1 Samuel 12:3 - Bible in Tzeltal Bachajón

³ Li' ayon; halbonic jmul ta stojol Jehová soc ta stojol te mach'a tsahbil yu'un, teme ay mach'a la jpojbe swacax, teme ay mach'a la jpojbe sburro, teme ay mach'a la jtojol-lehbe smul, teme ay mach'a ay swocol cu'un, o teme ay mach'a la jquich'be staq'uin yu'un ya smacbon jsit a; ya me jsuhtbeyex, xchi.

Bible in Tzeltal de Oxchuc y Tenejapa

³ Yo'tic li' ayon ta atojolic. Teme ay mach'a la jpojbey swacax o sburro, teme ay mach'a ay swocol cu'un, teme ay mach'a la jtojol-lebey smul, teme ay ma tojuc la jchajban ta swenta sbic'tal co'tan yu'un taq'uin, ya xju' ya awalbonic jmul ta stojol te Cajwaltic soc ta stojol te muc' ajwalil te ja' nix stsaoje. Ya me jtojbey te mach'a ay jbet yu'une —xi'.

1 Samuel 12:3 ပူးပေါင်းရင်းမြစ်များ

2 Samuel 22:22

Como la jcanantay te behetic yu'un, ma ba howiyon bahel ta spasel bin chopol ta stojol te Dios cu'une.

Nehemías 5:11

Ya calbeyex wocol te yacuc asutbeyic yo'tic te sq'uinalic, sts'usubic, olivohetic yu'unic, snahic soc te jun ta ho'winic taq'uin, trigo, vino o aceite scuenta sjol te yac ac'ambelique, la jcut.

Salmos 15:5

ya yac' ta majanel staq'uin te ma sc'ambe sjol, soc ma ba ya stsac smahtan-taq'uin yu'un scontrahinel te mach'a mayuc smul. Te mach'a hich ya spas, mayuc bin ora ya xyahl.

Éxodo 20:17

Ma me xbic'taj awo'tan yu'un te sna apat-axuhc: ma me xbic'taj awo'tan yu'un yihnam, ya'bat, scriada, j'a'tel-wacax, burro, o biluc ay yu'un te apat-axuhc, xchi.

Éxodo 22:4

Teme tahot te cuxul to a te yeleq'ue, teme wacax, burro, o tuminchij, ya me stoj cheb buelta.

Éxodo 23:8

Ma xatsac mahtanil scuenta schahpanel c'op, yu'un ha ya sc'atp'ujtes ta ts'o'sit te mach'atic ya yilic q'uinal soc ya showitesbe sc'op te mach'atic toj yo'tanique.

Proverbios 15:27

Te mach'a ay sbic'tal yo'tan ha nix ya sjin sna, yan te mach'a ya sp'aj te ya schon sba, ya me xcuxaj.

Levítico 6:4

te bin ut'il stahoj smul soc stahoj falta, ya me suht te bin la yelc'an o te la suj ta yaq'uel, te bin a'bibil ta scuenta o te bin ch'ayem te la sta,

Levítico 6:5

o biluc a te la yal ta jamal ta lot. Ya me sutbe spisil ta stojol te yajwal, soc ya me yac' jun xan ta yo'ebal te bin ora ya yac' te mahtanil yu'un smul.

Números 16:15

Ha yu'un bayel ilin te Moisés, hich la yalbe te Jehová: ¡Ma me xatsacbe te mahtanil yu'unique! Ni jcohtuc burro la jpojbe, ni jtuhluc ay bin chopol la jpasbe, xchi.

San Mateo 22:21

Yu'un César, xchihic. Halbotic yu'un te Jesús: A'beya César te bin yu'un César, soc a'beya Dios te bin yu'un Dios, xchi.

San Lucas 19:8

Tehc'aj te Zaqueo, la yalbe te Jesús: Ilawil, Cajwal, ya jq'uebembe pobrehetic ohliluc te jbiluque; soc teme ay mach'a jlo'loybeyej staq'uin, chaneb buelta sjol ya jsutbe, xchi.

Hechos 20:33

Mayuc mach'a la jbic'sitaybe plata, oro, o sc'u' spac'.

