1 Samuel 10:27 - Bible in Tzeltal Bachajón

²⁷ Pero ay mach'atic te chopol yo'tanic, te hich la yalic: ¿Bin ut'il ya xhu' ya scoltayotic te winic ini? xchihic. Mayuc sc'oblal c'oht ta yo'tanic soc ma ba la yich'beyic tal smahtan. Pero mayuc bin la yal yu'un te Saúl.

Bible in Tzeltal de Oxchuc y Tenejapa

²⁷ Pero te mach'atic amen yo'tanic, te spisil nax bi ya xloc' ta yeique, jich la yalic: —Eha. ¿Ja' bal ya scoltayotic? —xiic. Ma'yuc swentail ta yo'tanic, ma ba la yich'ic ta muc', pero te Saúl jich yilel te ma ba la yaiye.

1 Samuel 10:27 ပူးပေါင်းရင်းမြစ်များ

2 Samuel 20:1

Ay jtuhl chopol winic tey a, Seba sbihil, snich'an Bicri, sts'umbal Benjamín, te la yoq'uesin xulubil soc hich la yal: Mayuc bin ay cu'untic ta stojol David, mayuc bin quich'ojtic yu'un te snich'an Isaí. ¡Ta jujutuhl bahan ta anahic, Israel! xchi.

2 Samuel 8:2

Soc la stsal te moabetic. La ya'be slim sbahic ta lum, la sp'is ta lazo. La sp'is cha'p'is yu'un ya yac' ta milel, soc jp'is yu'un cuxul ya xhilic. Hich a'batetic c'oht yu'un David te moabetic, soc la stoj spatanic ta stojol.

1 Reyes 10:25

Ta jujun ha'bil ya yich'beyic tal smahtan: ha te bintic pasbil ta plata soc ta oro, c'u'uletic, a'tejibaletic yu'un guerra, bintic sumet yic', cawuhetic soc mulahetic.

1 Reyes 4:21

Te Salomón la scuentahin spisil te yantic nacionetic c'alal ta muc'ul-ha' Éufrates ha to ta sq'uinal filisteohetic soc ta sti'il sq'uinal Egipto. La yich'beyic tal mahtaniletic soc la yac' sbahic ta a'batinel yu'un Salomón te jayeb c'ahc'al cuxule.

1 Reyes 5:1

Te Hiram ajwalil yu'un Tiro la sticon a'batetic yu'un ta stojol Salomón c'alal la ya'iy te och ta ajwalil ta sjelol te state; como te Hiram spisil ora lec yo'tan ta stojol David.

2 Crónicas 13:7

Joquinot yu'un chopol winiquetic te c'ax hich hu' yu'unic a te bin ut'il te Roboam snich'an Salomón, como te Roboam querem to soc mayuc lec yip yo'tan, ma ba hu' yu'un ya scoltay sba ta stojolic.

2 Crónicas 17:5

Ha yu'un te Jehová la ya'be yip te ya'tel ta ajwalil; soc spisil Judá la ya'beyic smahtan te Josafat, la sta bayel sc'ulejal soc yutsilal.

Salmos 38:13

Pero hichon te bin ut'il cohc, ma xca'iy q'uinal, hichon te bin ut'il uma' te ma sjam ye.

Salmos 72:10

Te ajwaliletic yu'un Tarsis soc yu'un ti'ti'maretic ya me yich'ic tal spatanic; te ajwaliletic yu'un Sabá soc Seba, ya me yich'beyic tal mahtaniletic.

Eclesiastés 7:21

Ma me xawac' ta awo'tan spisil te bintic ya yich' halel, scuenta yu'un ma ba yac awa'iy a te bin chopol ya yalbat ac'oblal te a'bat awu'une;

Isaías 36:21

Pero ch'abic ta c'op, ma ba la suhtic te c'ope, como te ajwalil yalojix mandar: Ma me xajaq'uic, xchi.

San Mateo 2:11

C'alal ochic bahel ta na, la yilic te alal soc te snan, ha te María. La squejan sbahic soc la sch'uhuntayic. La sjamic te yawil sc'uhlejalic, la ya'beyic smahtanin oro, pom soc mirra.

Hechos 7:35

Ha nix te Moisés te ma ba la sc'anic te me'iltatiletic, te hich la yalbeyic: ¿Mach'a la ya'bat awa'tel ta jcuentahinwanej soc ta juez? te xchihique, ha nix te ticonot bahel yu'un Dios ta scuenta te ch'ul a'bat te chicnaj ta jpeht ch'ix, scuenta yu'un ha ya x'och ta jcuentahinwanej soc jcoltaywanej yu'unic.

Deuteronomio 13:13

te ay chicnaj bohl winiquetic ta awohlilic te la ya'beyic howiyuc yo'tanic te mach'atic nahinemic ta pueblo, te hich ya yalic: Conic, ya jch'uhuntaytic yantic diosetic te ma xana'beyic sba, teme xchihique,

1 Samuel 11:12

Hich te pueblo la yalbeyic te Samuel: ¿Mach'atic a te la yalic: Ma ba ya x'och ta ajwalil cu'untic te Saúl, te xchihique? A'botcotic te winiquetic, ya jmilcotic, xchihic.

1 Samuel 11:13

Pero la yal te Saúl: Mayuc mach'a ya xlaj yo'tic, como te Jehová la scoltayix yo'tic te Israel, xchi.

1 Samuel 16:20

Ha yu'un te Isaí la stsac jcoht burro te scuchoj pan, jun yawil vino soc jcoht tut tentsun, la sticombe bahel te Saúl ta scuenta David te snich'ane.

1 Samuel 2:12

Te snich'nab Elí mero chopol yo'tanic, ma ba la sna'beyic sba te Jehová.

1 Samuel 25:17

Ha yu'un nopa awa'iy bin ya sc'an yac apas, como chapalix te ay bin chopol ya xc'oht ta stojol te cajwalcotic soc spisil te mach'atic ay yu'une. Como mero chopol winic, mayuc mach'a ya xhu' ya sc'opon, xchi.