1 Samuel 12:22 - Bible in Tzeltal Bachajón

²² Te Jehová, ta scuenta te smuc'ul sbihil, ma ba ya spihtes te pueblo yu'une; como la sc'an te Jehová te ha'ex pueblohex ya xc'ohex yu'un.

Bible in Tzeltal de Oxchuc y Tenejapa

²² Pero te Cajwaltic, yo'tan ya x'ich'ot ta muc' te xch'ul-biile, jich ma ba ya spijt'esex, ja' ya sc'an te ja'ex te lum ya xc'oex yu'une.

1 Samuel 12:22 ပူးပေါင်းရင်းမြစ်များ

1 Reyes 6:13

Ya xnahinon ta yohlil te snich'nab Israel soc ma ba ya jpihtes te pueblo Israel cu'un, xchi.

1 Reyes 8:57

Ac'a sjoquinat te Jehová te Dios cu'untic, hich te bin ut'il la sjoquin te jme'jtatique. Ma me spihtesotic soc ma me xyihquitayotic.

2 Reyes 14:27

Ma ba snopoj te Jehová te ya slajimbe sbihil Israel ta ye'tal ch'ulchan, ha scuentahil te la scoltay ta scuenta Jeroboam snich'an Joás.

2 Reyes 21:14

Ya jpihtes te jayeb xan ya xhil cu'un soc ya cac' ta sc'ab scontra; ya yich' tsaquel soc ya xpojbot sbiluquic yu'un,

1 Crónicas 28:9

Soc ha'at, jnich'anat Salomón, na'a me te Dios yu'un te atate, ac'a aba ta a'batinel ta stojol ta spisil awo'tan soc ta sc'anojel awo'tan; como te Jehová ya yilbe yo'tanic spisilic soc ya sna' spisil te bintic ya snopic ta yo'tanic. Teme yac ale, yac ata ta lehel; yan teme yac awihquitay, ha ya sch'ayat hilel sbahtel q'uinal.

2 Crónicas 15:2

hich loc' sta te Asa, hich la yalbe: A'iybon awa'iyic jc'op, Asa soc spisil Judá soc Benjamín: Ya me sjoquinex te Jehová teme jun awo'tan yac awac' abahic ta stojol. Teme yac alehic, ya me atahic; yan teme yac awihquitayic, ya me yihquitayex.

Nehemías 9:17

Ma ba la sc'an la ya'iyic soc ma ba la sna'ic te jchahp a'teliletic te la apasticlan ta yohlilic. Tulan la yac' sbahic, soc ta scuenta stoybahilic la snopic ya yotsesic mach'a ya yic'ticlan suhtel ta mosohil. Pero te ha'at Diosat te yac apas perdón, lec awo'tan soc sts'ujet awo'tan, ma orahuc ya x'ilinat, soc muc' te sc'uxul awo'tan, ha yu'un te ma ba la apihteslan.

Salmos 106:8

Pero Dios la scoltay ta scuenta yich'el ta muc' te sbihile, scuenta yu'un ya yac' ta na'el te yu'ele.

Salmos 94:14

Como te Jehová ma ba ya spihtes te pueblo yu'un, ma xyihquitay hilel te mach'atic yu'une.

Éxodo 32:12

¿Bin yu'un te hich ya yalic ta patil te egipciohetic: Yu'un ay bin chopol la snop ta yo'tan te la sloq'ueslan bahel, yu'un ya smilticlan ta witsiltic, yu'un ya slajinlan ta jc'axel ta q'uinal, xchihic? Ihquitaya te tulan awilimba, suhtesa awo'tan yu'un te bin chopol anopoj yac apasbe te pueblo awu'une.

Isaías 37:35

Yu'un ho'on ya jcanantay te pueblo yu'un ya jcoltay ta jcuenta soc ta scuenta te ca'bat David, xchi.

Isaías 41:17

Te pobrehetic soc te mach'atic mayuc bin ay yu'unic ya slehic ha', pero ma ba ya stahic; c'ax taquij yehic yu'un. Pero ho'on te Jehovahon ya jac'be sc'opic; ho'on te Dioson yu'un Israel ma ba ya jpihtes.

