1 Samuel 11:1 - Bible in Tzeltal Bachajón

¹ Patil te Nahas te amon-winic, baht ya'be guerra te Jabes yu'un Galaad. Spisil mach'atic ayic ta Jabes hich la yalbeyic te Nahas: Ya jchap jc'optic, hich ya cac' jbahcotic ta a'batinel awu'un, xchihic.

Bible in Tzeltal de Oxchuc y Tenejapa

¹ Nahas, muc' ajwalil yu'un Amón, bajt' ta Jabes-yu'un-Galaad, c'o xchajban te soldadoetic yu'une swenta yu'un ya me yac'beyic guerra te lum Jabes. Pero te yajwal te lum Jabes jich la yalbeyic: —Jpastic trato, jich me ya cac' jbajtic ta ac'ab —xiic.

1 Samuel 11:1 ပူးပေါင်းရင်းမြစ်များ

Génesis 26:28

Hich la sjaq'uic: Yu'un quilojcotic te sjoquinejat te Jehová; ha yu'un la jcalcotic: Ya sc'an te ay bin ya caltic ta jamal ta atojol soc ta jtojolcotic, xchihotcotic. Ac'a jchap jc'optic,

2 Samuel 10:1

Ta patil cham te ajwalil yu'un te snich'nab Amón; hil ta sjelol ta ajwalil te Hanún te snich'ane.

2 Samuel 10:2

La yal te David: Ya me jc'uxultay te Hanún snich'an Nahas, hich te bin ut'il la sc'uxultayon te state, xchi. Ha yu'un te David la sticon bahel a'batetic scuenta yu'un ya smuc'ubtesbe q'uinal ya'iy yu'un cham te state. Te c'alal c'ohtic te a'batetic yu'un David ta sq'uinal te snich'nab Amón,

2 Samuel 17:27

C'alal c'oht ta Mahanaim te David, loc' tal ta tahel yu'un Sobi snich'an Nahas, te talem ta Rabá yu'un te sts'umbal Amón, soc yu'un Maquir snich'an Amiel, te talem ta Lodebar, soc Barzilai te galaad-winic te talem ta Rogelim,

2 Samuel 2:5

te David la sticon bahel winiquetic ta stojol te winiquetic yu'un Jabes ta sq'uinal Galaad, hich la yalbeyic: Ac'a ya'beyex bendición te Jehová yu'un te la ac'uxultayic te Saúl te ajwalil awu'unic, te la amuquique.

1 Reyes 20:34

Hich la yal te Ben-adad: Ya jsuhtesbat te pueblohetic te pojbot yu'un jtat te atate, soc ya xhu' yac awa'iy mambajel chombajel ta Damasco, hich te bin ut'il la spas ta Samaria te jtate, xchi. Ya jchahp jc'optic, hich ya cac'at bahel a, xchi te Acab. Hich la schap sc'opic, la yac' suhtel.

1 Crónicas 10:11

C'alal la ya'iyic spisil te mach'atic ayic ta Jabes yu'un Galaad te bin la spasbeyic Saúl te filisteohetic,

1 Crónicas 10:12

hahchic spisil te winiquetic te ay yip yo'tanic, baht yich'beyic tal te sbaq'uetal Saúl soc snich'nab, la yich'ic tal ta Jabes; tey la smucbeyic sbaq'uetalic a ta ye'tal jihte', soc la scom swe'elic huqueb c'ahc'al.

Job 41:4

¿Ya bal achap ac'op soc yu'un yac amosohin spisil ora?

Éxodo 23:32

Ma xachap ac'opic soc, o soc te diosetic yu'unique.

Isaías 36:16

¡Ma me xawa'iybeyic sc'op te Ezequías! yu'un hich ya yal te ajwalil yu'un Asiria: Ac'ahic te ya xlahmaj q'uinal ta jtojoltic, soc loc'anic tal ta jtojol. Hich jujutuhl yac awe'ic te bin ya yac' te ats'usubic soc te higuera awu'unic, soc yac awuch'ic te ha' ta pozo awu'unic,

Jeremías 40:11

Ha nix hich spisil te judiohetic te ayic ta Moab, Amón, Edom soc te yantic nacionetic, c'alal la ya'iyic te ay mach'atic ihquitayotic hilel ta Judá yu'un te ajwalil yu'un Babilonia soc te la yac' te ya xcuentahinotic yu'un te Gedalías,

Jeremías 40:14

hich la yalbeyic: ¿Ya bal ana' te Baalis ajwalil yu'un te amonetic sticonej tal te Ismael snich'an Netanías yu'un ya smilat? xchihic. Pero te Gedalías ma ba la sch'uhun.

Ezequiel 17:13

Soc la yic' jtuhl te sts'umbal ajwalil, la schap sc'op soc, la yac' te ya yal ta jamal. La yic' bahel te winiquetic te toyol ya'telic ta q'uinal,

Deuteronomio 23:3

Ma xhu' ya x'ochic amonetic soc moabetic ta tsoblej yu'un Jehová, ni ha'uc ta slajuncajal sts'umbal; stalel mayuc bin ora ya x'ochic ta tsoblej yu'un Jehová,

Jueces 10:7

Ha yu'un tihl yilimba Jehová ta stojol Israel, hich a'botic ta sc'ab te filisteohetic soc te amonetic.

Jueces 11:4

Ta patil bahel, te amonetic la ya'beyic guerra te Israel.

Jueces 21:8

Soc hich la sjoc'oyic: ¿Ay bal jchahp yu'un Israel te ma ba c'oht ta stojol Jehová ta Mizpa? xchihic. Chicnaj te mayuc jtuhluc yu'un te Jabes-galaad te talem ta campamento yu'un te tsoblej.

1 Samuel 12:12

Pero te c'alal la awilic te ya xtal ya'beyex guerra te Nahas, te ajwalil yu'un te amonetic, hich la awalbonic: Ma'uc, ac'a scuentahinotcotic ajwalil, xchihex, aunque ha ajwalil awu'unic te Jehová te Dios awu'unique.

1 Samuel 14:47

Te c'alal ochemix ta ajwalil yu'un Israel a te Saúl, la ya'be guerra spisil te scontra ta sjoyobal: ha te Moab, te snich'nab Amón, Edom, te ajwaliletic yu'un Soba soc te filisteohetique. Ta bayuc ya xbaht, ha ya ya'iy tsalaw.