1 Samuel 10:6 - Bible in Tzeltal Bachajón

⁶ Hich te espíritu yu'un Jehová ya me yu'untayat soc yu'el, hich yac ajoquinlan ta aw ta sc'op-jalwanej, soc ya xc'atp'ujat ta yan winic c'ohem.

Bible in Tzeltal de Oxchuc y Tenejapa

⁶ Te espíritu yu'un te Cajwaltic ya me xnoj ta awo'tan. Jich me ya yac'at ta c'op te Diose, jich te bit'il yacal spasbel te j'alwanejetique. Jich me ya sjelbat awo'tan.

1 Samuel 10:6 ပူးပေါင်းရင်းမြစ်များ

Números 11:17

Ya xcohon tal soc ya jc'oponat tey a; ya quich'bat j'ohliluc te espíritu awich'oj, ya ca'be te mamaletic, hich ya scoltayat ta scuchel te pueblo te al ta cuchel, scuenta yu'un ma atuqueluc yac acuch a.

Números 11:25

Hich co tal ta tocal te Jehová, c'opoj soc te Moisés. La yich'be te espíritu te yich'oj te Moisés, la yac'ticlambe te lajuneb schanwinic (70) ta tuhl mamaletic. C'alal hul ta stojolic te espíritu, hahchic ta c'op scuenta jalwanej; junax buelta hich la spasic.

Números 11:26

Ay cheb winiquetic te hilic ta campamento, Eldad sbihil te jtuhle soc Medad te yane, ha nix hich hul ta stojolic te espíritu. Ha nix te mach'atic tsahbilic, pero ma ba bahtic ta Nahilpac' Templo. Hahchic ta c'op scuenta jalwanej tey ta campamento.

Números 11:29

Pero la sjac' te Moisés: ¿Yu'un bal xut'et awo'tan ta jcuenta? Ha lec te ha'uc jalwanejetic spisil te pueblo yu'un Jehová, te yacuc yac'ticlan te espíritu yu'un ta stojolic, xchi.

San Mateo 7:22

Ta hich ora ay me tsobol mach'atic hich ya yalbonic: Cajwal, Cajwal, ¿yu'un bal ma ba la jpucbatcotic ta halel ac'op ta scuenta abihil, soc ta scuenta abihil la jloq'ueslancotic pucujetic, soc ta scuenta abihil la jpasticlancotic jchahp a'teliletic? xchihic me ta jtojol.

Jueces 14:6

Ha yu'un te espíritu yu'un Jehová hul soc yu'el ta stojol te Sansón, hich ta sc'ab nax la sjecticlan te choj, hich te bin ut'il ya yich' jecticlanel tut tentsun. Pero ma ba la yalbe te sme'stat te bin la spase.

Jueces 15:14

C'alal c'ohtic ta Lehi, te filisteohetic yacalic ta aw a loq'uic tal stahic. Pero te espíritu yu'un Jehová hul soc yu'el ta stojol Sansón. Te lazohetic te chucajtic sc'ab a, hich c'oht te bin ut'il lino te c'ahq'uem, hich ch'ay cohel te bin chucul a te sc'abe.

Jueces 3:10

Te Otoniel u'untayot yu'un te espíritu yu'un Jehová, ha juez c'oht yu'un Israel soc loc' bahel ta guerra. Te Jehová la ya'be ta sc'ab Otoniel te Cusan-risataim ajwalil yu'un Siria, la ya'be stsal te Cusan-risataim.

1 Samuel 10:10

C'alal c'ohtic ta Gabaa, tahot yu'un te jchahp jalwanejetic. Te espíritu yu'un Dios hul ta stojol soc yu'el, te Saúl la sjoquin ta aw ta sc'op-jalwanej.

1 Samuel 10:9

Te c'alal la sut loq'uel sba te Saúl yu'un ya xloc' bahel ta stojol Samuel, jelbot yo'tan yu'un Dios te Saúl; c'oht ta pasel spisil te señahiletic ta hich ora.

1 Samuel 11:6

C'alal hich la ya'iy te Saúl, hul ta stojol soc yu'el te espíritu yu'un Dios, soc bayel ilin yu'un.

1 Samuel 16:13

Hich te Samuel la stsac te xulubil te yich'oj aceite, la smalbe aceite ta yohlil te sbanquiltac. Ta hich ora bahel te David u'untayot yu'un te espíritu yu'un Jehová. Patil hahch te Samuel, suht bahel ta Ramá.

1 Samuel 19:20

Ha yu'un te Saúl la sticon bahel winiquetic ta yiq'uel tal te David. La yilic jchahp jalwanejetic te yacalic ta yalel sc'op-jalwanej, soc la yilic tey ay a te Samuel, ha j'ic'aw yu'unic. Hul te espíritu yu'un Dios ta stojol te winiquetic te ticombilic yu'un Saúl, ha nix hich hahchic ta c'op ta sc'op-jalwanej.