1 Samuel 14:12 - Bible in Tzeltal Bachajón

¹² Te winiquetic yu'un te jchahp soldadohetic la yalbeyic te Jonatán soc te jcuch-a'tejibal yu'un: Mohanic tal te banti ayotcotic, ay bin ya ca'beyexcotic ana'ic, xchihic. Ha yu'un te Jonatán la yalbe te jcuch-a'tejibal yu'un: T'unawon mohel, como te Jehová yac'ojix ta sc'ab Israel te filisteohetic, xchi.

Bible in Tzeltal de Oxchuc y Tenejapa

¹² Ora la yawtayic te Jonatán soc te abat yu'une: —La', moanic tel tey te banti ayotique. Ay me bi ya calbeytiquex awaiyic —xiic. Te Jonatán la yalbey te abat yu'une: —La' me, conic, melel te Cajwaltic ya yac'botic ta jc'abtic yo'tic te israelotic te filisteoetique —xi'.

1 Samuel 14:12 ပူးပေါင်းရင်းမြစ်များ

Génesis 24:42

Ha yu'un nax hulon ta pozo, hich la jcal: Jehová, Diosat yu'un te cajwal Abraham, teme yac awac' te lec ya xc'oht te behel cu'une,

Génesis 24:48

Soc la jquejan jba ta yalbeyel wocol te Jehová; la jcalbe yutsilal sc'oblal te Jehová te Dios yu'un te cajwal Abraham te bin ut'il la stojobteson ta be ta sc'ambeyel te yantsil-nich'an snich'ajun te cajwal yu'un ya yihnamin te snich'ane.

2 Samuel 5:24

Te c'alal yac awa'iybe sc'op ta sni'il te balsamo-te'etic hich te bin ut'il ay mach'atic yac ta behel, hahchan ta ora, como te Jehová ya xnahilij bahel awu'un ta yehchentesel te campamento yu'un te filisteohetic, xchi sc'oblal.

2 Reyes 14:8

Patil te Amasías la sticon ta halbeyel te Joás snich'an Joacaz, snich'an Jehú, ajwalil yu'un Israel, hich la yalbe: La', yu'un ya quilbe jba jsitic, xchi.

Jueces 4:14

Ha yu'un te Débora la yalbe te Barac: Hahchan, como ha'i c'ahc'al ini te Jehová la ya'batix ta ac'ab te Sísara. Nahilijem bahel awu'un te Jehová, xchi. Hich te Barac co tal ta wits Tabor soc te jpic soc ho'bahc' (10,000) winiquetic te t'umbil yu'une.

Jueces 7:14

Hich la sjac' te smohlol: Mayuc bin yan scuentahil, ha nix te espada yu'un Gedeón snich'an Joás, te israel-winic. Dios ya'beyej ta sc'ap Gedeón te madianetic soc spisil te campamento, xchi.

Jueces 7:15

Te Gedeón c'alal la ya'iybe sc'oblal te wayichil soc te bin scuentahile, la squejan sba ta stojol Dios. Patil suht bahel ta campamento yu'un Israel soc la yal: Hahchanic, como te Jehová la ya'beyexix ta ac'abic te campamento yu'un Madián, xchi.

Jueces 9:54

Te Abimelec la yic' tal ta ora te jcuch-a'tejibal yu'un, hich la yalbe: Loq'uesa tal te espada awu'un, milawon a, scuenta yu'un ma hichuc ya xhalbot jc'oblal: Jtuhl ants milot yu'un, ma xchihuc. Ha yu'un te jcuch-a'tejibal yu'un la slow ta espada, hich laj.

1 Samuel 14:10

Pero teme ya yalbotic: Mohanic talel, teme xchihique, ya xmohotic bahel, yu'un la ya'botiquix ta jc'abtic te Jehová; ha me seña cu'untic abi, xchi.

1 Samuel 14:13

Te Jonatán stsoylajan ta mohel ta yoc sc'ab, tap'al ta spat te jcuch-a'tejibal yu'une. Te mach'atic puch'ic ta lum ta stojol Jonatán, ha la smilticlan te jcuch-a'tejibal yu'un te patil ay.