1 Samuel 10:3 - Bible in Tzeltal Bachajón

³ Ya xbehenat xan bahel, te c'alal ya xc'ohat ta jihte' yu'un Tabor, ya me xtal stahat oxeb winiquetic te yacalic ta mohel bahel ta Bet-el ta stojol Dios, te jtuhle yic'oj oxeb tentsunetic, te yane yich'oj oxeb pan, te yoxebal yich'oj yawil vino.

Bible in Tzeltal de Oxchuc y Tenejapa

³ Soc ya me xc'ubat bael. C'alal ya xc'oat ta jijte' yu'un Tabor, ya me xjul tel ta atojol oxeb winiquetic te yacalic ta moel bael ta Betel ta xch'uunel Dios. Te jtule yic'oj oxeb tentsunetic, te xchebale yich'oj oxeb pan, te yoxebale yich'oj jun nujc'ul vino.

1 Samuel 10:3 ပူးပေါင်းရင်းမြစ်များ

Génesis 28:19

Bet-el sbihil c'oht yu'un te lugar, aunque Luz sbihil ta nahil to te pueblo.

Génesis 28:22

Soc te ton la jtehc'anix scuenta seña, ha sna Dios ya xc'oht; soc spisil bin yac awa'bon, ya ca'bat jun ta slajunebal, xchi.

Génesis 35:1

Dios hich la yalbe te Jacob: Hahchan, mohan bahel ta Bet-el, nahinan tey a. Pasbeya scajtajib ta chiq'uel smahtan te Dios te la stehc'an sba ta atojol te c'alal loc'at ta ahnel ta stojol te abanquil Esaú, xchi.

Génesis 35:3

Ya xmohotic bahel ta Bet-el, tey ya xc'oht jpasbe scajtajib ta chiq'uel smahtan a te Dios te la scoltayon te c'alal ayon ta wocol a soc te la sjoquinon ta banti behenon, xchi.

Salmos 89:12

Ha'at la apas te norte soc te sur; te Tabor soc te Hermón tse'el yo'tanic ya sc'ayojtaybat abihil.

Jeremías 32:8

Hich te bin ut'il la yal te Jehová, tal ta jtojol ta yamaq'uil te cárcel te Hanameel snich'an jtajun, hich la yalbon: Mambon te jq'uinal te ay ta Anatot ta sq'uinal Benjamín, como ay ta acuenta smanel. Mana yu'un awu'un ya xc'oht, xchi. Hich la jna' te ha sc'op te Jehová;

Levítico 1:10

Teme ya yac' tuminchij o tentsun scuenta scohtol chic'bil mahtanil, ya me yac' te stat te mayuc bin jihnem yu'une.

Levítico 23:13

Yac awac' scuenta mahtanil harina cheb ta slajunebal efa lequil harina wots'bil ta aceite, ha mahtanil te ya yich' chiq'uel ta stojol Jehová te buen sumet yic'. Te mahtanil te ya yich' malel, ha jun ta schanebal hin vino.

Levítico 3:12

Teme tentsun ya yac', ya me ya'be ta stojol Jehová.

Levítico 3:6

Yan teme ya ya'be Jehová milbil mahtanil scuenta lamal q'uinal jcoht tuminchij o tentsun, teme stat o yantsilel, ya me yac' te ban mayuc bin jihnem yu'une.

Levítico 7:13

Ta milbil mahtanil ya yich' aq'uel scuenta lamal q'uinal soc yalel wocol ya me awac' sjoquin pimil pan te yich'oj levadura.

Josué 19:12

Ta Sarid la yac' buelta ta stojol banti ya xloc' tal c'ahc'al c'alal ta sti'il Quislot-tabor, c'ax bahel ta Daberat, mo bahel ta Jafía;

Josué 19:22

Te smojonil c'oht ta Tabor, Sahazima soc Bet-semes, c'oht ta loq'uel ta muc'ul-ha' Jordán; waclajuneb (16) pueblohetic soc tut pueblohetic yu'unic.

Jueces 20:18

Patil hahchic bahel te snich'nab Israel, mohic bahel ta Bet-el, hich baht sjoc'obeyic te Diose: ¿Mach'a nahil ya xmo bahel cu'uncotic ta ya'beyel guerra te snich'nab Benjamín? xchihic. La sjac' te Jehová: Ha nahil ya xbaht te Judá, xchi.

Jueces 20:23

yu'un te snich'nab Israel mohemiquix bahel soc oq'uic ta stojol Jehová c'alal ta yihc'ubel q'uinal, soc la sjoc'obeyic te Jehová: ¿Ya bal suhtotcotic ta ya'beyel guerra te snich'nab Benjamín te quermanocotic? xchihic. La sjac' te Jehová: Bahan, a'beyahic guerra, xchi.

Jueces 20:27

Te snich'nab Israel la sjoc'obeyic te Jehová (yu'un ha yorahil a te tey ay a te scaxahul te chapbil-c'op yu'un Dios,

Jueces 4:12

C'alal la ya'iy te Sísara te mohemix bahel ta wits Tabor te Barac snich'an Abinoam,

Jueces 4:6

Te Débora la sticon ta iq'uel tal jtuhl winic Barac snich'an Abinoam te ay ta Cedes ta Neftalí, hich la yalbe: Hich ya spasat ta mandar te Jehová te Dios yu'un Israel: Bahan, tsoba te winiquetic awu'un ta wits Tabor, ac'a sjoquinat bahel jpic soc ho'bahc' (10,000) ta tuhl yu'un te jchahp yu'un Neftalí soc te jchahp yu'un Zabulón.

Jueces 8:18

Patil la sjoc'obe te Zeba soc Zalmuna: ¿Bin yilel te winiquetic la amilic ta Tabor? la yut. Hich yilelic te bin ut'il ha'at; jujutuhl hich yilel te bin ut'il snich'an ajwalil, xchihic.

1 Samuel 10:4

Ya spatbat awo'tan soc ya ya'bat cheb pan, te yac atsacbeye.