1 Samuel 11:11 - Bible in Tzeltal Bachajón

¹¹ Ta schebal c'ahc'al te Saúl la yac' ta oxchahp te winiquetic. Ihc' to q'uinal a, ochic bahel ta yohlil te campamento yu'un te amonetic, hahch smilticlanic ha to c'alal ohlil c'ahc'al. Te mach'atic cuxajtic hilel, la spuc sbahic, mayuquix mach'a cheb sjoquinej hilel sbahic.

Bible in Tzeltal de Oxchuc y Tenejapa

¹¹ Ta xchebal c'aal te Saúl la xchap te soldadoetic yu'une, oxchajp la yac'. Ma to ba sacuben q'uinal a, ochic bael ta yolil te campamento yu'un te scontroique. Och smilic ta spisil te amonetic, yacalic ta smilel a la sta olil c'aal. Te jayeb xan cuxinic jilel, la spuc sbaic ta anel ta jyalel, ma'yuquix mach'a cheb sjoinej jilel sbaic.

1 Samuel 11:11 ပူးပေါင်းရင်းမြစ်များ

Génesis 22:14

Te Abraham la ya'be sbihil te lugar: Jehová ya ya'botic, xchi. Ha yu'un hich ay ta halel c'alal ora ini: Ta wits yu'un Jehová ya x'a'bot, xchi.

2 Samuel 18:2

La sticon bahel te winiquetic, jtuhl ta yoxebal la ya'be ta scuenta Joab, jtuhl ta yoxebal la ya'be ta scuenta Abisai yal Sarvia, te yihts'in Joab, soc jtuhl ta yoxebal la ya'be ta scuenta Itai te talem ta Gat. Te ajwalil hich la yalbe te soldadohetic: Ya joquinex bahel ta guerra, xchi.

Salmos 46:1

Te Diose ha ahnibal cu'untic soc ha quiptic, ha ya scoltayotic ta ora te c'alal ay jwocoltic.

Éxodo 14:24

Te c'alal ma to sacub q'uinal a, te Jehová la yil c'alal ta bahlal c'ahc' soc tocal te soldadohetic yu'un te egipciohetic, la yac' howiyuc sjolic,

San Mateo 7:2

como te bin ut'il yac awilbeyic ya'tel yan, hich nix ya x'ilot te awa'telic, soc te bin yilel yac ap'isbeyic, ha ni me hich yac awich'ic p'isbeyel.

Santiago 2:13

como te mach'a ma ba la ya'iy c'uxultaywanej, ma ba ya yich' c'uxultayel te c'alal ya xc'oht ta ich'el ta c'op; te c'uxultaywanej ya stsal te ich'el ta c'op.

Jueces 1:7

Hich la yal te Adoni-bezec: Lajuneb schanwinic (70) ta tuhl ajwaliletic te loq'uemic sme' sc'abic soc sme' yoquic la stamticlanic xeht'elul we'elil ta ye'tal te mesa cu'un. Hich te bin ut'il la jpas, hich nix la ya'bon jtoj te Diose, xchi. La yiq'uic bahel ta Jerusalén, tey cham a.

Jueces 4:16

pero te Barac la snuts bahel te carretahetic soc soldadohetic c'alal ta Haroset-goim. Ta hich ora spisil te soldadohetic yu'un Sísara lajic ta espada, ni jtuhluc cuxul hil.

Jueces 7:16

Te Gedeón la yac' ta oxchahp te ho'lajunwinic (300) ta tuhl winiquetic, la yac'ticlambe xulubil ta spisilic, soc jochol q'uibetic te yac ta tihlel c'ahc' ta yutile.

Jueces 7:20

Ta yoxchahpalic la yoq'uesinic te xulubiletic soc la swuyic te q'uibetic, la stsaquic ta sq'uexam-c'abic te sc'ahq'uic soc ta swa'el-c'abic te xulubiletic te ya yoq'uesinic, soc hich awonic: ¡Ta scuenta te espada yu'un Jehová soc Gedeón! xchihic ta aw.

Jueces 9:43

Ha yu'un oxchahp la yac' te winiquetic yu'un soc la ya'be ya snac' sbahic ta ha'mal. C'alal la yil te yac ta loq'uel tal ta pueblo te winiquetic, hahch ya'be guerra.

1 Samuel 11:2

Te Nahas te amon-winic, hich la yalbe: Ya jchap jc'optic teme ya jloq'uesbeyex awa'el sitic ta apisilic, te hich ya xc'oht q'uexlal ta stojol spisil Israel, xchi.

1 Samuel 14:47

Te c'alal ochemix ta ajwalil yu'un Israel a te Saúl, la ya'be guerra spisil te scontra ta sjoyobal: ha te Moab, te snich'nab Amón, Edom, te ajwaliletic yu'un Soba soc te filisteohetique. Ta bayuc ya xbaht, ha ya ya'iy tsalaw.