2 Corintios 12:14

Yo'tic chapalonix yu'un ya xtal quilex ta yoxebal buelta. Ma ba ya ca'beyex awocolic, como ma ha'uc ya jle te bin ay awu'unic, ha ya jlehex te ha'exe; como te al-nich'anetic ma ha'uc ya slehbe bin ya xtuhun yu'un te sme'static, ha te sme'static ya slehbe bin ya xtuhun yu'un te yal-snich'anique.

Deuteronomio 16:19

Ma me xahowiytes te bin stojil ta pasel; ma me tsahbiluc nax mach'a yac awich' ta cuenta, ma me xatsac taq'uin teme ya x'a'botat, como te taq'uin ya smacbe sit te mach'atic ay sp'ijilic soc ya showiytesbe sc'opic te mach'atic toj yo'tanique.

1 Tesalonicenses 2:10

Ha'ex testigohex, soc ha nix testigo te Dios, te bin ut'il ch'ultesbil soc toj soc mayuc bin chopol jpasojcotic te ayinotcotic ta atojolic te jayebex ach'uhunejique.

1 Tesalonicenses 2:5

Ana'ojic te mayuc bin ora c'opojotcotic ta bahba-c'op soc mayuc bin ora muquen la jlo'loycotic taq'uin. Ha testigo cu'uncotic te Diose.

1 Pedro 5:2

Canantayahic me te tuminchijetic yu'un Dios te ay ta awohlilic, ma ba ta scuenta sujel, ha'uc ta scuenta sc'anojel awo'tanic, ma ha'uc ta scuenta stahel taq'uin te ma stojiluc, ha'uc soc spisil awo'tanic.

1 Samuel 10:1

Hich te Samuel la stsac jun yawil aceite, la smalbe ta sjol te Saúl, la yuhts'uy, soc hich la yalbe: Te Jehová la smalbat aceite scuenta jtsobaw ya xc'ohat yu'un te pueblo Israel yu'une.

1 Samuel 12:4

Mayuc la atojol-lehbotcotic jmulcotic o la awuts'inotcotic, soc mayuc bin awich'ojbe yan, xchihic.

1 Samuel 12:5

Te Samuel hich la yalbe: Te Jehová soc te mach'a tsahbil yu'un, ha testigohetic ta c'ahc'al ini te mayuc bin la atahbonic ta jc'ab, xchi. Hich nix a, xchihic xan.

1 Samuel 2:35

Ya cotses yan sacerdote te jun yo'tan ta jtojol, te ya spas te bin ya sc'an co'tan. Ya cac' ya xhalaj te sts'umbal, soc ya me x'a'tej spisil ora ta stojol te mach'a tsahbil cu'une.

1 Samuel 24:11

Ilawil, jtat, te sti'il anahtil-c'u' quich'oj ta jc'ab. La jset'bat loq'uel pero ma ba la jmilat. Na'a me te mayuc bin chopol o aq'uel ta c'abal te jnopoje. Mayuc jtahoj jmul ta atojol, pero ha'at yac alehbelon yu'un yac amilon.

1 Samuel 24:6

Hich la yalbe te swinictac: Ha me ac'a scomon te Jehová te hich ya jpasbe te cajwal, te mach'a tsahbil yu'un Jehová. ¡Ma ba ya hach jc'ab ta scontrahinel, como ha tsahbil yu'un Jehová! xchi.

1 Samuel 24:7

Ta scuenta te c'op ini te David la scom te winiquetic yu'un, ma ba la ya'be shach sc'abic ta scontrahinel te Saúl. Loc' tal ta ch'en te Saúl, hahch xan ta behel.

1 Samuel 26:11

ma me xyac'on Jehová te ya jach jc'ab ta scontrahinel te mach'a tsahbil yu'une. Pero tsaca te lanza te ay ta nopol sjolinab ta wayel soc te yawil ha', conic, xchi.

1 Samuel 26:9

Pero la sjac' te David: Ma me xamil. Como ¿mach'a c'an shach sc'ab ta scontrahinel te mach'a tsahbil yu'un te Jehová, te mayuc smul ya xhile? xchi.