1 Samuel 13:6 - Bible in Tzeltal Bachajón

⁶ Te c'alal la yilic te winiquetic yu'un Israel te ma xhu' yu'unic (como mero tembilic te pueblo), la snac' sbahic ta ch'en, ta pimil q'uinal, ta sc'uhb muc'ul tontiquil, ta be-ha' ch'entiquil soc ta hotbil yawil.

Bible in Tzeltal de Oxchuc y Tenejapa

⁶ Te israeletic jajch'ic ta buen wocol yu'un te c'alal tenotic yu'un te filisteoetique. La snac' sbaic ta ch'entiquil, ta lom ch'entiquil, ta nailch'entiquil, ta beja' ch'entiquil soc ta pozoetic.

1 Samuel 13:6 ပူးပေါင်းရင်းမြစ်များ

2 Samuel 24:14

Te David hich la yalbe te Gad: Mero ayon ta wocol ya ca'iy. Ac'a ochucotic ta sc'ab te Jehová como bayel sc'uxul yo'tan stuquel, manchuc ya x'ochotic ta sc'ab winiquetic, xchi.

Isaías 42:22

Pero ha te pueblo ini te la yich' elc'anel soc pojbeyel sbiluquic, spisilic macbilic ta ch'en soc otsesbilic ta cárceletic. Elc'ambil sbiluquic, mayuc mach'a ya x'ac'otic ta libre yu'un; pojbil sbiluquic, mayuc mach'a hich ya yal: Suhteslanahic bahel, te xchihe.

Jeremías 41:9

Te hotbil ch'en te banti la sch'ojticlambe cohel sbaq'uetal te winiquetic te la smilticlan ta scaj te Gedalías, ha nix te hotbil ch'en te la spas te ajwalil Asa yu'un hich ya scoltay sba a yu'un te Baasa ajwalil yu'un Israel. Te Ismael snich'an Netanías la snojes ta chamen baq'uet.

Ezequiel 33:27

Hich me xawalbe: Hich yaloj te Jehová, te Ajwalil: Ho'on cuxulon, ya cal ta jamal, te mach'atic ayic ta banti jimbilic ya me xlajic ta espada, soc te mach'atic ayic ta yohl q'uinal ya cac' te ya xlajinotic yu'un ti'awal chambahlametic; soc te mach'atic ayic ta toyol ahnibal ts'ahquetic soc ta ch'enetic, ya me xchamic yu'un jmilawal-chamel.

Filipenses 1:23

Ta schebal ma jna' ban ya jtsa; co'tanuc te ya xloc'on bahel, te ya joquin te Cristo, ha c'ax lec xan ya ca'iy a.

Hebreos 11:38

Te winiquetic ini, mayuc mach'a ya xpajbot yutsilalic ta bahlumilal, bayuc behenic ta jochol taquin q'uinal, ta witsiltic, ta ch'entiquil soc ta lehch-ch'entiquil.

Josué 8:20

Te winiquetic yu'un Hai la sut sitic, la yilic te xtometix ta mohel ta ch'ulchan te sch'ahilel te pueblo; mayuc banti hu' ya xloq'uic ta ahnel, como te israeletic te bahtic ta ahnel ta sbehlal te jochol taquin q'uinal, la sut sbahic ta ya'beyel guerra te mach'atic yaquic ta nutsel yu'unic.

Jueces 10:9

Te amonetic sohlic bahel ta Jordán yu'un ya ya'beyic guerra te Judá, Benjamín soc te sts'umbal Efraín. C'ax bayel swocol te Israel yu'un.

Jueces 20:41

Hich te winiquetic yu'un Israel suht ta spatic, te snich'nab Benjamín noj xiwel ta yo'tanic, yu'un la yilic te c'ohtix ta scuentahic te lajinel.

Jueces 6:2

Te bin ut'il behbe tohyel swocolic yu'un Madián, te snich'nab Israel la spasic banti la snac' sbahic ta witsiltic, ch'entiquil soc ahnibaletic ta scaj te la xi'ic te madianetique.

1 Samuel 13:15

Hich hahch te Samuel, loc' bahel ta Gilgal, mo bahel ta Gabaa yu'un Benjamín. Te Saúl la yahtay te winiquetic te sjoquinej, ay wan lajunwinic scha'bahc' (600) ta tuhl.

1 Samuel 14:11

Hich schebalic la yac' sbahic ta ilel yu'un te soldadohetic yu'un te filisteohetic, hich halbotic yu'unic: Ilawilic, yacalic ta loq'uel tal ta ch'entiquil banti snac'oj sbahic te hebreohetic, xchihic.

1 Samuel 14:22

Ha nix hich spisil te israeletic te snac'oj sbahic ta witsiltic yu'un Efraín, c'alal la ya'iyic te yacalic ta ahnel te filisteohetic, ha nix hich baht snutsic ta ya'beyel guerra.

1 Samuel 23:19

Patil te mach'atic ayic ta Zif hich baht yalbeyic te Saúl ta Gabaa: Snac'oj sba te David ta jq'uinalcotic ta ahnibal-ch'entiquil te ay ta wits Haquila ta Hores, te ay ta stojol sur yu'un te jochol taquin q'uinal.

1 Samuel 24:3

C'alal c'oht ta banti ay corraletic yu'un tuminchijetic ta ti' be, ay ch'en tey a, och bahel tey a te Saúl ta stsa'nel. Te David soc te winiquetic yu'un huhcajtic ta sc'ubulil te ch'ene.

1 Samuel 31:7

Te israeletic te ayic ta jehch spamlej soc te ayic ta jehch muc'ul-ha' Jordán, c'alal la yilic te ahniquix bahel te soldadohetic yu'un Israel soc te lajix te Saúl soc te snich'nab, la yihquitayic hilel te pueblohetic yu'unic, loq'uic ta ahnel. Te filisteohetic talic ta nahinel tey a.

1 Samuel 7:7

Te c'alal la ya'iyic te filisteohetic te stsoboj sbahic ta Mizpa te snich'nab Israel, te príncipaletic yu'un te filisteohetic tal ya'beyic guerra. Te c'alal hich la ya'iyic te snich'nab Israel, la xi'ic te filisteohetique.