1 Samuel 1:5 - Bible in Tzeltal Bachajón

⁵ Pero te Ana mero tsahbil we'elil ya ya'be stuquel, como c'ux ta yo'tan, aunque ma ba ac'ot ta alajel yu'un te Jehová.

Bible in Tzeltal de Oxchuc y Tenejapa

⁵ Pero te Ana mero tsabil we'elil ya yac'bey stuquel, yu'un ja' mero c'ux ta yo'tan, manchuc me ma'yuc yal, scaj te ja' nix te Cajwaltic ma la yac' alajuque.

1 Samuel 1:5 ပူးပေါင်းရင်းမြစ်များ

Génesis 11:30

Pero jma'al te Sarai.

Génesis 16:1

Te Sarai, te yihnam Abram, ma ba alaj; pero ay jtuhl scriada egipcia-ants, Agar sbihil.

Génesis 20:18

como te Jehová jc'axel la smacbe yalajib te antsetic ayic ta sna Abimelec ta scaj te Sara te yihnam Abraham.

Génesis 30:1

C'alal la yil te Raquel te ma ba ya yayintesbe snich'an te Jacob, hahch sti'ti'o'tantay te swix, hich la yalbe te Jacob: A'bon calatac, teme ma'uque, ya xchamon, la yut.

Génesis 30:2

Te Jacob ilin ta stojol Raquel, hich la yalbe: ¿Ho'on bal Dioson te ma xcac' x'alajat? la yut.

Génesis 43:34

Te José la spucticlambe te we'elil ay ta smesa; pero te bin a'bot te Benjamín ha ho'eb buelta c'axem a te bin ut'il a'bot te yantique. Hich we' uch'ic, tse'el yo'tanic soc.

Génesis 45:22

Ta tuhlultuhl la ya'be yach'il sc'u'ic, yan te Benjamín la ya'be ho'lajunwinic (300) ta sehp plata soc ho'chahp sc'u' stuquel.

Deuteronomio 21:15

Teme ay winic te cheb yihnam, teme c'ux ta yo'tan te jtuhle, ma ba c'ux ta yo'tan te yane, teme schebal ya yalataybe snich'nab, teme ha querem te sba-al te ants ma ba c'ux ta yo'tan,