹ —Ma lecuc ya caiy te ja' och ta muc' ajwalil te Saúl. Melel la spijt'esix sba, ma ba la xch'uunbon te bi la calbey spase —xi'. Te Samuel mero ma ba lec la yaiy, sjunal ajc'ubal la yalbey bayal wocol te Cajwaltic yu'une.

1 Samuel 15:11 ပူးပေါင်းရင်းမြစ်များ

Génesis 6:6

Te Jehová la smel yo'tan yu'un te la spas te ants-winiquetic; tal sc'uxul ta yo'tan.

Génesis 6:7

Ha yu'un la yal te Jehová: Ya me jlajin ta sba te bahlumilal spisil ants-winiquetic te pasbil cu'un, spisil chambahlametic, te bintic ya stas sba ta behel, soc te mutetic ya xwihlic ta toyol, como ya jsuht jc'op yu'un te la jpasticlan, xchi.

2 Samuel 24:16

C'alal la shach sc'ab te ch'ul a'bat ta stojol Jerusalén yu'un slajinel, te Jehová la sut sc'op, hich la yalbe te ch'ul a'bat te yac ta lajinwanej: Tiq'uix a; coma te ac'abe, xchi. Te ch'ul a'bat yu'un Jehová ay ta sq'uiyojibal trigo yu'un te Arauna te jebuseo-winique.

1 Reyes 11:9

Te Jehová ilin ta stojol Salomón yu'un te la sch'ay ta yo'tan te Jehová te Dios yu'un Israel, te cheb buelta la yac' sba ta ilel ta stojol,

1 Crónicas 10:13

Hich laj te Saúl ta scaj te ma ba jun yo'tan ta stojol Jehová, ma ba la scanantaybe sc'op te Jehová soc baht sjoc'obe jtuhl jna'ojel ants,

1 Crónicas 21:15

Te Jehová la sticon ch'ul a'bat ta sjinel te Jerusalén; pero te c'alal ya xhahchix ta sjinel a, la yil te Jehová, la smel yo'tan yu'un te ya yich' jinel, ha yu'un la yalbe te ch'ul a'bat te hahchix ta sjinel: ¡Tic'uquix a, comahix te ac'abe! xchi. Te ch'ul a'bat yu'un Jehová tey teq'uel a ta nopol yawil swuyojibal trigo yu'un te Ornán te jebuseo-winique.

Job 34:27

como la yihquitayic hilel, ma ba la yich'beyic ta cuenta te behetic yu'un,

Salmos 109:4

Te spacol te sc'uxul co'tan ha te ya slehbon jmul, pero ya jc'opon te Diose.

Salmos 110:4

Hich yaloj ta jamal te Jehová, ma ba ya suhtes sc'op: Ha'at sacerdotehat sbahtel q'uinal, hich te bin ut'il te Melquisedec, xchi.

Salmos 119:136

Muc'ul ha' ya xloc' ta jsit, yu'un ma ba ya sch'uhunic spasel te Ley awu'une.

Salmos 125:5

Yan te mach'atic ya st'unic bahel te chopol be, te Jehová pajal me ya sloq'ues soc te mach'atic chopol ya'telique. ¡Ac'a lahmajuc q'uinal ta stojol Israel! C'ayoj yu'un mohel bahel ta Jerusalén.

Salmos 36:3

Te c'opetic ya xloc' ta ye ha chopol c'op soc lo'loywanej; hilix yu'un te sp'ijil soc spasel te bin leque.

Salmos 78:41

Bayel buelta la stsajic te Diose, la shachbeyic yo'tan te Ch'ul Dios yu'un Israel.

Salmos 78:57

Suht ta spatic, ma junuc yo'tanic ta stojol hich te bin ut'il sme'static, hich howiyic te bin ut'il coxol t'ihmalte'.

Éxodo 32:11

Ha yu'un te Moisés c'opoj ta stojol Jehová te Dios yu'un, hich la yalbe: Ay, Jehová, ¿bin yu'un te ya x'ilinat ta stojol te pueblo awu'un te la aloq'ues tal ta sq'uinal Egipto ta scuenta smuc'ul awu'el soc ta yip ac'ab?

Éxodo 32:14

Ha yu'un te Jehová la suhtes yo'tan yu'un te bin chopol yaloj te ya spasbe te pueblo yu'une.

Jeremías 11:10

Suhtemiquix bahel ta spasel te bintic chopol la spasic te sme'static, te mach'atic ma ba la sc'an la ya'iybonic te jc'ope. La st'unic bahel yantic diosetic yu'un ya yac' sbahic ta a'batinel yu'unic. Te sna Israel soc te sna Judá la sc'axuntaybonic te chapbil-c'op la jchap soc te sme'statique.

Jeremías 13:17

Teme ma ba yac awa'iyic, muquen ya x'oc'on ta scaj te atoybahilic; ya xloc' ya'lel jsit ta tulan oq'uel, como te jtsohb tuminchijetic yu'un Jehová ya x'ic'otic bahel ta chuquel.

Jeremías 34:16

Pero cha'suhtexix ta apatic soc la abohlobtesbonic te jbihile; jujutuhlex la acha'iq'uic xan te winic soc ants te awac'ojiquix ta libre te mach'a la sc'anique, la acha'otsesic xan ta mosohil.

Jeremías 9:1

¡Te ha'uc ha' te jol soc te ha'uc sloq'uib-ha' te jsite, yu'un ya coq'uetay c'ahc'al ahc'abal te mach'atic chamic yu'un te jlumale!

