1 Samuel 14:16 - Bible in Tzeltal Bachajón

¹⁶ Te jcananetic yu'un Saúl ta Gabaa yu'un Benjamín la yilic te xquechetic ta ch'ayel bahel ta ahnel te filisteohetic.

Bible in Tzeltal de Oxchuc y Tenejapa

¹⁶ Te soldadoetic ayic ta scanantayel scampamento Saúl ta lum Gabaa ta sq'uinal Benjamín, la yilic te filisteoetic te xquechetic ta ch'ayel bael ta anele.

1 Samuel 14:16 ပူးပေါင်းရင်းမြစ်များ

Salmos 58:7

Ac'a ch'ayuquic hich te bin ut'il ha' te ya x'oquin bahel; c'alal ya st'imic bahel te ya'tejibalul st'ihmalte'ic ac'a wac'uquic.

Salmos 68:2

Hich yac ach'ayticlan bahel te bin ut'il ya xtenot bahel ta ic' te ch'ahile; hich te bin ut'il ya x'uhl chabec' ta c'ahc', hich me ya xch'ay bahel ta stojol Dios te mach'atic chopolique.

Isaías 19:2

Ya yal te Jehová: Ya cac' te ya scontrahin sbahic te egipciohetic, jujutuhl ya stsac sbahic soc yermano, jujutuhl soc te spat-xuhc, te pueblohetic ya scontrahinic yan pueblohetic, soc ajwalil ya scontrahin yan ajwalil.

Jueces 7:22

C'alal yacalic ta yoq'uesinel xulubiletic a te ho'lajunwinic (300) ta tuhl winiquetic, te Jehová la yac'ticlambe smil sbahic ta spisil te campamento. Soc te soldadohetic loq'uic bahel ta ahnel c'alal ta Bet-sita, ta stojol Zerera, ha to ta sti'il sq'uinal Abel-mehola ta nopol Tabat.

1 Samuel 14:15

Hahch buen xiwel ta campamento, ta yohl q'uinal soc ta stojol spisilic ta jchahp soldadohetic; soc ha nix hich xiwic te mach'atic loq'uemic bahel ta spojel biluquetic, soc nihc te q'uinale; c'ax bayel xiwel.

1 Samuel 14:17

Ha yu'un te Saúl la yalbe te mach'atic sjoquinej: Ahtaya awilic mach'a loq'uem bahel ta jtojoltic, xchi. C'alal c'ax ta ahtayel, la yilic te ma ba chican tey a te Jonatán soc te jcuch-a'tejibal yu'un.

1 Samuel 14:20

Hich la stsob sbahic te Saúl soc spisil te mach'atic sjoquinejic, bahtic ta guerra. Tey c'oht yilic a te yac smilticlambel sbahic ta espada soc te ay bayel ch'ayem yo'tanic.