1 Samuel 10:19 - Bible in Tzeltal Bachajón

¹⁹ Pero yo'tic mayuquix sc'oblal ta awo'tanic te Dios awu'unic, te ya scoltayex te c'alal ayex ta wocol soc ta mel-o'tan. Soc la awalic: Ma'uc, ya me awa'botcotic ajwalil, xchihex. Ha yu'un, yo'tic tehc'ana abahic ta stojol Jehová ta jujuchahp ats'umbalic soc ta jujuchahp te mach'atic ay awu'unic, xchi te Samuel.

Bible in Tzeltal de Oxchuc y Tenejapa

¹⁹ Pero yo'tic ma'yuquix sc'oplal ta awo'tanic te Dios awu'unic, te la scoltayex te c'alal ay bitic ay awocolic yu'un a, soc te ay bitic c'ux obol abaic yu'une. Ma ba la ac'aniquix, melel ya ac'anic te ya jlebeyex muc' ajwalil yu'un ya x'och swentainex. Ja' yu'un, yo'tic tejc'ana abaic ta stojol Cajwaltic ta juju-jchajp ats'umbalic, soc ta juju-jchajp te mach'atic ay awu'unique —xi' te Samuele.

1 Samuel 10:19 ပူးပေါင်းရင်းမြစ်များ

Proverbios 16:33

Te winiquetic ya spasic seña ta na'el, pero ay ta scuenta Jehová yaq'uel ta na'el.

Miqueas 5:2

Pero ha'at, Belén Efrata, aunque tut ayat ta yohlil te mach'atic yu'un Judá, ya xloc' tal ta atojol te mach'a ajwalil ya xc'oht yu'un Israel; nameyix te shahchibal, c'ax bayel ha'bil.

Números 11:20

pero ta sjunal u, ha to c'alal ya xmal loq'uel ta ani'ic soc te ya yihlay awo'tanic, como la awil-o'tantayic te Jehová te ay ta awohlilic soc la awoq'uetay abahic, te hich la awalic: ¿Bin yu'un loc'otic tal ta Egipto? te xchihexe.

Números 17:2

Halbeya te snich'nab Israel te ac'a yich'ic tal snahbate'ic jujutuhl príncipaletic ta jujuchahp, lahchayeb nahbate'eletic hich te bin ut'il te sna sme'statique. Ya me ats'ihbabe sbihilic jujutuhl ta snahbate'ic,

Deuteronomio 17:14

Te c'alal ochematix bahel a ta q'uinal te ya ya'bat te Jehová te Dios awu'un, te la awu'untayix soc te ya xnahinatix tey a, teme hich yac awal: Ya cac' scuentahinon jtuhl ajwalil, hich te bin ut'il spisil nacionetic ta joyobal, teme xchihate,

Josué 24:1

Te Josué la stsob spisil te jchahp yu'un Israel ta Siquem, soc la yic' tal te mamaletic yu'un Israel, te príncipaletic, juecetic soc te yantic ay ya'telic ta Israel. Spisilic la stehc'an sbahic ta stojol Dios.

Jueces 8:23

Pero la sjac' te Gedeón: Ma ajwalilucon ya xc'ohon awu'unic, ni ha'uc te jnich'an, ha me Ajwalil awu'unic ya xc'oht te Jehová, xchi.

1 Samuel 10:20

Te Samuel la yac' nohpojuc tal spisil ta chahp te sts'umbal Israel, ha tsahbil c'oht te sts'umbal Benjamín.

1 Samuel 12:12

Pero te c'alal la awilic te ya xtal ya'beyex guerra te Nahas, te ajwalil yu'un te amonetic, hich la awalbonic: Ma'uc, ac'a scuentahinotcotic ajwalil, xchihex, aunque ha ajwalil awu'unic te Jehová te Dios awu'unique.

1 Samuel 14:23

Baht c'alal ta Bet-avén te guerra. Hich coltayot yu'un Jehová te Israel ta hich ora.

1 Samuel 14:38

Ha yu'un la yal te Saúl: La', nohpojanic tal ta apisilic te jtsobawex yu'un soldadohetic, na'a awa'iyic bin mulil la yich'ix pasel.

1 Samuel 3:21

Te Jehová yan buelta la yac' sba ta ilel ta Silo; como tey ta Silo ya yac' sba ta na'el ta stojol Samuel te sc'op Jehová.

1 Samuel 4:1

Te sc'op Samuel c'oht ta stojol spisil Israel. Ha yorahil a te Israel loc' bahel ta ya'beyel guerra te filisteohetic; c'oht spas scampamentohic ta Eben-ezer, yan te filisteohetic c'oht spas scampamentohic ta Afec.

1 Samuel 8:19

Pero te pueblo ma ba la sc'an la yich'ic ta cuenta te bin halbotic yu'un te Samuel, hich la yalbeyic: Ma'uc. Ya jc'ancotic ajwalil te ya scuentahinotcotic,

1 Samuel 8:5

hich c'oht yalbeyic: Mamalatix soc ma ba ya st'unic te be awu'un te anich'nabe; ha yu'un lehbotcotic jtuhl ajwalil te ya scuentahinotcotic, hich te bin ut'il spisil te nacionetique, xchihic.