1 Samuel 10:12 - Bible in Tzeltal Bachajón

¹² Ay mach'a hich la yal: ¿Mach'a a te tatil yu'unic? xchi. Ha scuentahil te chicnaj te bin ay ta halel: ¿Ha balix jalwanej ec te Saúl? te xchihe.

Bible in Tzeltal de Oxchuc y Tenejapa

¹² Ay yan mach'a tey ay a te jich la yal: —¿Bi sbiil te jtsobwanej yu'unique? —xiic. Ja'ix te bila ya nax jmulantic yalel te: “¿Ja' balix j'alwanej jiche te Saule?” te xie.

1 Samuel 10:12 ပူးပေါင်းရင်းမြစ်များ

Isaías 54:13

Spisil te awal-anich'nabic ya yich'ic nohptesel yu'un te Jehová, soc ya xp'ohl te lamal quinal ya ya'iyic te awal-anich'nabique.

San Juan 6:45

Hich ts'ihbabil yu'un te jalwanejetic: Spisilic ya me xp'ijubtesotic yu'un Dios, xchihic. Ha yu'un spisil te mach'atic ya ya'iyic te Tatil soc te ya yich'ic p'ijubtesel yu'une, ya me xtalic ta jtojol.

San Juan 7:16

Hich halbotic yu'un te Jesús: Te nohptesel ma cu'unuc, ha yu'un te mach'a sticonejon tal.

Santiago 1:17

Spisil te bin lec a'bibilotic soc spisil lequil mahtanil talem ta toyol, ta stojol te Tatil yu'un sacal q'uinal, te ma xyanij hich te bin ut'il axinal.

1 Samuel 10:13

C'alal laj yo'tan ta aw ta sc'op-jalwanej te Saúl, c'oht ta toyol awilal.

1 Samuel 19:23

Hich baht ta Nairot ta Ramá, ha nix hich hul ta stojol te espíritu yu'un Dios; hich behen bahel soc yac ta yalel sc'op-jalwanej ha to c'alal c'oht ta Naiot ta Ramá.

1 Samuel 19:24

La schol loq'uel sc'u' spac', ha nix hich c'opoj ta sc'op-jalwanej ta stojol Samuel, mayuc sc'u' spac' sjunal c'ahc'al soc sjunal ahc'abal. Tey chicnaj a te c'op: ¿Ha ni bal jalwanej yu'un Dios te Saúl? te xchihe.