1 Samuel 14:41 - Bible in Tzeltal Bachajón

⁴¹ Ha yu'un te Saúl hich la yalbe te Jehová te Dios yu'un Israel: Ac'a ta na'el ta scuenta spasbeyel seña ta na'el, xchi. Ha c'oht ta scuentahic Jonatán soc Saúl; hil ta libre te winiquetique.

Bible in Tzeltal de Oxchuc y Tenejapa

⁴¹ Jajch' ta c'op te Saúl, jich la yal: —Cajwal, Dios yu'un Israel, ¿bi yu'un te ma ba la ajac'bon jc'op ta ora te abaton awu'une? Teme jo'on te ay jmule, o teme ja' te jnich'an Jonatán, ac'a me chicnajuc te c'alal ya yich' ch'ojel te seña sna'ojibal, ja' ac'a loc'uc te Urim. Pero teme ja' ay smul te israeletic, ja' te lum awu'une, chican me ja' ya xloc' te Tumim —xi'. Te c'alal la yich' ch'ojel te seña sna'ojibale, ja' c'ot ta swentaic te Jonatán soc te Saule. Te lume ma'yuc smul loc' stuquel.

1 Samuel 14:41 ပူးပေါင်းရင်းမြစ်များ

Proverbios 16:33

Te winiquetic ya spasic seña ta na'el, pero ay ta scuenta Jehová yaq'uel ta na'el.

Proverbios 18:18

Te spasel seña ta na'el ya yac' lahmajuc te c'ope, soc ya schahpan te c'op yu'un te mach'atic tulan scontrahinej sbahique.

Jonás 1:7

Talel c'axel hich la yalbe sbahic te j'a'teliletic ta barco: La', ya jpasbetic seña ta na'el yu'un hich ya jna'tic a mach'a ta scuenta te talem ta jtojoltic te wocole, xchihic. Hich la spasic seña ta na'el, ha c'oht ta scuenta Jonás.

Hechos 1:24

Hich la yalic ta sc'oponel Dios: Ha'at, Cajwal, te yac ana'be yo'tan spisilic, ac'a ta na'el mach'a tsahbil awu'un ta schebalic,

Hechos 1:26

Hich och spasbeyic seña ta na'el, ha c'oht ta scuenta te Matías; hich jun c'oht soc te buluchtuhl (11) jpuc-c'opetique.

1 Samuel 14:40

Hich te Saúl la yalbe spisil Israel: Te ha'exe tey xawac' abahic ta jehch, te ho'on soc te jnich'an Jonatán ya cac' jbahcotic ta yan jehch, xchi. Pasa te bin lec yac awa'iy, xchihic te winiquetique.

1 Samuel 14:42

La yal te Saúl: Pasahic te seña ta na'el ta jtojol soc ta stojol te jnich'an Jonatán, xchi. Ha c'oht ta scuenta te Jonatán.