1 Samuel 14:6 - Bible in Tzeltal Bachajón

⁶ Hich te Jonatán la yalbe te jcuch-a'tejibal yu'un: La' me, sohlucotic bahel ta banti ay te jchahp soldado yu'un te mach'atic ma ba yich'ojic circuncisión; ay wan bin ya spasbotic te Jehová, como ma ba wocol ya ya'iy stuquel te ya yac' tsalaw, teme ay tsobolic o teme mayuc tsobolic, xchi.

Bible in Tzeltal de Oxchuc y Tenejapa

⁶ Jonatán jich la yalbey te abat yu'une: —La', c'axucotic bael ta jejch'. Ya me xc'ootic c'alal ta banti ayic te jchajp soldadoetic te ma ba xch'uunejic te cuxul Diose. Ora ay bi ya spasbotic ta jtojoltic te Cajwaltic, melel ma ba wocol ya yaiy stuquel teme ya yac'otic ta tsalaw soc jteb nax winiquetic, o teme tsobol winiquetique —xi' te Jonatán.

1 Samuel 14:6 ပူးပေါင်းရင်းမြစ်များ

2 Samuel 1:20

Ma me xawalic ta Gat, soc ma me xawalic ta callehetic ta Ascalón, scuenta yu'un ma me tse'eluc yo'tanic a te yantsil-nich'nab te filisteohetic, scuenta yu'un ma ba ya xwihlic yu'un yutsil yo'tanic te yantsil-nich'nab te mach'atic ma ba yich'ojic circuncisión.

2 Samuel 16:12

Ya wan yilbon jwocol te Jehová soc ya ya'bon bendición ta scaj te bohlc'optayel yu'une, xchi.

2 Reyes 19:4

Ya wan ya'iy Jehová te Dios awu'un spisil bintic la yal te jtsobaw soldadohetic te ticombil tal yu'un te ajwalil yu'un Asiria ta sbohlc'optayel te cuxul Dios; te yacuc ya'be castigo yu'un te bintic la yal la ya'iy te Jehová te Dios awu'une. Ha yu'un c'opombeya Dios yu'un te mach'atic cuxul hilemic, xchihic.

2 Crónicas 14:10

Ha yu'un te Asa loc' ta stahel, la schol sbahic ta yaq'uel guerra ta spamlej yu'un Sefata ta nopol Maresa.

2 Crónicas 14:11

Te Asa la yawtay te Dios, hich la yal: Jehová, pajal yac awa'iy teme yac acoltay te mach'a ay yip o te mach'a mayuc yip. Coltayawotcotic, Jehová, Diosat cu'uncotic, como quich'oj quipcotic ta atojol, soc ta scuenta abihil ya ca'becotic guerra te soldadohetic ini. Jehová, ha'at Diosat cu'uncotic; ma me xawac' stsalat te winique, xchi ta sc'oponel Dios.

Salmos 135:6

Te Jehová ya spas spisil te bintic ya sc'an ya spas, ta ch'ulchan, ta bahlumilal, ta maretic soc spisil sc'ubulil.

Jeremías 9:23

Hich ya yal te Jehová: Te mach'a ay sp'ijil ma me stoybe sba ya'iy q'uinal yu'un te sp'ijile, soc te mach'a ay yip ma me stoybe sba ya'iy q'uinal yu'un te yipe, te mach'a ay sc'ulejal ma me stoybe sba ya'iy q'uinal yu'un te sc'ulejale.

Jeremías 9:25

Ya me sta sc'ahc'alel, xchi te Jehová, te ya ca'be castigo spisil te mach'atic ha nax yich'ojic circuncisión ta scuenta sbaq'uetalic:

Jeremías 9:26

ha te Egipto, te Judá, Edom, Amón soc Moab, soc spisil te mach'atic ya xnahinic ta jochol taquin q'uinal te ya sloq'ues te stsotsel sjolic ta xuhc schiquinique. Como spisil te nacionetic ini ma ba yich'ojic circuncisión ta smelelil, soc ha nix hich te pueblo Israel ma ba yich'ojic circuncisión ta yo'tanic, xchi.

Amós 5:15

Ihlayahic te bin chopol, c'ux me xawa'iy ta awo'tanic te bin lec, soc a'beya yich' yip te stojil chahpanel ta chapojibal; te Jehová te Dios te scuentahinej spisil ya wan sc'uxultay te jayeb ya xhilic yu'un José.

Sofonías 2:3

Lehahic te Jehová apisilic te peq'uelex ta bahlumilal, ha'ex te la apasic te mandariletic yu'une; lehahic te bintic stojil ta pasel, lehahic bin ut'il peq'uel yac awac' abahic, ya wan xcolex ta sc'ahc'alel yilimba te Jehová.

