1 Samuel 10:1 - Bible in Tzeltal Bachajón

¹ Hich te Samuel la stsac jun yawil aceite, la smalbe ta sjol te Saúl, la yuhts'uy, soc hich la yalbe: Te Jehová la smalbat aceite scuenta jtsobaw ya xc'ohat yu'un te pueblo Israel yu'une.

Bible in Tzeltal de Oxchuc y Tenejapa

¹ Te Samuel la stsac jun ch'in oxom aceite, la smalbey ta sjol te Saule. Te c'alal yac ta smalbeyel ta sjol a, jich la yal: —Yo'tic la awich'ix aseña yu'un Cajwaltic, swenta yu'un ya me awich'ix awat'el ta ajwalil ta stojol te lum Israel yu'une. Ja'at me ya awentainotic, soc ya me acoltayotic ta sc'ab te jcontrotic te ay ta sjoylejal. Jich me ya ana' te la yalatix ta jamal te Cajwaltic te ya x'ochat ta ajwalil ta stojol te lum yu'une:

1 Samuel 10:1 ပူးပေါင်းရင်းမြစ်များ

2 Samuel 1:14

¿Bin ut'il ay a te ma ba la axi' te la ahach ac'ab ta smilel te mach'a tsahbil yu'un te Jehová? xchi te David.

2 Samuel 19:39

Spisil te pueblo sohlic bahel ta Jordán. Te c'alal sohlix bahel a te ajwalil, la yuhts'uy hilel te Barzilai, la ya'be bendición. Hich te Barzilai suht bahel ta sna.

2 Samuel 20:19

Ho'on lamal co'tan soc jun co'tan ta Israel. Ha'at c'an alajinix jun pueblo te ha nanil ta Israel. ¿Bin yu'un te yac alajin te bintic ay yu'un Jehová? xchi.

2 Samuel 5:2

Ta nahilal, te c'alal ay ta ajwalil cu'untic a te Saúl, ha'at la aloq'ues ta guerra te Israel soc la awic' suhtel tal. Soc hich yalbeyejat te Jehová: Ha'at yac acanantaybon soc ha'at príncipal ya xc'ohat yu'un te pueblo Israel cu'un, xchi.

1 Reyes 1:34

Tey me ya xmalbot aceite yu'un a te sacerdote Sadoc soc te jalwanej Natán scuenta ajwalil yu'un Israel. Oq'uesinahic xulubil soc awonanic: ¡Viva ajwalil Salomón! xchihanic me ta aw.

1 Reyes 19:18

Hilem cu'un j'ohlil swaxac lajunbahc' (7,000) ta tuhl ta Israel te ma ba la squejan sbahic ta stojol Baal soc te ma ba la yuhts'uyic, xchi.

2 Reyes 20:5

Suhtan bahel, halbeya te Ezequías te príncipal yu'un te pueblo cu'un: Hich ya yal te Jehová te Dios yu'un David te namey tatil awu'un: La jca'iybatix ac'op soc la jquilbatix te ya'lel asit; ya jlecubtesat. Li' ta oxeb c'ahc'al ya xmohat bahel ta sna Jehová.

2 Reyes 9:1

Te jalwanej Eliseo la yic' tal jtuhl te jchahp jalwanejetic, hich la yalbe: Chahpana aba, ich'a bahel te yawil aceite ini, bahan ta Ramot yu'un Galaad.

2 Reyes 9:12

Alot; hala ca'iycotic spisil, xchihic. La yal te Jehú: Hich ay soc hich la yalbon: Hich ya yal te Jehová: Ho'on la jmalat ta aceite yu'un ya x'ochat ta ajwalil yu'un Israel, xchi.

Salmos 135:4

como te Jehová la stsa Jacob te ha yu'un ya xc'oht, la stsa te Israel scuenta yu'un ha sc'ulejal ya xc'oht.

