1 Samuel 14:3 - Bible in Tzeltal Bachajón

³ soc Ahías snich'an Ahitob, te yermano Icabod snich'an Finees, te snich'an Elí, te sacerdote yu'un Jehová ta Silo, te yich'oj te efod. Mayuc mach'a sna'oj te bahem te Jonatán.

Bible in Tzeltal de Oxchuc y Tenejapa

³ Te mach'a ay ta swenta slapel te efod, ja' te Ahías te snich'an Ahitob, snich'jun Icabod, snich'an Finees. Ja' smam te anima Elí te at'ej ta sacerdote yu'un Cajwaltic ta Silo. Ma'yuc mach'a sna'oj teme baem te Jonatán;

1 Samuel 14:3 ပူးပေါင်းရင်းမြစ်များ

1 Samuel 1:3

Te winic jujun ha'bil ya xloc' hahchel ta pueblo yu'un, ya xbaht ta Silo ta sch'uhuntayel soc ta ya'beyel milbil smahtan te Jehová te scuentahinej spisil, tey ta banti ay te cheb snich'nab Elí: ha te Ofni soc Finees, te sacerdotehetic yu'un Jehová.

1 Samuel 14:36

La yal te Saúl: Ha ahc'abal ini ya me xcohotic bahel ta scontrahinel te filisteohetic, ya jpojbetic sbiluquic c'alal ta sacubel q'uinal; ma me ayuc mach'a cuxul ya xhil cu'untic, xchi. Pasa te bin lec yac awa'iy, xchihic. Pero la yal te sacerdote: Ac'a nohpojucotic ta stojol Dios li'i ta sjoc'obeyel, xchi.

1 Samuel 2:18

Te querem Samuel yac yac'bel sba ta a'batinel ta stojol Jehová, sc'u'inej efod pasbil ta lino-pac'.

1 Samuel 2:28

Ha la jtsa loq'uel ta yohlil spisil te jchahp yu'un Israel scuenta sacerdote cu'un ya xc'oht, yu'un ya yac' chic'bil mahtanil ta scajtajib cu'un, ya schic' pom, soc ya slap efod ta jtojol. La jca'be te mach'atic ay yu'un atat spisil te mahtaniletic chic'bilic ta c'ahc' te ya yaq'uic te snich'nab Israel.

1 Samuel 22:20

Pero Abiatar, jtuhl snich'an Ahimelec snich'an Ahitob, loc' ta ahnel, baht ta banti ay te David.

1 Samuel 4:21

La ya'be sbihilin Icabod te alale, yu'un la yal: Loq'uix bahel te yutsilal Israel, xchi, ta scaj te baht ta pojel te scaxahul te chapbil-c'op yu'un Dios soc te cham te yalibmamal soc te smamalale.

1 Samuel 4:4

Hich te pueblo la sticonic bahel winiquetic ta Silo, la yich'ic tal te scaxahul te chapbil-c'op yu'un Jehová te scuentahinej spisil, te nahinem ta yohlil te querubinetic. Te schebal snich'nab Elí, ha te Ofni soc Finees, sjoquinejic te scaxahul te chapbil-c'op yu'un Dios.