Isaías 42:16

Ya jtojobtes bahel te ts'o'sitetic ta be te ma ba sna'ojic, ya cac' behenuquic ta be te ma ba yilojique. Ya jc'atp'un ta sacal q'uinal te yihc'al q'uinal ta stojolic, soc te chuhcul q'uinal ya jc'atp'un ta spamlej. Ha ini te ya jpase, ma ba ya jpiteslan.

Isaías 43:25

Ho'on, ho'on nix ta jcuenta, te ya jtup'beyex ac'axun-mandariletic, soc ma ba ya jna'beyex xan te muliletic awu'une.

Isaías 43:7

spisil te mach'atic yich'beyejonic te jbihile, te la jchicnajtes yu'un ya xchicnaj a te cutsilale, ha te mach'atic la jpas soc te la jchahpan, xchihon.

Isaías 48:11

Ta jcuenta, ho'on nix ta jcuenta, ya jpas, Como ¿bin ut'il c'an cac' te ya xbohlob jc'oblal? Mayuc yan mach'a ya ca'be te cutsilale.

Isaías 49:15

¿Ya bal xch'ay ta yo'tan te ants te yal te la ya'be schu', yu'un ma ba ya sc'uxultay te mach'a la yalatay? ¡Aunque ya xch'ay ta yo'tan te yale, mayuc bin ora ya xch'ayat ta co'tan te ha'ate!

Isaías 63:8

Hich la yal: Melel ha pueblo cu'un, ha al-nich'anetic te ma xlo'loywanic, xchi. Hich Jcoltaywanej c'oht yu'unic.

Jeremías 14:21

Ta scuenta yich'el ta muc' abihil ma xach'ayotic bahel, ma me xapehc'ambe sc'oblal te huctajibal awu'un te ay yutsilal. Na'a me te c'op la achap ta jtojolcotic, ma me xalajimbe sc'oblal.

Jeremías 14:7

Aunque ya yalotcotic te jmulcotic, ¡pasa, Jehová, ta scuenta yich'el ta muc' te abihile! Como p'ohlem te toybahil cu'uncotic, jtahoj jmulcotic ta atojol.

Jeremías 14:9

¿Bin yu'un hichat te bin ut'il jtuhl winic te ma sna' bin ya spas, te hichat te bin ut'il jtuhl soldado te ma xhu' ya xcoltaywan? Pero ayat ta cohlilcotic, Jehová, quich'ojbatcotic te abihile, ma me xapihtesotcotic.

Lamentaciones 5:20

¿Bin yu'un te jc'axel yac ach'ayotcotic ta awo'tan, soc te bayel c'ahc'al yac apihtesotcotic?

Ezequiel 20:14

Pero ay bin la jpas ta scuenta yich'el ta cuenta te jbihile, scuenta yu'un ma ba ya xbohlob sc'oblal ta stojol te nacionetic te la yilic bin ut'il la jloq'uesic tal ta Egipto.

Ezequiel 20:9

Pero ta scuenta yich'el ta muc' te jbihile, scuenta yu'un ma ba ya xbohlob sc'oblal te jbihil ta stojol te nacionetic te banti nahinemic ta yohlilic, te banti la jcac' jba ta na'ele, ay bin la jpas yu'un ya jloq'uesic tal ta sq'uinal Egipto.

Malaquías 1:2

C'uxex ta co'tan, xchi te Jehová. Pero yac ajoc'oyic: ¿Bin ut'il c'uxotcotic ta awo'tan? xchihex. Te Esaú ¿ma bal ha'uc sbanquil Jacob? xchi te Jehová; pero c'ux ta co'tan te Jacob

San Mateo 11:26

Hichuc, Jtat, yu'un hich la sc'an awo'tan.

San Juan 15:16

Ma ha'uquex la atsahonic, ho'on la jtsahex soc la jcaq'uex yu'un ya xbahex soc ya sitinex, soc te sit yac awaq'uic ma ba ya xch'ay; scuenta yu'un spisil te bin yac ac'ambeyic te Tatil ta scuenta jbihil, ya me ya'beyex.

