1 Samuel 14:14 - Bible in Tzeltal Bachajón

¹⁴ Ta primera buelta milel ini, te Jonatán soc te jcuch-a'tejibal yu'un la smilic jtahb (20) ta tuhl winiquetic ta hich smuc'ul lugar te bin ut'il j'ohlil joc'bil lum te yugada.

Bible in Tzeltal de Oxchuc y Tenejapa

¹⁴ Te sbabial buelta la yac'bey sbaic soc filisteoetic te Jonatán soc te abat yu'une, la smilic jtab ta jtul winiquetic ta ora nax.

1 Samuel 14:14 ပူးပေါင်းရင်းမြစ်များ

Jueces 9:54

Te Abimelec la yic' tal ta ora te jcuch-a'tejibal yu'un, hich la yalbe: Loq'uesa tal te espada awu'un, milawon a, scuenta yu'un ma hichuc ya xhalbot jc'oblal: Jtuhl ants milot yu'un, ma xchihuc. Ha yu'un te jcuch-a'tejibal yu'un la slow ta espada, hich laj.

1 Samuel 14:13

Te Jonatán stsoylajan ta mohel ta yoc sc'ab, tap'al ta spat te jcuch-a'tejibal yu'une. Te mach'atic puch'ic ta lum ta stojol Jonatán, ha la smilticlan te jcuch-a'tejibal yu'un te patil ay.

1 Samuel 14:15

Hahch buen xiwel ta campamento, ta yohl q'uinal soc ta stojol spisilic ta jchahp soldadohetic; soc ha nix hich xiwic te mach'atic loq'uemic bahel ta spojel biluquetic, soc nihc te q'uinale; c'ax bayel xiwel.

Jueces 15:15

La yil yach'il sbaquel yahlan-e burro, la stsac soc la smil j'ohlil yoxbahc' (1,000) ta tuhl winiquetic a.

2 Samuel 17:9

Yo'tic, snac'ojix sba ta ch'en, o ay wan ta yan lugar. Soc teme ha nahil ya xlaj te mach'atic ay awu'une, mach'ayuc a te ya ya'iy hich me ya yal: Tsalbiliquix te mach'atic st'unojic te Absalón, xchihic.