1 Samuel 10:20 - Bible in Tzeltal Bachajón

²⁰ Te Samuel la yac' nohpojuc tal spisil ta chahp te sts'umbal Israel, ha tsahbil c'oht te sts'umbal Benjamín.

Bible in Tzeltal de Oxchuc y Tenejapa

²⁰ La yal mandal te Samuel te ya xnoptsajic spisil ta jchajp te sts'umbal Israel. La spasbeyic snúmero ta na'el, ja' tsabil c'ot te sts'umbal Benjamín.

1 Samuel 10:20 ပူးပေါင်းရင်းမြစ်များ

2 Samuel 3:19

Te Abner ha nix la sc'opon te sts'umbal Benjamín. Patil baht ta Hebrón scuenta yu'un ya yalbe ya'iy te David te bin la yalic te Israel soc spisil te sts'umbal Benjamín.

Jonás 1:7

Talel c'axel hich la yalbe sbahic te j'a'teliletic ta barco: La', ya jpasbetic seña ta na'el yu'un hich ya jna'tic a mach'a ta scuenta te talem ta jtojoltic te wocole, xchihic. Hich la spasic seña ta na'el, ha c'oht ta scuenta Jonás.

Deuteronomio 33:12

Hich la yalbe sc'oblal Benjamín: Te mach'a c'ux ta yo'tan Jehová jun me yo'tan ya xnahin ta stojol; spisil ora ya xluts'ot yu'un, ya me xnahin ta snehquel, xchi.

1 Samuel 10:19

Pero yo'tic mayuquix sc'oblal ta awo'tanic te Dios awu'unic, te ya scoltayex te c'alal ayex ta wocol soc ta mel-o'tan. Soc la awalic: Ma'uc, ya me awa'botcotic ajwalil, xchihex. Ha yu'un, yo'tic tehc'ana abahic ta stojol Jehová ta jujuchahp ats'umbalic soc ta jujuchahp te mach'atic ay awu'unic, xchi te Samuel.

1 Samuel 10:21

La yac' nohpojuc tal te sts'umbal Benjamín ta scuenta jujuchahp na, ha tsahbil c'oht schahpal te mach'atic ay yu'un te Matri; tey tsahot loq'uel a te Saúl snich'an Cis. La slehic, pero ma ba la stahic.

1 Samuel 14:38

Ha yu'un la yal te Saúl: La', nohpojanic tal ta apisilic te jtsobawex yu'un soldadohetic, na'a awa'iyic bin mulil la yich'ix pasel.

1 Samuel 14:41

Ha yu'un te Saúl hich la yalbe te Jehová te Dios yu'un Israel: Ac'a ta na'el ta scuenta spasbeyel seña ta na'el, xchi. Ha c'oht ta scuentahic Jonatán soc Saúl; hil ta libre te winiquetique.