1 Samuel 14:18 - Bible in Tzeltal Bachajón

¹⁸ Ha yu'un te Saúl la yalbe te Ahías: Ich'a tal te scaxahul te chapbil-c'op yu'un Dios, xchi. (Yu'un te scaxahul te chapbil-c'op yu'un Dios ay ta yohlilic a te snich'nab Israel.)

Bible in Tzeltal de Oxchuc y Tenejapa

¹⁸ Te efod yu'un Dios tey ora ay ta campamento yu'un te soldado-israeletique. Ja' yu'un te Saúl jich la yalbey te Ahías: —Ich'a tel te efod, yu'un ay bi ya jojc'obey Dios. Li' x'awich' tel —xi'.

1 Samuel 14:18 ပူးပေါင်းရင်းမြစ်များ

2 Samuel 11:11

La sjac' te Urías: Te scaxahul te chapbil-c'op yu'un Dios soc te soldadohetic yu'un Israel soc Judá nahinemic ta nahilpac', soc te cajwal Joab soc te a'batetic yu'un ayic ta aquiltic. ¿Ya bal spas te ya x'ochon bahel ta jna, te ya xwe' x'uch'on soc te ya xwayon soc te quihname? ¡Ta scuenta acuxlejal soc ta scuenta ach'uhlel, ma ba hich ya jpas! xchi.

Números 27:21

Te Josué ya xbaht ta stojol te sacerdote Eleazar te ha ya sjoc'obe te Jehová ta scuenta te Urim. Ta scuenta smandar te Josué ya xloq'uic bahel spisil te pueblo Israel, soc ta scuenta smandar ya x'ochic talel, xchi.

Jueces 20:18

Patil hahchic bahel te snich'nab Israel, mohic bahel ta Bet-el, hich baht sjoc'obeyic te Diose: ¿Mach'a nahil ya xmo bahel cu'uncotic ta ya'beyel guerra te snich'nab Benjamín? xchihic. La sjac' te Jehová: Ha nahil ya xbaht te Judá, xchi.

Jueces 20:23

yu'un te snich'nab Israel mohemiquix bahel soc oq'uic ta stojol Jehová c'alal ta yihc'ubel q'uinal, soc la sjoc'obeyic te Jehová: ¿Ya bal suhtotcotic ta ya'beyel guerra te snich'nab Benjamín te quermanocotic? xchihic. La sjac' te Jehová: Bahan, a'beyahic guerra, xchi.

1 Samuel 14:17

Ha yu'un te Saúl la yalbe te mach'atic sjoquinej: Ahtaya awilic mach'a loq'uem bahel ta jtojoltic, xchi. C'alal c'ax ta ahtayel, la yilic te ma ba chican tey a te Jonatán soc te jcuch-a'tejibal yu'un.

1 Samuel 14:36

La yal te Saúl: Ha ahc'abal ini ya me xcohotic bahel ta scontrahinel te filisteohetic, ya jpojbetic sbiluquic c'alal ta sacubel q'uinal; ma me ayuc mach'a cuxul ya xhil cu'untic, xchi. Pasa te bin lec yac awa'iy, xchihic. Pero la yal te sacerdote: Ac'a nohpojucotic ta stojol Dios li'i ta sjoc'obeyel, xchi.

1 Samuel 23:9

C'alal la ya'iy te David te bin chopol snopoj te Saúl, hich la yalbe te sacerdote Abiatar: Ich'bon tal te efod, xchi.

1 Samuel 5:2

La yotsesic te scaxahul te chapbil-c'op ta templo yu'un Dagón, la yaq'uic ta sts'ehl te Dagón.

1 Samuel 7:1

Hich talic te mach'atic ayic ta Quiriat-jearim, la yich'ic bahel te scaxahul te chapbil-c'op yu'un Jehová, la yaq'uic ta sna Abinadab te ay ta ba tsehl; soc la sch'ultesic te Eleazar, ha te snich'an, scuenta yu'un ya scanantay te scaxahul te chapbil-c'op yu'un Jehová.