1 Samuel 10:5 - Bible in Tzeltal Bachajón

⁵ Patil ya xc'ohat ta Gabaa yu'un Dios ta banti ya xnahinic jchahp soldadohetic yu'un te filisteohetique. Te c'alal ya x'ochat ta pueblo, ya me ata aba soc jchahp jalwanejetic te yaquic ta cohel tal ta toyol awilal, nahilijem bahel yu'unic te salterio, pandero, flauta soc arpa, soc yaquic ta aw ta sc'op-jalwanej.

Bible in Tzeltal de Oxchuc y Tenejapa

⁵ Patil ya me xc'oat ta Gabaa yu'un Dios ta banti nainem jchajp soldadoetic yu'un filisteoetic. Te c'alal ya x'ochat ta lume, ya me ata aba soc jchajp j'alwanejetic yu'un Dios te yacalic ta coel tel ta toyol ch'uunjibal. Yacalic ta aq'uel ta c'op yu'un Dios, soc ay me mach'atic neel te yacalic ta stijel salterio, pandero, flauta soc arpa.

1 Samuel 10:5 ပူးပေါင်းရင်းမြစ်များ

1 Reyes 18:29

C'ax ta ohlil c'ahc'al, tey noc'olic ta aw a c'alal ta yorahil yaq'uel te milbil mahtanil, pero mayuc chicnaj sc'op, mayuc mach'a la sjac', mayuc mach'a la yich' ta cuenta.

2 Reyes 2:15

C'alal la yilic te jchahp jalwanejetic te ayic ta Jericó, hich la yalic: Te espíritu yu'un Elías hil ta stojol te Eliseo, xchihic. Hich baht stahic tal, la squejan sbahic ta stojol,

2 Reyes 2:3

Te jchahp jalwanejetic te ayic ta Bet-el loq'uic ta stahel te Eliseo, hich la yalbeyic: ¿Ana'oj bal te yo'tic ya x'ic'otix bahel yu'un Jehová te maestro awu'une? xchihic. Hich, jna'ojix, pero ma me ayuc bin xawalic te ha'exe, xchi te Eliseo.

2 Reyes 2:5

Te jchahp jalwanejetic te ayic ta Jericó, loq'uic ta stahel te Eliseo, hich la yalbeyic: ¿Ana'oj bal te yo'tic ya x'ic'otix bahel yu'un Jehová te maestro awu'une? xchihic. Hich, jna'ojix, pero ma me ayuc bin xawalic te ha'exe, xchi te Eliseo.

2 Reyes 2:7

Lajuneb yoxwinic (50) jalwanejetic namal la stehc'an sbahic ta stojolic te c'alal schebalic la stehc'an sbahic ta sti'il Jordán.

2 Reyes 3:15

Ic'bonic tal jtuhl jtij-arpa, xchi. Te c'alal yac ta tijel a te arpa, cuentahinot yu'un Jehová te Eliseo,

2 Reyes 4:38

Te Eliseo suht bahel ta Gilgal ta yorahil bayel wi'nal ta q'uinal. C'alal joquimbil yu'un te jchahp jalwanejetic, la yalbe te a'bat yu'un: Otsesa ta c'ahc' te muc'ul oxom, chahpambeya swe'elic te jchahp jalwanejetic, xchi.

2 Reyes 6:1

Te jchahp jalwanejetic hich la yalbeyic te Eliseo: Ilawil, tut te banti nahinemotic.

1 Crónicas 11:16

Ta hich ora ay ta ahnibal a te David, soc ay jtsohb filisteo soldadohetic ta Belén.

1 Crónicas 13:8

Te David soc spisil Israel mero tse'el yo'tanic ta stojol Dios ta spisil yipic ta c'ayoj, ta arpa, salterio, c'ayob, platillo soc cornetahetic.

1 Crónicas 16:42

Soc ha nix te Hemán soc Jedutún ay ta scuentahic yoq'uesinel cornetahetic soc stijel platillohetic soc te yantic a'tejibaletic yu'un música yu'un Dios. Soc te snich'nab Jedutún ay ta scuentahic scanantayel ti'nahiletic.

1 Crónicas 16:5

ha primero te Asaf, schebal Zacarías, patil te Jeiel, Semiramot, Jehiel, Matatías, Eliab, Benaía, Obed-edom soc Jeiel, soc te ya'tejibic yu'un música, ha te salterio soc arpa; te Asaf la stij te platillohetic.

Salmos 49:4

Ya cac' jchiquin a te tsahbil c'opetic; ya cal soc arpa cu'un te bin wocol ta na'ele.

Salmos 92:3

ta scuenta sc'ayojil te decacordio soc te arpa, soc ta t'ujbil sc'op te lira.

1 Corintios 14:1

O'tantayahic st'unel te sc'uxul-o'tanil soc ha me xac'anic te mahtaniletic yu'un te Espíritu, pero ha'uc muc' sc'oblal awu'unic te mahtanil yu'un yalel sc'op-jalwanej.

1 Samuel 10:10

C'alal c'ohtic ta Gabaa, tahot yu'un te jchahp jalwanejetic. Te espíritu yu'un Dios hul ta stojol soc yu'el, te Saúl la sjoquin ta aw ta sc'op-jalwanej.

1 Samuel 10:4

Ya spatbat awo'tan soc ya ya'bat cheb pan, te yac atsacbeye.

1 Samuel 13:2

la stsa j'ohlil swaxacbahc' (3,000) winiquetic yu'un Israel; ho'bahc' (2,000) ta tuhl joquinot yu'unic ta Micmas soc ta witsiltic yu'un Bet-el, j'ohlil yoxbahc' (1,000) ta tuhl la sjoquinic Jonatán ta Gabaa yu'un Benjamín. Te jayeb xan hil la sticonlan suhtel ta snahilpaq'uic.

1 Samuel 13:3

Te Jonatán la ya'be guerra te jchahp filisteo soldadohetic te ayic ta Gabaa; hich la ya'iyic te filisteohetique. Ha yu'un te Saúl la yac' ta oq'uesinel xulubil ta spahmal q'uinal, hich la yal: ¡Ac'a me ya'iyic te hebreohetique! xchi.

1 Samuel 19:20

Ha yu'un te Saúl la sticon bahel winiquetic ta yiq'uel tal te David. La yilic jchahp jalwanejetic te yacalic ta yalel sc'op-jalwanej, soc la yilic tey ay a te Samuel, ha j'ic'aw yu'unic. Hul te espíritu yu'un Dios ta stojol te winiquetic te ticombilic yu'un Saúl, ha nix hich hahchic ta c'op ta sc'op-jalwanej.

1 Samuel 9:12

La sjaq'uic te ach'ixetic: Tey. Ilawil, tey xanix ay bahel awu'unic. Suja aba, como hulem talel ta pueblo, yu'un yo'tic te ants-winiquetic ya xbaht yaq'uic milbil mahtanil ta toyol awilal.