Jeremías 9:18

¡Ac'a suj sbahic, ac'a yoq'uetayotic! ¡Ac'a nojuc ta ya'lel te jsitique, ac'a maluc loq'uel ha' ta stsotsel jsitic!

Ezequiel 18:24

Pero te mach'a toj yo'tan teme ya yihquitay hilel te bin stojil ya spas, teme ya spas te bin chopol soc ya spas te bintic ilobtic sba te ya spas te mach'a chopol yo'tane, ¿ya bal xcuxaj? ¡Mayuc junuc te bintic stojil spasoj te ya x'ich'bot ta cuenta! Ta scaj te ma junuc yo'tan, ta scaj te mulil spasoj, ya me xlaj yu'un.

Amós 7:3

Ha yu'un te Jehová la suht sc'op, hich la yal: Ma hichuc ya xc'oht ta pasel, xchi.

Jonás 3:10

Te Dios la yil te bin la spasic, ha te la suhtes yo'tanic yu'un te chopol be yu'unique, hich la suht sc'op yu'un te bin chopol yaloj te ya spasbe.

Jonás 4:2

La sc'opon te Jehová, hich la yal: ¡Jehová! ¿ma bal hichuc nix la jcal te c'alal ayon to ta jlumal? Ha scuentahil te ahnon bahel ta Tarsis, como jna'oj te ha'at Diosat te ay yutsil awo'tan soc yac ana'be yo'bolil sbahic, te ma orahuc ya x'ilinat soc ay bayel sc'uxul awo'tan, soc te yac asuht ac'op ta spasel te bin chopole.

Sofonías 1:6

te mach'atic ya yihquitayic st'unel te Jehová, te mach'atic ma ba ya slehic te Jehová o te ya sjoc'oyic.

San Mateo 24:13

Pero te mach'a ya xcuhch yu'un c'alal ta slajibal, ha me ya xcol stuquel.

San Mateo 5:44

Pero ho'on ya calbeyex: C'ux me xawa'iy ta awo'tanic te acontra, lecuc me xac'oponic te mach'atic ya yixta'c'optayex, lecuc bin yac apasbeyic te mach'atic ya sp'ajex, soc c'opombeyahic Dios te mach'atic ya yuts'inex,

San Lucas 6:12

Ta hich ora baht ta wits ta sc'oponel Dios te Jesús, sjunal ahc'abal la sc'opon Dios tey a.

Hebreos 10:38

Te mach'a toj yo'tan ya xcuxaj ta scuenta sch'uhunel yo'tan; yan teme ya suht ta spat, ma ba lec co'tan yu'un, xchi.

Josué 22:16

Hich ya yal spisil te pueblo yu'un Jehová: ¿Bin a te chopol la apasic ini ta scontrahinel te Dios yu'un Israel, te la awihquitayiquix st'unel te Jehová, ha te la apasiquix scajtajib ta chiq'uel mahtanil scuenta atoybahilic ta stojol Jehová?

1 Samuel 12:23

Hich te ho'one, ma me jta jmul ta stojol Jehová yu'un te ya jquehchan yalel wocol ta stojol ta acuentahique; ya ca'beyex anopic bin ut'il ay te lequil be soc te toj behe.

1 Samuel 13:13

Hich halbot yu'un te Samuel: Ma xana' te bin la apase. Te lajuc ach'uhumbe te mandar te la yalbat te Jehová te Dios awu'un, la yac' te stalel ayic ta ajwalil ta Israel te ats'umbal te hichuque.

1 Samuel 15:10

Tal sc'op Jehová ta stojol te Samuel:

1 Samuel 15:3

Ha yu'un bahan, a'beya guerra te Amalec, jc'axel lajina spisil bintic ay yu'un, ma me xana'be yo'bolil sba; milticlana winiquetic, antsetic, alaletic soc tut alaletic te ya to xchu'unic, soc nix wacaxetic, tuminchijetic soc tentsunetic, camellohetic soc burrohetic, xchi.

1 Samuel 15:35

Te Samuel tey mayuquix bin ora la yilbe xan sit a te Saúl; pero la yoq'uetay te Saúl, como te Jehová la smel yo'tan yu'un te la yotses ta ajwalil ta Israel te Saúl.

1 Samuel 15:9

Pero te Saúl soc te soldadohetic cuxul hil yu'unic te Agag soc te banti t'ujbilic tuminchijetic, wacaxetic, juhp'en wacaxetic soc tut tuminchijetic, spisil te bintic lec, ma ba la sc'anic te jc'axel la slajinic; ha nax jc'axel la slajinic te bintic ma lecuc soc te ma xtuhune.

1 Samuel 16:1

Te Jehová hich la yalbe te Samuel: ¿Jayeb xan c'ahc'al te yac awoq'uetay te Saúl, te bin ut'il ho'on la jch'aybeyix ya'tel ta ajwalil ta Israel? Bahan nojesa ta aceite te xulubil awu'un, ya jticonat bahel ta stojol Isaí ta Belén, yu'un la jtsahbeyix jtuhl snich'an te ya x'och ta ajwalil, xchi.

1 Samuel 8:6

Pero ma lecuc la ya'iy te Samuel te hich halbot yu'unic: A'botcotic jtuhl ajwalil te ya scuentahinotcotic, te xchihique, ha yu'un la sc'opon te Jehová.