1 Samuel 14:1 - Bible in Tzeltal Bachajón

¹ Jun c'ahc'al te Jonatán snich'an Saúl, la yalbe te ya'bat te ya scuchbe a'tejibal yu'un guerra: La' me, ya xbohotic ta banti ay te jchahp filisteo soldadohetic te ay ta jehch wits, xchi. Pero ma ba la yalbe ya'iy te state.

Bible in Tzeltal de Oxchuc y Tenejapa

¹ Te Jonatán snich'an Saúl jich la yalbey te yabat te cuchbil yat'ejib ta guerra yu'une: —La', c'axucotic bael ta jejch' wits. Ya xba quiltic te jchajp soldado-filisteoetic tey ayic a —xi'. Pero ma ba la yalbey yaiy te stat te bi ya x'och spase.

1 Samuel 14:1 ပူးပေါင်းရင်းမြစ်များ

Miqueas 7:5

Ma xach'uhumbe sc'op te apat-axuhc, ma me smuc'ulin awo'tan te mach'a jun awo'tan aba soc; tsahtaya aba ta stojol te mach'a ya xway ta ats'ehl, ma me ayuc bin yac awal.

Jueces 14:6

Ha yu'un te espíritu yu'un Jehová hul soc yu'el ta stojol te Sansón, hich ta sc'ab nax la sjecticlan te choj, hich te bin ut'il ya yich' jecticlanel tut tentsun. Pero ma ba la yalbe te sme'stat te bin la spase.

Jueces 14:9

La sjots' loq'uel ta sc'ab te chab, yac ta slo'el bahel ta be. C'alal la sta te sme'stat, ha nix la ya'be slo'ic te chab; pero ma ba la yalbe te loq'uem tal ta schamen baq'uetal te choje.

Jueces 6:27

Ha yu'un te Gedeón la yic' bahel lajuntuhl a'batetic yu'un, baht spas te bin halbot yu'un Jehová. Pero la spas ta ahc'abal, yu'un la xi' te ya spas ta c'ahc'alel ta scaj te mach'atic ay yu'un te stat soc te winiquetic yu'un te pueblo.

1 Samuel 13:2

la stsa j'ohlil swaxacbahc' (3,000) winiquetic yu'un Israel; ho'bahc' (2,000) ta tuhl joquinot yu'unic ta Micmas soc ta witsiltic yu'un Bet-el, j'ohlil yoxbahc' (1,000) ta tuhl la sjoquinic Jonatán ta Gabaa yu'un Benjamín. Te jayeb xan hil la sticonlan suhtel ta snahilpaq'uic.

1 Samuel 13:22

Ha yu'un ta yorahil te guerra mayuc espada o lanza ta sc'abic te mach'atic la sjoquinic te Saúl soc Jonatán, ha nax stuquel te Saúl soc Jonatán te snich'an te ay yu'unique.

1 Samuel 13:23

Ay jchahp soldado yu'un te filisteohetic te bahtic c'alal banti ya spas sohlel ta nopol Micmas.

1 Samuel 14:2

Te Saúl ay ta jehch Gabaa, ta ye'tal jtehc' granado te ay ta Migrón, joquimbil yu'un lajunwinic scha'bahc' (600) winiquetic,

1 Samuel 25:19

Hich la yalbe te a'batetic yu'un: Nahilijanic bahel, patil ya xtalon, xchi. Mayuc bin la yalbe te Nabal te smamalale.