Romanos 11:1

Ha yu'un ya cal: ¿Yu'un bal Dios jc'axel la sch'ay hilel te pueblo tsahbil yu'un? xchihon. ¡Ban c'an hichuc! Melel te ho'one israel-winicon, sts'umbalon Abraham, talemon ta jchahp yu'un Benjamín.

Romanos 11:29

como ma xhu' ta lajimbeyel sc'oblal te mahtaniletic soc te iq'uel yu'un Dios.

1 Corintios 4:7

como ¿mach'a ya yac'at te toyol ayat yu'un te yane? ¿Bin ay awu'un te ma ba awich'oj? Teme ha la awich'e ¿bin yu'un te yac atoy aba yu'un te sjel te ma ba awich'oje?

Efesios 1:12

scuenta yu'un ya xhalbot yutsil sc'oblal ta jcuentacotic, ho'otcotic te nahil smuc'ulinej co'tancotic te Cristohe.

Efesios 1:6

scuenta yu'un hich ya yich' halbeyel yutsil sc'oblal te yutsil yo'tan te la sc'uxultayotic a ta scuenta te Mach'a c'ux ta yo'tane.

Deuteronomio 14:2

Como te ha'ate ch'ul pueblohat yu'un te Jehová te Dios awu'un, soc te Jehová la stsahat loq'uel ta yohlil spisil te pueblohetic ta q'uinal scuenta yu'un ha'at nax atuquel pueblohat yu'un ya xc'ohat.

Deuteronomio 31:17

Ha yorahil a te ya xtihl hahchel sc'ahc'al co'tan ta stojolic; ya me jch'ayic ta co'tan, ya jnac' jsit ta stojolic, hich me ya xlajic. Ya me xtal bayel swocolic soc mel-o'tan ta stojolic, ha me yorahil a te hich ya yalic: ¿Ma bal ha'uc yacon ta wocol yu'un te ma ba sjoquinejonix te Dios cu'un? xchihic.

Deuteronomio 31:6

Ac'a me fuersa soc ayuc me yip awo'tanic, ma me xiwex, ma me xnihc awo'tanic ta stojolic, como ha te Jehová te Dios awu'un te ya sjoquinat bahel; ma ba ya yihquitayat soc ma ba spihtesat, xchi te Moisés.

Deuteronomio 31:8

Te Jehová ya xnahilij bahel awu'un, ya sjoquinat, ma ba ya yihquitayat soc ma ba ya spihtesat; ma me xiwat soc ma me xpehc'aj awo'tan, xchi.

Deuteronomio 7:6

Como te ha'ate, ch'ul pueblohat yu'un Jehová te Dios awu'une. Ha la stsahat ta yohlil spisil te pueblohetic ta swohlol bahlumilal scuenta yu'un mero pueblohat yu'un ya xc'ohat.

Deuteronomio 9:5

Ma yu'unuc ta scaj stojil awa'tel o ta scaj stojil awo'tan te yac awu'untaybe te sq'uinalique, ha ta scaj chopol ya'telic te nacionetic ini te Jehová te Dios awu'un ya stenticlan loq'uel ta atojol, soc scuenta yu'un ya sc'ohtes ta pasel te bin jc'axel la yalbe ta jamal te atatic Abraham, Isaac soc Jacob.

Filipenses 1:6

Sch'uhunej co'tan te mach'a la shach te lequil a'tel ta atojolic, ya me shu'tes bahel ha to c'alal ya sta sc'ahc'alel yu'un te Jesucristo.

Hebreos 13:5

Ma me xbaht ta awo'tanic sbic'sitayel taq'uin, junuc me awo'tanic yu'un te bin ay awu'unic, como hich yaloj te Diose: Ma jaymehl ya jpihtesat; mayuc bin ora ya quihquitayat, xchi.

Josué 7:9

Como te cananeohetic soc spisil te mach'a nahinemic ta q'uinal ya me ya'iyic, ya me sjoytayotcotic soc ya me stup'botcotic jbihilcotic ta bahlumilal. ¿Bin yac apas hiche yu'un te smuc'ul abihile? xchi.

1 Pedro 2:9

Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.