Salmos 2:12

Ich'ahic ta muc' te Nich'anil scuenta yu'un ma ba ya x'ilin, te hich ya xlajex ta be yu'un; como ora nax ya xtihl yilimba. ¡Bayel me yutsil spisil te mach'atic ha smuc'ulinej yo'tanic te Diose!

Salmos 78:71

la yic' loq'uel ta scanantayel tuminchijetic yu'un ya scanantay te Jacob te pueblo yu'une, te Israel te ha la yu'untay.

Éxodo 30:23

Ya me awich' te bin mero sumet yic': ho'winic scha'bahc' (500) siclo mero lequil mirra, lajuneb yoxlajunwinic (250) siclo canela te sumet yic', lajuneb yoxlajunwinic (250) siclo jalal te sumet yic',

Jeremías 10:16

Ma hichuc ay te Mach'a yu'un Jacob, como ha Jpaswanej yu'un spisil te bintic ay, soc te Israel, te ha mero yu'un stuquel; ¡Jehová te scuentahinej spisil, xchi te sbihile!

Ezequiel 16:13

Hich ch'albilat hilel ta oro soc ta plata, soc lequil lino soc seda te ch'albil ac'u' apac'. La awe' lequil trigo, chab soc aceite. C'ax t'ujbil c'ohat, hich c'ohat te bin ut'il ajwalil-ants.

Oseas 13:2

Yacalic ta spasel xan mulil ta ora ini; ya spasic loc'ombahetic ta uhltesbil plata, ha chican bin yilel ya smulan yo'tan, ¡spisilic ha ya'tel mach'atic ya sna'ic spasel! Hich ya xhalbot sc'oblalic: Te mach'atic ya yaq'uic chic'bil mahtaniletic, ya yuhts'uyic torohetic, xchi sc'oblalic.

Hechos 13:21

Patil la sc'anic ajwalil, ha yu'un Dios la ya'be Saúl, te snich'an Cis te sts'umbal Benjamín; cha'winic (40) ha'bil ay ta ajwalil.

Deuteronomio 32:9

Como te bin ay yu'un Jehová, ha te pueblo yu'un, ha te Jacob, te ha yu'un c'oht.

1 Tesalonicenses 5:26

Patbeya yo'tanic spisil te quermanotactic ta scuenta ch'ul uts'uyel.

Hebreos 2:10

Te Dios te spasoj soc te scuentahinej spisil bintic ay, ha stojil te la yac' te ts'acal c'oht ta scuenta swocol te mach'a la swehtesbe scolelic, te hich ya xhu' ya yic' bahel ta utsilal tsobol al-nich'anetic.

Apocalipsis 5:8

C'alal la yich' te hun, te chaneb bintic cuxajtic soc te chaneb scha'winic (24) ta tuhl mamaletic la spahcan sbahic ta stojol te Jcolel Tuminchij. Spisilic ay arpa yu'unic soc yich'ojic taza pasbil ta oro nojelic ta pom, ha te bin ya yalic ta sc'oponel Dios te mach'atic ch'ultesbilique.

1 Samuel 12:3

Li' ayon; halbonic jmul ta stojol Jehová soc ta stojol te mach'a tsahbil yu'un, teme ay mach'a la jpojbe swacax, teme ay mach'a la jpojbe sburro, teme ay mach'a la jtojol-lehbe smul, teme ay mach'a ay swocol cu'un, o teme ay mach'a la jquich'be staq'uin yu'un ya smacbon jsit a; ya me jsuhtbeyex, xchi.

1 Samuel 13:14

Pero ma ba ya xhiliquix ta ajwalil te ats'umbale. Te Jehová la slehix jtuhl winic te lec yo'tan yu'un, ha la yac' te jtsobaw ya xc'oht yu'un te pueblo yu'une, ta scaj te ma ba la ach'uhumbe te mandar la yalbat te Jehová, xchi.

