1 Samuel 12:10 - Bible in Tzeltal Bachajón

¹⁰ Pero awonic ta stojol Jehová, hich la yalic: La jta jmulcotic, yu'un la jquihquitaycotic hilel te Jehová, la jch'uhuntaycotic te baaletic soc te Astarot. Coltayawotcotic loq'uel ta sc'ab te jcontracotic, ya me jch'uhuntayatcotic, xchihic.

Bible in Tzeltal de Oxchuc y Tenejapa

¹⁰ Pero la sna'ic te staoj smulic ta stojol Cajwaltic te bit'il la yijq'uitayic, ta scaj xch'uunel sloc'ombail Baal soc sloc'ombail Astarté. La xcha'albeyic xan wocol te yacuc xcoltayotic loq'uel ta sc'ab te scontroique. La yal sbaic ta jamal te ja' xanix stuquel te Cajwaltic te ya xch'uunique.

1 Samuel 12:10 ပူးပေါင်းရင်းမြစ်များ

Salmos 106:44

Pero ilotic yu'un Dios te c'alal ay swocolic, la ya'iybe yawic;

Isaías 26:16

La slehat, Jehová, te c'alal ayic ta wocol a, ta sajsaj-c'op la sc'oponat te c'alal la awac'ticlambe castigo.

Isaías 33:22

Como ha juez cu'untic te Jehová, ha jpas-ley cu'untic te Jehová, ha Ajwalil cu'untic te Jehová; ha nix ya scoltayotic.

Josué 13:31

soc j'ohlil te Galaad, Astarot soc Edrei, ha pueblohetic banti scuentahinej te Og ta Basán; ha yu'un c'oht te j'ohlil te snich'nab Maquir snich'an Manasés, ha chican te jaychahp ayique.

Jueces 10:10

Ha yu'un te snich'nab Israel awonic ta stojol Jehová, hich la yalbeyic: Jtahoj jmulcotic ta atojol, yu'un la jquihquitaycotic hilel te Dios cu'uncotic, la jcac' jbahcotic ta a'batinel yu'un te baaletic, xchihic.

Jueces 2:11

Ta patil, te snich'nab Israel la spasic te bin chopol ta stojol Jehová, la yac' sbahic ta a'batinel yu'un te baaletic.

Jueces 2:13

La yihquitayic te Jehová, la sch'uhuntayic te Baal soc te Astarot.

Jueces 3:15

Te snich'nab Israel awonic ta stojol Jehová; hich la slehbe jcoltaywanej yu'unic, ha te Aod snich'an Gera, sts'umbal Benjamín, ha q'uexam-c'ab winic. Te snich'nab Israel ay la ya'beyic yich' bahel patanil ta stojol Eglón ajwalil yu'un Moab.

Jueces 3:7

Te snich'nab Israel la spasic te bin chopol ta stojol Jehová te Dios yu'unic, ha la sch'ay ta yo'tanic te Jehová te Dios yu'unic soc la yac' sbahic ta a'batinel yu'un te baaletic soc te loc'ombahetic yu'un Asera.

Jueces 3:9

Ha yu'un te snich'nab Israel awonic ta stojol Jehová, hich la slehbe jtuhl jcoltaywanej yu'un te snich'nab Israel te la scoltay, ha te Otoniel snich'an Cenaz, te yihts'in Caleb.

Jueces 4:3

Ha yu'un te snich'nab Israel awonic ta stojol Jehová, como te Jabín ay ho'winic yoxbahc' (900) carretahetic yu'un te pasbilic ta taq'uin soc ay jtahb (20) ha'bil te la ya'be tulan swocol te snich'nab Israel.

Jueces 6:7

C'alal awonic ta stojol Jehová te snich'nab Israel ta scaj te madianetic,

1 Samuel 7:2

Bayel tiempo halaj ta Quiriat-jearim te scaxahul te chapbil-c'op yu'un Jehová, ha jtahb (20) ha'bil; spisil te israeletic oc' yo'tanic yu'un slehel te Jehová.

1 Samuel 7:6

Ha yu'un la stsob sbahic ta Mizpa, la sliquic tal ha', la smalic ta stojol Jehová; ha nix sc'ahc'alel a la scom swe'elic, soc hich la yalic: La jta jmultic ta stojol Jehová, xchihic. Te Samuel ha juez yu'un te snich'nab Israel ta Mizpa.