1 Samuel 11:13 - Bible in Tzeltal Bachajón

¹³ Pero la yal te Saúl: Mayuc mach'a ya xlaj yo'tic, como te Jehová la scoltayix yo'tic te Israel, xchi.

Bible in Tzeltal de Oxchuc y Tenejapa

¹³ Pero jich la yal te Saúl: —Yo'tic ma'yuc mach'a ya xju' ya xlajix, melel te Cajwaltic la scoltayotiquix te jo'otic te israelotique —xi'.

1 Samuel 11:13 ပူးပေါင်းရင်းမြစ်များ

2 Samuel 19:22

La sjac' te David: ¿Bin cochelex a, yalatac Sarvia, yu'un te jcontra ya xc'ohex yo'tic? ¿Ya bal sc'an te ay mach'a ya xlaj yo'tic ta Israel? ¿Ma bal jna'oj te yo'tic ya xcha'ochon ta ajwalil yu'un Israel? xchi.

2 Samuel 19:23

Patil te ajwalil hich la yalbe te Simei: Ma ba ya xlajat, xchi. Te ajwalil hich la yal ta jamal.

2 Samuel 23:10

Te Eleazar hahch yehchentes te filisteohetic ha to c'alal luhb sc'ab soc snop'oj hilel ta sc'ab te espadahe. Ta hich ora te Jehová la yac' muc'ul tsalaw, soc te winiquetic suhtic tal ta st'unel te Eleazar yu'un ya stsobic te bintic pojbile.

Éxodo 14:13

Te Moisés hich la yalbe te pueblo: Ma xiwex, ayuc me yip awo'tanic, ya me awilic te colel te ya ya'botic yo'tic te Jehová; como te egipciohetic te yac awilique mayuc bin ora yac awilic xan.

Éxodo 14:30

Ta hich ora te Jehová la scoltay loq'uel te Israel ta sc'ab te egipciohetique. Te Israel la yil te chamen egipciohetic ta sti'il te mar.

Isaías 59:16

La yil te mayuc mach'a ay, xcham yo'tan yu'un te mayuc mach'a ya xc'opoj yu'un; ha yu'un ta sc'ab nix la scoltay loq'uel, soc a'bot yip yu'un te bin stojil la spas.

1 Corintios 15:10

Pero ta scuenta yutsil yo'tan Dios hich ayon te bin ut'il ayone; soc ma tojoluc te yutsil yo'tan ta jtojol, c'ax hich a'tejemon a te bin ut'il a'tejem spisil te yantic jpuc-c'opetique; pero ma ho'ucon, ha nix te yutsil yo'tan Dios ta jtojol.

1 Samuel 10:27

Pero ay mach'atic te chopol yo'tanic, te hich la yalic: ¿Bin ut'il ya xhu' ya scoltayotic te winic ini? xchihic. Mayuc sc'oblal c'oht ta yo'tanic soc ma ba la yich'beyic tal smahtan. Pero mayuc bin la yal yu'un te Saúl.

1 Samuel 14:45

Pero te winiquetic la yalbeyic te Saúl: ¿Ya bal spas ya xlaj ta milel te Jonatán, te mach'a la ya'iy muc'ul tsalaw ta Israel? ¡Ma hichuc! ¡Yiloj Jehová! ma me xco ta lum jlihcuc stsotsel sjol, como ha la spas ini ta scuenta te coltayel yu'un te Diose, xchihic. Hich la scoltayic ta milel te Jonatán.

1 Samuel 19:5

Mayuc sc'oblal te scuxlejal la ya'iy yu'un ya smil te filisteo, hich te Jehová la yac' te la ya'iy muc'ul tsalaw spisil Israel. Ha'at la awil, tse'el awo'tan yu'un. ¿Bin yu'un te yac ac'an yac ata amul ta smalbeyel sch'ich'el te mach'a mayuc smul, ha te yac amil te David ta tojol nax? xchi.