1 Samuel 13:11 - Bible in Tzeltal Bachajón

¹¹ Hich la yal te Samuel: ¿Bin la apas? xchi. La sjac' te Saúl: Te c'alal la jquil te yacalic ta ahnel loq'uel te winiquetic soc te ma ba talat ta yorahil te awaloj, soc te stsobojix sbahic ta Micmas te filisteohetic,

Bible in Tzeltal de Oxchuc y Tenejapa

¹¹ pero albot yu'un te Samuel: —¿Bistuc te jich la apase? —xi' sc'oplal. La sjac' te Saúl: —La quil te yaquix ta pujq'uel bael te winiquetic, soc te bit'il ma ba yacat ta julel ta yorail te bi c'aalil calojtique. Soc la quil xan te bit'il stsobojix sbaic ta lum Micmas te filisteoetic,

1 Samuel 13:11 ပူးပေါင်းရင်းမြစ်များ

Génesis 3:13

Ha yu'un te Jehová Dios la sjohc'obe te antse: ¿Bin a te la apas? la yut. La yal te antse: Ha la slo'loyon te chane, hich la jlo', xchi.

Génesis 4:10

Te Dios hich la yalbe: ¿Bin la apas? Ha ya yalat tal c'alal ta lum te sch'ich'el te awihts'ine.

2 Samuel 3:24

Ha yu'un te Joab tal ta stojol te ajwalil, hich la yalbe: ¿Bin la apas? Tal ta atojol te Abner; ¿bin yu'un te la awac' suhtuc bahel?

2 Reyes 5:25

Patil och bahel ta stojol te yajwal. Te Eliseo la sjoc'obe: Giezi, ¿banti c'ohat tal? xchi. Mayuc banti c'oht tal te a'bat awu'un, xchi te Giezi.

Isaías 10:28

Te jcontra c'oht c'alal ta Ajat, c'ax bahel ta Migrón, la yihquitay hilel ihcatsil ta Micmas.

Josué 7:19

Ha yu'un te Josué la yalbe te Acán: Jnich'an, halbeya yutsilal Jehová te Dios yu'un Israel, halbon ca'iy te bin apasoj, ma xamucbon ta awo'tan, la yut.

1 Samuel 13:12

hich la jcal: Ya me xco tal ya'bonic guerra ta Gilgal te filisteohetic, soc ma to ba jc'ambeyej coltayel a te Jehová, xchihon. Ha yu'un la jquil te la sc'an te ya cac' te scohtol chic'bil mahtanil, xchi.

1 Samuel 13:16

Te Saúl, Jonatán te snich'an soc te mach'atic sjoquinejic, hilic ta Gabaa yu'un Benjamín; te filisteohetic spasoj scampamentohic ta Micmas.

1 Samuel 13:2

la stsa j'ohlil swaxacbahc' (3,000) winiquetic yu'un Israel; ho'bahc' (2,000) ta tuhl joquinot yu'unic ta Micmas soc ta witsiltic yu'un Bet-el, j'ohlil yoxbahc' (1,000) ta tuhl la sjoquinic Jonatán ta Gabaa yu'un Benjamín. Te jayeb xan hil la sticonlan suhtel ta snahilpaq'uic.

1 Samuel 13:23

Ay jchahp soldado yu'un te filisteohetic te bahtic c'alal banti ya spas sohlel ta nopol Micmas.

1 Samuel 13:5

Hich te filisteohetic la stsob sbahic ta ya'beyel guerra te Israel: oxpic soc ho'lajunbahc' (30,000) carretahetic yu'un guerra, ho'lajunbahc' (6,000) ta tuhl winiquetic cajajtic ta caballo, soc hich yipal soldadohetic te bin ut'il shi'al sti'il mar. Mohic talel soc la spasic scampamentohic ta Micmas, ta stojol banti ya xloc' tal c'ahc'al yu'un Bet-avén.

1 Samuel 14:5

Te jun muc'ul sacalch'en ay ta stojol norte, ta stojol Micmas, te yane ay ta stojol sur, ta stojol Gabaa.