1 Samuel 12:23 - Bible in Tzeltal Bachajón

²³ Hich te ho'one, ma me jta jmul ta stojol Jehová yu'un te ya jquehchan yalel wocol ta stojol ta acuentahique; ya ca'beyex anopic bin ut'il ay te lequil be soc te toj behe.

Bible in Tzeltal de Oxchuc y Tenejapa

²³ Jich te jo'one, ac'a me scoltayon te Cajwaltic te manchuc ya jquejch'an yalel wocol ta stojol ta awentaique, melel teme jich ya jpase, ja' me jmul ta stojol te Cajwaltique. Ja' lec ya me cac'beyex anopic bit'il ya sc'an ya awac' abaic, soc te bit'il mero toj ya x'ainexe.

1 Samuel 12:23 ပူးပေါင်းရင်းမြစ်များ

1 Reyes 8:36

a'iybeya sc'opic c'alal ta ch'ulchan, pasbeya perdón te smulic te a'batetic awu'un, ha te pueblo Israel. A'beya snopic te lequil be te ya xbehenic bahel a, soc a'beya tal ha'al li' ta aq'uinal te la awa'be sq'uinalin te pueblo awu'une.

2 Crónicas 6:27

a'iybeya sc'opic c'alal ta ch'ulchan, pasbeya perdón yu'un smulic te a'batetic awu'un, ha te pueblo Israel, a'beya snopic te lequil be te ya xbehenic bahel a, soc a'beya tal ha'al li' ta aq'uinal te la awa'be te pueblo awu'une.

Salmos 122:6

C'opombeya Dios te ayuc lamal q'uinal ta Jerusalén; ¡te yacuc xp'ohl bintic ay yu'un te mach'atic c'uxat ta yo'tan!

Salmos 34:11

La'ic, cal-jnich'nab, a'iybon awa'iyic jc'op; ya ca'beyex anopic yich'el ta muc' te Jehová.

Salmos 34:12

¿Mach'a a te ya sc'an scuxlejal, te ya sc'an te bayel c'ahc'al ya yil te bin leque?

Éxodo 32:30

Ta schebal c'ahc'al te Moisés hich la yalbe te pueblo: Te ha'ex la atahic muc'ul mulil, pero ya xmohonix bahel ta stojol Jehová; ya wan xhu' ya jc'ambe perdón yu'un te amulique, xchi.

Proverbios 4:11

La jtojobtesat ta sbehlal p'ijil-o'tanil, la jcac'at ta behel ta toj behetic.

Eclesiastés 12:10

Te Jp'ijubteswanej la slehticlan c'opetic te snuhp' ya xc'oht scuenta yu'un ya sts'ihbay te bin smelelile.

Isaías 30:21

Teme ya xbahat ta wa'el o ta q'uexam, ya me awa'iy c'op ta apat te hich ya yalbat: Ha te be ini, t'una me, xchi.

Jeremías 15:1

Ha yu'un hich la yalbon te Jehová: Aunque ya stehc'an sbahic ta jtojol te Moisés soc Samuel, ma ba tey ay co'tan ta stojol a te pueblo ini. ¡Tenticlana loq'uel ta jtojol, ac'a bahtuquic!

Jeremías 27:18

Teme ha jalwanejetic soc teme yich'ojic te sc'op Jehová, ac'a sc'oponic te Jehová te scuentahinej spisil scuenta yu'un te bintic hilemic te ya xtuhunic ta sna Jehová soc te ayic ta sna te ajwalil yu'un Judá soc ta Jerusalén te manchuc ya x'ich'otic bahel ta Babilonia, xchi.

Jeremías 42:4

La sjac' te Jeremías: La jca'iybeyex ac'opic. Ya jc'opon te Jehová te Dios awu'unic hich te bin ut'il la awalique. Spisil te bin ya yal te Jehová ya ca'beyex ana'ic, mayuc bin ya jmuc ta co'tan, xchi.

Jeremías 6:16

Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

Hechos 12:5

Hich och ta cárcel te Pedro; pero te iglesia ma ba la scom sbahic ta sc'opombeyel Dios ta stojol.

Hechos 20:20

soc mayuc bin ma ba la jcalbeyex te bin ya xtuhun awu'unic, la jca'beyex anopic ta comonsitil soc ta jujun na.

Romanos 1:9

Te Dios, te spisil co'tan ayon ta a'batinel yu'un ta yalel te lec yach'il c'op yu'un te Snich'an, ha testigo cu'un te spisil ora yac jna'belex te c'alal ya jc'opon Dios;

1 Corintios 9:16

Pero teme ya cal te lec yach'il c'op, mayuc bin ya jtoy jba yu'un, como fuersa ya jpas; ¡Obol jba teme ma ba ya jpuc ta halel te lec yach'il c'ope!

Colosenses 1:28

Ha yu'un ya calbecotic sc'oblal te Cristo; ta scuenta spisil p'ijil-o'tanil ya jtsitsbecotic soc ya jnohptescotic spisil ants-winiquetic, scuenta yu'un spisilic ay yipic a ya cac'cotic stehc'an sbahic ta stojol Cristo.

Colosenses 1:9

Ha scuentahil, te c'alal hich la jca'iybeyex ac'oblalic, ma ba ya xquehchajotcotic ta sc'oponel Dios ta atojolic, ha ya jc'ambecotic te yacuc snojesbeyex ta awo'tanic sna'el bin ya sc'an yo'tan, ta scuenta spisil p'ijil-o'tanil soc snopojibal ta scuenta espíritu.

1 Tesalonicenses 3:10

Ta spisil co'tancotic yac calbecotic wocol Dios c'ahc'al ahc'abal yu'un te yacuc quilbeyexcotic asitic, soc te yacuc jts'acaytesbeyexcotic te bin ya to sc'an te sch'uhunel awo'tanique.

2 Timoteo 1:3

Ya calbe wocol te Dios, te jun co'tan cac'oj jba ta a'batinel yu'un hich te bin ut'il te jme'jtat ta namey, c'ahc'al ahc'abal ma xquehchaj jna'belat te c'alal ya jc'opon te Diose.

1 Samuel 12:19

Ha yu'un spisil te pueblo hich la yalbeyic te Samuel: C'opona te Jehová te Dios awu'un ta jcuentacotic ho'otcotic te a'batotcotic awu'un, te manchuc ya xchamotcotic, como ta spisil te jmulcotic, la jtahcotic xan yan mulil te la jc'ancotic ajwalil cu'uncotic, xchihic.

1 Samuel 8:6

Pero ma lecuc la ya'iy te Samuel te hich halbot yu'unic: A'botcotic jtuhl ajwalil te ya scuentahinotcotic, te xchihique, ha yu'un la sc'opon te Jehová.