1 Samuel 10:21 - Bible in Tzeltal Bachajón

²¹ La yac' nohpojuc tal te sts'umbal Benjamín ta scuenta jujuchahp na, ha tsahbil c'oht schahpal te mach'atic ay yu'un te Matri; tey tsahot loq'uel a te Saúl snich'an Cis. La slehic, pero ma ba la stahic.

Bible in Tzeltal de Oxchuc y Tenejapa

²¹ Ta patil la yal mandal te ya xnoptsajic tel te sts'umbal Benjamín. Ja' tsabil c'ot xan ta xchajbal te mach'atic ay yu'un Matri, soc tey tsaotix loq'uel a te Saúl te snich'an Cis. Pero la sleic, ma ba la staic.

1 Samuel 10:21 ပူးပေါင်းရင်းမြစ်များ

2 Samuel 3:19

Te Abner ha nix la sc'opon te sts'umbal Benjamín. Patil baht ta Hebrón scuenta yu'un ya yalbe ya'iy te David te bin la yalic te Israel soc spisil te sts'umbal Benjamín.

Proverbios 18:18

Te spasel seña ta na'el ya yac' lahmajuc te c'ope, soc ya schahpan te c'op yu'un te mach'atic tulan scontrahinej sbahique.

Jonás 1:7

Talel c'axel hich la yalbe sbahic te j'a'teliletic ta barco: La', ya jpasbetic seña ta na'el yu'un hich ya jna'tic a mach'a ta scuenta te talem ta jtojoltic te wocole, xchihic. Hich la spasic seña ta na'el, ha c'oht ta scuenta Jonás.

Hechos 13:21

Patil la sc'anic ajwalil, ha yu'un Dios la ya'be Saúl, te snich'an Cis te sts'umbal Benjamín; cha'winic (40) ha'bil ay ta ajwalil.

1 Samuel 10:20

Te Samuel la yac' nohpojuc tal spisil ta chahp te sts'umbal Israel, ha tsahbil c'oht te sts'umbal Benjamín.

1 Samuel 10:22

Ha yu'un la sjoc'obeyic xan te Jehová teme ma to ba talem te winique. La yal te Jehová: Li' ayi, snac'oj sba ta yohlil te biluquetic, xchi.

1 Samuel 9:2

Ay jtuhl snich'an, Saúl sbihil, buen t'ujbil jcolel winic. Ta yohlil te snich'nab Israel mayuc mach'a c'ax hich st'ujbilal a; ha toyol mohel snehquel c'ax hich snahtil a te bin ut'il yantic.