Zacarías 4:6

Ha yu'un hich la yalbon: Ha te sc'op Jehová ini ta stojol Zorobabel, te hich ya yal: Ma ta scuentahuc soldadohetic soc ma ta scuentahuc yipic, ha ta scuenta te espíritu cu'un, xchi te Jehová te scuentahinej spisil.

Números 10:32

Teme yac ajoquinotcotic bahele, te c'alal ayix ta jcuentacotic te bintic lec ya ya'botcotic te Jehová, ha nix ya ca'batcotic, xchi.

Números 31:4

Ta jujuchahp te snich'nab Israel ya me aticon lajunwinic yoxbahc' (1,000) ta tuhl winiquetic ta yaq'uel guerra, xchi.

San Mateo 19:26

Ilticlambot sitic yu'un te Jesús, hich la yalbe: Te ants-winiquetic ma xhu' yu'unic spasel ini, pero te Dios spisil ya xhu' yu'un stuquel, xchi.

Romanos 8:31

¿Bin ya caltiquix yu'un a ini? Teme lec yo'tan Dios ta jtojoltic, ¿mach'a ya xhu' ya scontrahinotic?

Deuteronomio 32:30

¿Bin ut'il ya xhu' te jtuhl nax ya snuts bahel jmil ta tuhl, soc te cha'tuhl nax ya yac' ahnuc lajunmil, te manchuc chonotic yu'un te Muc'ul Ton, soc te ihquitayotic yu'un te Jehová?

Filipenses 3:3

Pues ho'otic te quich'ojtic te mero circuncisión, te ya jch'uhuntaytic te Dios ta scuenta te Espíritu yu'un Dios soc te bayel cutsilaltic ya ca'iytic ta scuenta Cristo Jesús, te ma ha'uc smuc'ulinej co'tantic te ch'ich'-baq'uet;

Josué 14:12

A'bon hiche te wits ini te halbot sc'oblal yu'un Jehová ta hich ora; como ta hich ora ha'at la awa'iy te tey ayic a te sts'umbal Anac soc te ay muc'ul pueblohetic te ay sts'aculique. Teme sjoquinejon te Jehová, ya jtenticlan loq'uel hich te bin ut'il yaloj te Jehová, xchi te Caleb.

Jueces 15:18

Te bin ut'il mero bayel taquij yo'tan te Sansón, hich la yawtay te Jehová: Ha'at la awaq'uix te muc'ul coltayel ini ta scuenta te a'bat awu'un, ¿bin ut'il ay a te yac awac' te ya xchamon ta taquinti'il soc te ya x'ochon ta sc'ab mach'atic ma ba yich'ojic circuncisión? xchi.

1 Samuel 14:5

Te jun muc'ul sacalch'en ay ta stojol norte, ta stojol Micmas, te yane ay ta stojol sur, ta stojol Gabaa.

1 Samuel 14:7

Hich la sjac' te jcuch-a'tejibal yu'une: Pasa spisil te bin ya sc'an awo'tan; ya joquinat ta spasel te bin ya sc'an awo'tan, xchi.

1 Samuel 17:26

Ha yu'un te David la sjoc'obe te mach'atic ayic ta sts'ehl: ¿Bin ya spasbeyic te winic te ya stsal te filisteo ini, te hich ya xlaj sc'oblal a te labanel yu'un Israel? ¿Mach'a ya scuy sba a te filisteo te ma ba yich'oj circuncisión yu'un ya stijbe hahchel yo'tanic te soldadohetic yu'un te cuxul Dios? xchi.

1 Samuel 17:36

Aunque choj, aunque oso, pero te a'bat awu'un la smil. Te filisteo ini te ma ba yich'oj circuncisión pajal ya xc'oht soc, como stijbeyej yo'tan te soldadohetic yu'un te cuxul Dios.

1 Samuel 17:46

Te Jehová ya me yac'at ta jc'ab yo'tic, ya jtsalat soc ya jxot'bat anuc'. Yo'tic nix ya ca'be sti'ic abaq'uetal soc te sbaq'uetal filisteohetic te mutetic ya xwihlic ta toyol soc te chambahlametic ta q'uinal. Hich me ya sna' a swohlol bahlumilal te ay Dios ta Israel.

1 Samuel 17:47

Soc ya me sna' spisil te pueblo ini te Jehová ma xcoltaywan ta espada o ta lanza; como ha yu'un Jehová te guerra, ha ya yaq'uex ta jc'abcotic, xchi.

1 Samuel 31:4

Ha yu'un te Saúl la yalbe te jcuch-a'tejibal yu'un: Loq'uesa te espada awu'un, lowahon a scuenta yu'un ma ha'uc ya xtal slowon ta espada te mach'atic ma ba yich'ojic circuncisión, te hich ya slabanonic a, xchi. Pero te jcuch-a'tejibal yu'un ma ba la sc'an, yu'un bayel xiw. Ha yu'un te Saúl la stsac te espada yu'un, la syahltes sba ta sni'il.