1 Samuel 12:2 - Bible in Tzeltal Bachajón

² Li' ayix te ajwalil te ya xnahilij bahel awu'unic. Te ho'one mamalonix, saquix jol; te jnich'nab ay ta awohlilic. Behenon ta awohlilic ta jqueremil c'alal ora ini.

Bible in Tzeltal de Oxchuc y Tenejapa

² Li' ayix te muc' ajwalil awu'unic te ya swentainexe. Te jo'one mamalonix, saquix jol, te jnich'nabe ay ta awolilic. Jo'on te la jwentainex ta jqueremil to tel c'alal ora.

1 Samuel 12:2 ပူးပေါင်းရင်းမြစ်များ

Salmos 71:18

Aunque mamalonix soc saquix jol, ma me xapihteson, Dios cu'un, ha to c'alal ya calbe sc'oblal awu'el te patil ts'umbalil, ya calbe sc'oblal awip ta stojol te mach'atic patil ya xtalic,

Números 27:17

te ya xloc' bahel soc te ya x'och tal ta stojolic, te ya yic'ticlan bahel soc te ya yic'ticlan talel, scuenta yu'un te pueblo yu'un Jehová ma hichuc ya xc'oht te bin ut'il tuminchijetic te mayuc jcanan yu'unique, xchi.

2 Timoteo 4:6

Te ho'one nopol ya sta yorahil te milbil smahtan Dios ya xc'ohon, nopol ya stahix yorahil ya xhil cu'un te bahlumilale.

Josué 23:1

Bayel c'ahc'al ta patil, te c'alal a'botix scux yo'tanic yu'un Jehová te snich'nab Israel yu'un te scontrahic ta sjoyobal, soc mamalix te Josué, ayix bayel ya'bilal a,

Josué 23:2

te Josué la yic' tal spisil Israel, ha te mamaletic, príncipaletic, juecetic soc te mach'atic ay ya'telic ta Israel, hich la yalbe: Te ho'one mamalonix, bayelix ca'bilal.

2 Pedro 1:14

yu'un jna'oj te ma ba halix c'ahc'al ya quihquitay hilel te jbaq'uetal, hich te bin ut'il la ya'bon jna' te Cajwaltic Jesucristo.

1 Samuel 2:22

Te Elí mero mamalix, soc ya'iyej te bin yacalic ta spasel te snich'nab ta stojol spisil Israel, soc te ya xwayic soc te antsetic yac'oj sbahic ta a'batinel ta yochibal te Nahilpac' Templo yu'un tahojibal.

1 Samuel 2:29

¿Bin yu'un te mayuc sc'oblal ta awo'tanic te chic'bil mahtaniletic soc te yantic mahtaniletic cu'un te la jpas ta mandar te ya yich' aq'uel ta Nahilpac' Templo; soc te c'ax hich yac awich' ta muc' a te anich'nab te bin ut'il te ho'one, ha te yac ajup'teslambel ta banti c'ax lec yu'un te mahtaniletic ya yaq'uic te pueblo Israel cu'un? xchi te Jehová.

1 Samuel 3:10

Tal te Jehová, la stehc'an sba soc la sc'opon hich te bin ut'il ta yan buelta: Samuel, Samuel, xchi. C'opojan, yac ya'iybelat te a'bat awu'une, xchi te Samuel.

1 Samuel 3:13

Soc ya ca'be sna' te spisil ora ya ca'be castigo te mach'atic ay yu'un, ta scaj te bin chopol sna'oj; como la sbohlc'optayic Dios te snich'nab, pero ma ba la scomticlan.

1 Samuel 3:16

Ha yu'un te Elí la yic' tal, hich la yalbe: Samuel, jnich'an, xchi. Li' ayoni, xchi.

1 Samuel 8:1

Te c'alal mamalub te Samuel la yotses ta juecetic ta stojol Israel te snich'nab.

1 Samuel 8:20

hich pajal ya xc'ohotcotic soc spisil te nacionetique. Ya me scuentahinotcotic te ajwalil cu'uncotic, ha ya xnahilij ta yaq'uel guerrahetic cu'uncotic, xchihic.

1 Samuel 8:3

Pero te snich'nab ma ha'uc la st'unic te be yu'un te statique, la yihquitayic hilel scaj sbic'sitayel c'ulejalil; la yich'ic taq'uin soc la sbohlobtesic te stojil chahpanel.

1 Samuel 8:5

hich c'oht yalbeyic: Mamalatix soc ma ba ya st'unic te be awu'un te anich'nabe; ha yu'un lehbotcotic jtuhl ajwalil te ya scuentahinotcotic, hich te bin ut'il spisil te nacionetique, xchihic.