1 Samuel 1:22 - Bible in Tzeltal Bachajón

²² Pero te Ana ma ba mo bahel stuquel, yu'un la yalbe te smamalal: Ma ba ya xbohon ha to teme hil schu' te alale, hich ya quic' bahel, ya ca'be ta stojol Jehová soc tey jc'axel ya xhil a, xchi.

Bible in Tzeltal de Oxchuc y Tenejapa

²² pero te Ana ma ba bajt' stuquel, yu'un jich la yalbey te smamlale: —Te jo'one ma to xboon. Ja' to ya xboon a teme jil xchu' te alale, ja' to me ya quic' bael a, swenta yu'un ya me cac'bey ta sc'ab te Cajwaltic, soc tey me ya xjilix ta jc'axel a —la yut.

1 Samuel 1:22 ပူးပေါင်းရင်းမြစ်များ

Salmos 110:4

Hich yaloj ta jamal te Jehová, ma ba ya suhtes sc'op: Ha'at sacerdotehat sbahtel q'uinal, hich te bin ut'il te Melquisedec, xchi.

Salmos 23:6

Te bin lec soc te c'uxul-o'tanil ya me st'unon te jayeb c'ahc'al cuxulon, soc bayel c'ahc'al ya x'ayinon ta sna Jehová.

Salmos 27:4

Junax te bin jc'ambeyej te Jehová, te ha ya jle: ha te ya x'ayinon ta sna Jehová te jayeb c'ahc'al cuxulon, yu'un ya quilbe st'ujbilal te Jehová soc yu'un ya jle ta Templo yu'un.

Éxodo 21:6

ha yu'un te yajwal ya yic' bahel ta stojol te juecetic, soc ya ya'be stehc'an sba ta ti'nahil o ta smarcohil, ya shotbe schiquin ta shotojbil; hich stalel ya xhil ta a'bat yu'un.

Isaías 9:7

Te ya xmuc'ub te cuentahinel yu'un soc te lamal q'uinal yu'une, mayuc slajibal ta shuctajib David soc ta ban c'alal scuentahinej; ha ya shach soc ya ya'be yip ta scuenta stojil chahpanel soc toj bin ay ta pasel ta ora ini soc ta sbahtel q'uinal. Ha ya sc'ohtes ta pasel ini te xut'et yo'tan te Jehová te scuentahinej spisil.

Levítico 25:23

Te q'uinal ma xhu' ta chonel ta jc'axel, como ho'on cu'un te q'uinale; te ha'exe jbehyom soc jyanlum c'ohemex ta jtojol.

San Lucas 2:22

Soc te c'alal ts'acay te jayeb c'ahc'al ya yich'ic lecubtesel, hich te bin ut'il ya yal te Ley yu'un Moisés, la yiq'uic tal ta Jerusalén te alal yu'un ya ya'beyic ta stojol te Cajwaltique,

Deuteronomio 16:16

Oxeb buelta ta jujun ha'bil spisil winiquetic ya me xtal ta stojol Jehová te Dios awu'un tey ta lugar tsahbil yu'un: ha te Q'uin yu'un Pan ma ba yich'oj levadura, te Q'uin yu'un Semanahetic soc te Q'uin yu'un Yaxna. Ma me ayuc jtuhluc te jochol sc'ab ya xtal stehc'an sba ta stojol te Jehová;

Josué 4:7

hich me xawalbeyic: Te ya'lel te muc'ul-ha' Jordán la sjat sba ta stojol te scaxahul te chapbil-c'op yu'un Jehová; c'alal c'axic bahel ta Jordán, la sjat sba te ya'lele. Te tonetic ini ya xtuhunic scuenta sna'ojibal yu'un te snich'nab Israel sbahtel q'uinal, xchi.

1 Samuel 1:11

Hich jc'axel la yal ta jamal: Jehová te scuentahinej spisil, teme yac awilbe swocol te a'bat awu'un, teme yac ana'on soc teme ma ba ya xch'ay ta awo'tan te a'bat awu'un, teme yac awa'be jtuhl squerem-al te a'bat awu'une, jc'axel ya ca'be te Jehová te jayeb c'ahc'al cuxul, soc ma ba ya yich' set'el stsotsel sjol, xchi.

1 Samuel 1:28

Ha yu'un hich nix ya ca'be te Jehová. Te jayeb c'ahc'al cuxul, ha me yu'un stuquel te Jehová, xchi. Tey la squejan sba ta sch'uhuntayel te Jehová.

1 Samuel 13:13

Hich halbot yu'un te Samuel: Ma xana' te bin la apase. Te lajuc ach'uhumbe te mandar te la yalbat te Jehová te Dios awu'un, la yac' te stalel ayic ta ajwalil ta Israel te ats'umbal te hichuque.

1 Samuel 2:11

Patil suht bahel ta sna ta Ramá te Elcana; te alal-querem hil ta a'batinel yu'un Jehová ta stojol te sacerdote Elí.

1 Samuel 2:18

Te querem Samuel yac yac'bel sba ta a'batinel ta stojol Jehová, sc'u'inej efod pasbil ta lino-pac'.

1 Samuel 28:2

La sjac' te David: Lec ay, ya me awil bin ya xhu' ya spas te a'bat awu'une, xchi. Lec ay, ya cac'at ta jcanan cu'un te jayeb c'ahc'al cuxulon, xchi te Aquis.

1 Samuel 3:1

Te querem Samuel la yac' sba ta a'batinel yu'un Jehová ta stojol Elí. Ha yorahil a te ma ba nopic tal te sc'op Jehová soc te bin ya x'a'bot yil ta nahalsit.