1 Samuel 13:5 - Bible in Tzeltal Bachajón

⁵ Hich te filisteohetic la stsob sbahic ta ya'beyel guerra te Israel: oxpic soc ho'lajunbahc' (30,000) carretahetic yu'un guerra, ho'lajunbahc' (6,000) ta tuhl winiquetic cajajtic ta caballo, soc hich yipal soldadohetic te bin ut'il shi'al sti'il mar. Mohic talel soc la spasic scampamentohic ta Micmas, ta stojol banti ya xloc' tal c'ahc'al yu'un Bet-avén.

Bible in Tzeltal de Oxchuc y Tenejapa

⁵ Jich te filisteoetic la stsob sbaic, swenta yu'un ya me yac'bey sbaic guerra soc te israeletique. Ay lajuneb xcha'winic ta jmil (30,000) carretaetic yu'un guerra te tasbil ta caballoetic, wacmil (6,000) soldadoetic cajajtic ta caballo, soc mero bayalic yantic soldadoetic te ya xbeen ta yacanic te mero bayalic, jich yipalic te bit'il sji'al mar. Tojic bael ta lum Micmas, c'o spas scampamentoic ta stojol sloq'uib c'aal yu'un Bet-avén.

1 Samuel 13:5 ပူးပေါင်းရင်းမြစ်များ

Génesis 22:17

ya me ca'bat bendición soc ya cac' te ya xp'ohl ats'umbal hich yipal te bin ut'il eq'uetic te ay ta ch'ulchan soc te hi' te ay ta sti'il mar; soc te ats'umbal ya me stsal spisil scontratac.

2 Samuel 17:11

Ho'on ya calbat, ac'a stsob tal sbahic ta atojol spisil Israel ta Dan ha to ta Beerseba, c'ax bayelic hich te bin ut'il hi' ta ti'mar; soc ha'at nix ya me xbahat ta guerra.

1 Reyes 20:27

Hich nix te snich'nab Israel la yich'ic stsobel, a'botic bintic ya xtuhun yu'unic, baht sta sbahic soc. La spas scampamentohic ta stojol te siriahetic, hich yilelic te bin ut'il cha'tsohb tentsunetic, yan te siriahetic la snojesic te q'uinale.

2 Crónicas 1:9

Ha yu'un, Jehová Dios, c'ohtesa ta pasel te bin la awalbe te jtat David; como ha'at awac'ojon ta ajwalil ta stojol jun pueblo te hich yipal te bin ut'il ts'u'lum ta q'uinal.

Isaías 10:28

Te jcontra c'oht c'alal ta Ajat, c'ax bahel ta Migrón, la yihquitay hilel ihcatsil ta Micmas.

Isaías 48:19

Te ats'umbal hich c'oht te bin ut'il hi', te awal-anich'nab hich c'oht te bin ut'il hi' te ma xhu' ta ahtayel; mayuc bin ora ya xlajimbot sbihilic o te ya yich' tup'el ta jtojol te hichuque, xchi te Jehová.

Jeremías 15:8

C'ax hich me'ba' antsetic yu'unic a te bin ut'il shi'al mar. Ta ohlil c'ahc'al la jquic' tal jinawal ta stojol te naniletic yu'un te queremetic; ora nax la jcac' tal wocol soc tulan xiwel ta stojolic.

Oseas 10:5

Te mach'atic nahinemic ta Samaria ya xiwic ta scaj te jcolel toro ta Bet-avén. Ya x'oc' te pueblo ta scaj te jcolel toro, ha nix hich te sacerdotehetic te tse'el yo'tanic yu'un te yutsilal, te ya xch'ay bahele.

Oseas 4:15

Teme yac awa'iy antsiwej, ha'at Israel, manchuc me ya sle smul te Judá. ¡Ma me xbahex ta Gilgal, ma me xmohex bahel ta Bet-avén, ma me hichuc xawalic ta jamal: Yiloj Jehová, ma xchihuquex!

Oseas 5:8

¡Oq'uesinahic te xulubil ta Gabaa, te corneta ta Ramá! ¡Ac'ahic ta a'iyel aw ta Bet-avén! ¡Wic'a asit, Benjamín!

Romanos 9:27

Ha nix hich te Isaías la yawtaybe sc'oblal te Israel: Te hichuc yipal sts'umbal Israel te bin ut'il shi'al mar, stsahbenal xanix te ya xcolic,

Josué 11:4

Hich loq'uic tal soc spisil te soldadohetic yu'unic, mero bayelic, hich te bin ut'il shi'al mar, soc c'ax bayel cawuhetic soc carretahetic yu'un guerra.

Josué 18:12

Te smojonil ta stojol norte hahch bahel ta Jordán, mo bahel ta norte yu'un Jericó; mo xan bahel ta witsiltic ta stojol banti ya xmahl c'ahc'al, c'oht ta loq'uel ta jochol taquin q'uinal yu'un Bet-avén.

Josué 7:2

Patil te Josué la sticon hahchel winiquetic ta Jericó, bahtic ta Hai te nopol yiloj sba soc te Bet-avén, ta stojol sloq'uib c'ahc'al yu'un Bet-el, hich la yalbe: Mohanic bahel ta stsahtayel te q'uinale, xchi. Hich bahtic ta stsahtayel tal te Hai.

Jueces 7:12

Te madianetic, amalequetic soc te mach'atic talemic ta stojol banti ya xloc' tal c'ahc'al spucoj sbahic ta spamlej hich te bin ut'il ipal c'ulubetic, soc te camellohetic yu'unic ma hu' ta ahtayel hich te bin ut'il shi'al sti'il mar.

1 Samuel 13:11

Hich la yal te Samuel: ¿Bin la apas? xchi. La sjac' te Saúl: Te c'alal la jquil te yacalic ta ahnel loq'uel te winiquetic soc te ma ba talat ta yorahil te awaloj, soc te stsobojix sbahic ta Micmas te filisteohetic,

1 Samuel 13:2

la stsa j'ohlil swaxacbahc' (3,000) winiquetic yu'un Israel; ho'bahc' (2,000) ta tuhl joquinot yu'unic ta Micmas soc ta witsiltic yu'un Bet-el, j'ohlil yoxbahc' (1,000) ta tuhl la sjoquinic Jonatán ta Gabaa yu'un Benjamín. Te jayeb xan hil la sticonlan suhtel ta snahilpaq'uic.

1 Samuel 14:23

Baht c'alal ta Bet-avén te guerra. Hich coltayot yu'un Jehová te Israel ta hich ora.

1 Samuel 14:52

Te jayeb c'ahc'al cuxul te Saúl mero tulan te guerra ta stojol te filisteohetique. Te Saúl, te c'alal bin ora la yil jtuhl winic te bayel yip soc te ma xiw, la yic' ta soldadohil.

1 Samuel 17:1

Te filisteohetic la stsob te soldadohetic yu'unic scuenta yaq'uel guerra, la stsob sbahic ta Soco te ay ta sq'uinal Judá; la spas scampamentohic ta Efes-damim, ta ohlil yu'un Soco soc Azeca.

1 Samuel 7:13

Hich tsalbil c'ohtic te filisteohetic, ma ba la yochintaybeyic xan te sq'uinal Israel. Te sc'ab Jehová la scontrahin te filisteohetic te jayeb c'ahc'al cuxul te Samuel.