1 Samuel 11:15 - Bible in Tzeltal Bachajón

¹⁵ Ha yu'un spisil te pueblo bahtic ta Gilgal. Tey ta stojol Jehová la ya'beyic yich' ya'tel ta ajwalil te Saúl. Soc la yaq'uic milbil mahtaniletic scuenta lamal q'uinal ta stojol Jehová. Te Saúl soc spisil Israel mero bayel yutsil yo'tanic yu'un.

Bible in Tzeltal de Oxchuc y Tenejapa

¹⁵ Ja' yu'un spisil yajwal lum bajt'ic ta Gilgal. Tey ta stojol te Cajwaltic la yac'beyic yich' xan yan buelta yat'el ta muc' ajwalil te Saule. Soc ora la yac'beyic milbil smajt'an swenta seña lamal-o'tanil te Cajwaltique. Te Saúl soc ta spisil te israeletic mero bayal yutsil yo'tanic yu'un.

1 Samuel 11:15 ပူးပေါင်းရင်းမြစ်များ

1 Samuel 10:8

Patil ya me xnahilijat cohel cu'un ta Gilgal; ya xtal joquinat ta yaq'uel scohtol chic'bil mahtaniletic soc milbil mahtaniletic scuenta lamal q'uinal. Mahliyawon huqueb c'ahc'al ha to teme ya xc'ohon ta atojol soc ya ca'bat ana' te bin ya sc'an yac apas, xchi.

1 Samuel 10:17

Patil te Samuel la stsob te pueblo ta stojol Jehová ta Mizpa.

Santiago 4:16

Yan te ha'exe yac atoy abahic ta scuenta awulwul-c'opic. Spisil toybahil hich te bin ut'il ini ma lecuc.

1 Samuel 12:17

¿Ma bal ha'uc yorahil boj trigo? Ya jc'opon te Jehová, ya me yac' talel chahwuc soc ha'al, scuenta yu'un hich yac ana'ic soc hich yac awilic a te c'ax bayel schopolil bin la apasic ta stojol Jehová yu'un te la ac'anic ajwalil awu'unic, xchi te Samuel.

1 Samuel 8:19

Pero te pueblo ma ba la sc'an la yich'ic ta cuenta te bin halbotic yu'un te Samuel, hich la yalbeyic: Ma'uc. Ya jc'ancotic ajwalil te ya scuentahinotcotic,

Éxodo 24:5

La sticon bahel jcolel-winiquetic yu'un te snich'nab Israel te la yaq'uic scohtol chic'bil mahtaniletic soc la yaq'uic jcolel torohetic scuenta mahtaniletic yu'un lamal q'uinal ta stojol Jehová.

1 Samuel 12:1

Te Samuel hich la yalbe spisil Israel: Ilawil, la jquich'beyex ta cuenta spisil bintic la awalbonic, la jca'beyex te ajwalil awu'unic.

2 Samuel 19:15

Hich suht tal te ajwalil, hul ta muc'ul-ha' Jordán. Te Judá tal ta Gilgal ta stahel bahel te ajwalil soc ta scoltayel sohlel ta Jordán.

1 Samuel 10:24

Hich la yal te Samuel ta stojol spisil te pueblo: ¿La bal awilic te mach'a tsahbil yu'un Jehová? Mayuc mach'a pajal soc ta spisil te pueblo, xchi. Ha yu'un hahchic ta aw spisil te pueblo: ¡Viva ajwalil! xchihic.