1 Samuel 13:9 - Bible in Tzeltal Bachajón

⁹ Ha yu'un la yal te Saúl: Ic'bonic tal te scohtol chic'bil mahtanil soc te mahtanil scuenta lamal q'uinal, xchi. Hich te Saúl la yac' te scohtol chic'bil mahtanil.

Bible in Tzeltal de Oxchuc y Tenejapa

⁹ Ja' yu'un te Saúl la yal mandal: —Ic'bonic tel chambalametic yu'un te milbil smajt'an Dios te ya yich' chiq'uel, soc milbil smajt'an Dios swenta seña lamal-o'tanile —xi'. Ja' nix la smil xchic'bey smajt'anin te Cajwaltique.

1 Samuel 13:9 ပူးပေါင်းရင်းမြစ်များ

2 Samuel 24:25

Tey la spasbe a te scajtajib ta chiq'uel mahtanil yu'un Jehová soc la ya'be scohtol chic'bil mahtanil soc milbil mahtanil scuenta lamal q'uinal. Te Jehová la ya'iybe sc'op ta scuenta te q'uinal, hich quehchaj te jmilawal-chamel ta stojol Israel.

1 Reyes 3:4

Ya xbaht ta Gabaón, como ha toyol tsehl te ay sc'oblal. Te Salomón ya yac' lajunwinic yoxbahc' (1,000) scohtol chic'bil mahtaniletic tey a.

Salmos 37:7

Ch'aban me ta stojol Jehová soc junuc me awo'tan xamahliy. Ma me x'ilinat yu'un te mach'a ay bin lec ya xc'oht ta loq'uel yu'un, te mach'a ya spas te bin chopole.

Proverbios 15:8

Te Jehová ya yihlay te chic'bil mahtanil ya yaq'uic te mach'atic chopol yo'tanic, pero lec yo'tan yu'un te mach'atic toj yo'tanique.

Proverbios 20:22

Ma me hichuc xawal: Ya me ca'be spacol, ma me xchihucat; mahliya te Jehová, ha me ya scoltayat stuquel.

Proverbios 21:27

Ihlaybil te milbil mahtanil ya yac' te mach'atic chopolic, c'ax to xan hich a teme chopol bin snopoj ta yo'tan a te ya yaq'ue.

Proverbios 21:3

Te spasel bintic toj soc lec, ha lec xan ya ya'iy a te Jehová te bin ut'il yaq'uel milbil mahtanil.

Isaías 66:3

Te mach'a ya yac' toro scuenta milbil mahtanil hich c'ohem te bin ut'il mach'a ya smil jtuhl winic; te mach'a ya yac' tuminchij scuenta milbil mahtanil hich c'ohem te bin ut'il mach'a ya swac'be snuc' ts'i'; te mach'a ya yac' harina scuenta mahtanil hich c'ohem te bin ut'il mach'a ya yac' mahtanil sch'ich'el chitam; te mach'a ya schic' pom hich c'ohem te bin ut'il mach'a ya sch'uhuntay loc'omba. Ha nix la stsahic te behetic yu'unic, soc la smulanic te bintic ihlaybilic,

Deuteronomio 12:5

Ya me xbahex ta lugar te ya stsa ta awohlilic te Jehová te Dios awu'unic te banti ya xnahin te sbihile; tey me ya xbahex a.

Deuteronomio 12:6

Tey yac awaq'uic a te scohtol chic'bil mahtaniletic, milbil mahtaniletic, te jun ta slajunebal, te tuchilambil mahtaniletic, te mahtaniletic yu'un te bin jc'axel awalojic ta jamal, te mahtaniletic yac awaq'uic scuenta sc'anojel awo'tanic, soc te sba-al te wacaxetic, tuminchijetic soc tentsunetic awu'unique.

1 Samuel 14:18

Ha yu'un te Saúl la yalbe te Ahías: Ich'a tal te scaxahul te chapbil-c'op yu'un Dios, xchi. (Yu'un te scaxahul te chapbil-c'op yu'un Dios ay ta yohlilic a te snich'nab Israel.)