1 Samuel 15:1

Ta patil, te Samuel hich la yalbe te Saúl: Ho'on te ticombilon yu'un Jehová yu'un ya jmalbat aceite ta ajol yu'un ya x'ochat ta ajwalil ta Israel te pueblo yu'une; ha yu'un a'iya awa'iy te bin ya yal te Jehová.

1 Samuel 15:17

La yal te Samuel: Aunque peq'uel la awa'iy aba, ¿ma bal ochucat ta jcuentahinwanej yu'un spisil ta chahp sts'umbal Israel, soc ma bal lajuc stsahat ta ajwalil yu'un Israel te Jehová?

1 Samuel 16:1

Te Jehová hich la yalbe te Samuel: ¿Jayeb xan c'ahc'al te yac awoq'uetay te Saúl, te bin ut'il ho'on la jch'aybeyix ya'tel ta ajwalil ta Israel? Bahan nojesa ta aceite te xulubil awu'un, ya jticonat bahel ta stojol Isaí ta Belén, yu'un la jtsahbeyix jtuhl snich'an te ya x'och ta ajwalil, xchi.

1 Samuel 16:13

Hich te Samuel la stsac te xulubil te yich'oj aceite, la smalbe aceite ta yohlil te sbanquiltac. Ta hich ora bahel te David u'untayot yu'un te espíritu yu'un Jehová. Patil hahch te Samuel, suht bahel ta Ramá.

1 Samuel 2:10

Te mach'atic ya scontrahinic te Jehová ya me xlajinotic, ha ya xt'ohm tal ta stojolic c'alal ta ch'ulchan. Te Jehová ya me yich' ta c'op c'alal ta sti'il bahlumilal; ya me ya'be yip te ajwalil yu'un, soc ya me ya'be xan yip te Mach'a malbil ta aceite yu'une, xchi.

1 Samuel 24:6

Hich la yalbe te swinictac: Ha me ac'a scomon te Jehová te hich ya jpasbe te cajwal, te mach'a tsahbil yu'un Jehová. ¡Ma ba ya hach jc'ab ta scontrahinel, como ha tsahbil yu'un Jehová! xchi.

1 Samuel 26:11

ma me xyac'on Jehová te ya jach jc'ab ta scontrahinel te mach'a tsahbil yu'une. Pero tsaca te lanza te ay ta nopol sjolinab ta wayel soc te yawil ha', conic, xchi.

1 Samuel 26:9

Pero la sjac' te David: Ma me xamil. Como ¿mach'a c'an shach sc'ab ta scontrahinel te mach'a tsahbil yu'un te Jehová, te mayuc smul ya xhile? xchi.

1 Samuel 8:19

Pero te pueblo ma ba la sc'an la yich'ic ta cuenta te bin halbotic yu'un te Samuel, hich la yalbeyic: Ma'uc. Ya jc'ancotic ajwalil te ya scuentahinotcotic,

1 Samuel 8:9

Ha yu'un ich'beya ta cuenta te sc'opique; pero halbeya ya'iyic ta lec soc a'beya sna'ic te bin ya xpasbotic yu'un te ajwalil te ya xcuentahinotic yu'une, xchi.

1 Samuel 9:16

Ta hichilan ora pajel ya jticombat tal jtuhl winic talem ta sq'uinal Benjamín, ha te mach'a yac amalbe aceite scuenta jcuentahinwanej ya xc'oht yu'un te jpueblo Israel. Ha me ya scoltay loq'uel ta sc'ab filisteohetic te pueblo cu'une; yu'un la jquilbeyix swocol te pueblo cu'un, c'ohtix ta jtojol te awetic yu'unique, xchi.

1 Samuel 9:27

C'alal yacalic ta cohel bahel ta sti'il te pueblo, te Samuel hich la yalbe te Saúl: Halbeya te a'bat te ac'a nahilijuc bahel, (hich nahilij bahel te a'bate) yan te ha'ate mahliyawon ts'ihnuc yu'un ya calbat awa'iy bin ya yal te Diose, xchi.