1 Samuel 13:7 - Bible in Tzeltal Bachajón

⁷ Ay hebreohetic te sohlic bahel ta jehch muc'ul-ha' Jordán ta sq'uinal Gad soc ta sq'uinal Galaad; pero te Saúl hil ta Gilgal stuquel, soc spisil te winiquetic te la st'unic yacalic ta nihquel yu'un xiwel.

Bible in Tzeltal de Oxchuc y Tenejapa

⁷ Ay tsobolic c'axic ta jejch' ja' Jordán ta sq'uinal Gad soc sq'uinal Galaad, pero te Saúl jil ta Gilgal stuquel. Spisil te soldadoetic yu'un, t'unbil to nix yu'un, pero yacalic ta buen xiwel.

1 Samuel 13:7 ပူးပေါင်းရင်းမြစ်များ

Levítico 26:17

Ya jcontrahinex, yac awich'ic ehchentesel yu'un te acontrahique. Ya ya'batinex te mach'atic ya sp'ajex, soc ya xloq'uex ta ahnel aunque mayuc mach'a ya snutsex.

Deuteronomio 20:8

Te jcuentahinwanejetic ya me sc'oponic xan te soldadohetic, hich ya yalic: ¿Mach'a a te ya xiw soc te mayuc yip yo'tan? Ac'a suhtuc ta sna scuenta yu'un hich ma sjuc ta xiwel a te yantic yermanotac, xchihic me.

Deuteronomio 28:25

Te Jehová ya me yac' te ya stsalat te acontra; ta ch'ix nax be ya xloc'at bahel ta ya'beyel guerra, ta huc-ch'ix be ya me x'ahnat bahel ta stojolic; xiweltic aba ya xc'ohat ta stojol spisil te nacionetic ta bahlumilal.

Deuteronomio 3:12

Te q'uinal te la jcu'untaytic ta hich ora, ha te hahchem ta Aroer te ay ta sti'il te sjuclej Arnón, c'alal ta j'ohlil te witsiltic yu'un Galaad, soc te pueblohetic yu'une, la jca'be te sts'umbal Rubén soc Gad.

Josué 13:11

soc Galaad, te sq'uinal gesureohetic soc te maacateohetic, spisil te wits Hermón soc spisil te sq'uinal Basán c'alal ta Salca;

Josué 13:8

Como te j'ohlil xan yu'un Manasés, te Rubén, soc te Gad la yich'iquix sq'uinalic stuquel te a'botic yu'un Moisés ta stojol banti ya xloc' tal c'ahc'al yu'un Jordán, hich te bin ut'il a'botic yu'un Moisés te a'bat yu'un Jehová:

Jueces 7:3

Ha yu'un halbeya te pueblo: Te mach'a ya xiw soc ya xnihc yo'tan ac'a yihquitay hilel te wits Galaad, ac'a suhtuc bahel ta sna, xchi. Hich suhtic bahel cha'pic soc ho'lajunbahc' (22,000) winiquetic, pero hil xan jpic soc ho'bahc' (10,000) ta tuhl.

1 Samuel 13:8

La smahliy huqueb c'ahc'al, hich te bin ut'il halbot yu'un Samuel; pero te Samuel ma ba c'oht ta Gilgal, soc yacaliquix ta ahnel loq'uel te winiquetique.

1 Samuel 17:11

Te c'alal la ya'iy te Saúl soc spisil Israel te sc'op te filisteo, chebaj yo'tanic yu'un, tal xiwel la ya'iyic yu'un.

1 Samuel 31:7

Te israeletic te ayic ta jehch spamlej soc te ayic ta jehch muc'ul-ha' Jordán, c'alal la yilic te ahniquix bahel te soldadohetic yu'un Israel soc te lajix te Saúl soc te snich'nab, la yihquitayic hilel te pueblohetic yu'unic, loq'uic ta ahnel. Te filisteohetic talic ta nahinel tey a.