1 Samuel 12:20 - Bible in Tzeltal Bachajón

²⁰ Pero te Samuel la yalbe te pueblo: Ma xiwex. Melel nix a te apasojic spisil te bin chopol ini, pero ma me xawihquitayic st'unel te Jehová, ac'a abahic ta a'batinel yu'un soc spisil awo'tanic.

Bible in Tzeltal de Oxchuc y Tenejapa

²⁰ La sjac' te Samuel: —Ma xiwex. Melel nix a te mero ma lecuc te bi apasojique, pero yo'tic ma me xapit loq'uel abaic ta stojol te Cajwaltique. Ch'uunaic ta spisil awo'tanic.

1 Samuel 12:20 ပူးပေါင်းရင်းမြစ်များ

1 Crónicas 28:9

Soc ha'at, jnich'anat Salomón, na'a me te Dios yu'un te atate, ac'a aba ta a'batinel ta stojol ta spisil awo'tan soc ta sc'anojel awo'tan; como te Jehová ya yilbe yo'tanic spisilic soc ya sna' spisil te bintic ya snopic ta yo'tanic. Teme yac ale, yac ata ta lehel; yan teme yac awihquitay, ha ya sch'ayat hilel sbahtel q'uinal.

Salmos 101:3

Ma ba ya cac' ta stojol jsit te bin chopol. Ya quihlaybe ya'tel te mach'atic ya xhowiyic bahel; ma xcac' ya xnohpojic ta jtojol.

Salmos 125:5

Yan te mach'atic ya st'unic bahel te chopol be, te Jehová pajal me ya sloq'ues soc te mach'atic chopol ya'telique. ¡Ac'a lahmajuc q'uinal ta stojol Israel! C'ayoj yu'un mohel bahel ta Jerusalén.

Salmos 40:4

Bayel me yutsil te mach'a ha smuc'ulinej yo'tan te Jehová, te ma ha'uc ya sle te mach'atic jtoybahetic soc te mach'atic ya xhowiyic bahel ta stojol te lotil diosetique.

Éxodo 23:25

Ya me awac' abahic ta stojol Jehová te Dios awu'unic, ha ya ya'be bendición te awe'el soc awa'al. Ya jloq'ues chamel ta awohlil,

Éxodo 32:30

Ta schebal c'ahc'al te Moisés hich la yalbe te pueblo: Te ha'ex la atahic muc'ul mulil, pero ya xmohonix bahel ta stojol Jehová; ya wan xhu' ya jc'ambe perdón yu'un te amulique, xchi.

Jeremías 3:1

Ay hich ya yalic: Teme ay mach'a ya yihquitay hilel yihnam, ya xloc' bahel te ants soc ya xnuhpun soc yan winic, ¿ya to bal scha'ic'ot xan yu'un te winique? ¿Ma bal jc'axeluc ya xbohlob te q'uinal yu'un? Pero ha'at la awac' aba ta antsinel soc tsobol mach'atic jun awo'tan aba soc, ¿ya to bal suhtat tal ta jtojol? xchi te Jehová.

Hageo 2:5

Hich te bin ut'il la jchahp jc'op ta atojolic te c'alal loq'uex tal ta Egipto, ya xtal ta awohlilic te espíritu cu'un, ma me xiwex.

Deuteronomio 10:12

Ta ora ini, Israel, ¿bin ya sc'ambat te Jehová te Dios awu'un? ha te yac awich' ta muc' te Jehová te Dios awu'un, te ya xbehenat ta spisil be yu'un, te c'uxuc me yac awa'iy ta awo'tan, te yac awac' aba ta a'batinel yu'un Jehová te Dios awu'un ta spisil awo'tan soc ta spisil ach'uhlel;

Deuteronomio 11:16

Tsahtaya me abahic hiche te ma ba ya slo'loyex awo'tanic, te ya xloq'uex bahel ta sch'uhuntayel yantic diosetic soc yac aquejan abahic ta stojolic;

Deuteronomio 31:29

Como jna'oj te c'alal chamenonix a, ya me abohlobtes abahic soc ya me awihquitayic te be te la jca'beyex at'unic, ya me xtal wocol ta atojolic ta patil ta scaj te yac apasic te bintic chopol ta sit te Jehová, yac ahachbeyic yilimba yu'un te bin yac apasic, xchi.

Josué 23:6

Ayuc me yip awo'tanic ta scanantayel soc spasel spisil bin ts'ihbabil ta hun yu'un te mandariletic yu'un Moisés, ma me xhowiyex bahel ta stojolic ta q'uexam o ta wa'el,

1 Pedro 3:16

Lecuc me bin ya yalbat awo'tan, scuenta yu'un ya xq'uexawic te mach'atic chopol bin ya yalbeyic sc'oblal te bintic lec yac apasic te bin ut'il yu'unex Cristo.

1 Samuel 12:19

Ha yu'un spisil te pueblo hich la yalbeyic te Samuel: C'opona te Jehová te Dios awu'un ta jcuentacotic ho'otcotic te a'batotcotic awu'un, te manchuc ya xchamotcotic, como ta spisil te jmulcotic, la jtahcotic xan yan mulil te la jc'ancotic ajwalil cu'uncotic, xchihic.