1 Samuel 1:21 - Bible in Tzeltal Bachajón

²¹ Patil te Elcana soc spisil mach'atic ay yu'un mohic bahel ta ya'beyel Jehová te milbil mahtanil te ya yac' jujun ha'bil soc te bin jc'axel yaloj ta jamal.

Bible in Tzeltal de Oxchuc y Tenejapa

²¹ Te Elcana soc te mach'atic ay yu'un bajt' xan ta Silo. Ba yac' c'otuc ta pasel te bi yaloj ta stojol te Cajwaltic, soc ta yaq'uel milbil smajt'an ta swenta jujun ja'wil,

1 Samuel 1:21 ပူးပေါင်းရင်းမြစ်များ

Génesis 18:19

Como ya jna' te ya me spas ta mandar te yal-snich'nab soc te mach'atic ay yu'un ta patil te ya me st'unic te be yu'un Jehová, ha te ya spasic te bintic toj soc te bintic lec ta pasel, scuenta yu'un te Jehová ya yac' c'ohtuc ta pasel ta stojol Abraham te bin yalbeyej ta jamal.

Salmos 101:2

Ya jc'an te toj ya xbehenon ta lequil be. ¿Bin ora ya xtalat ta jtojol? Toj bin ya jpas te c'alal ayon ta jna.

Deuteronomio 12:11

Te lugar te ya stsa Jehová te Dios awu'unic bantic ya yac' te sbihile, tey me yac awaq'uic a spisil te bin ya calbeyex: ha te scohtol chic'bil mahtaniletic, milbil mahtaniletic, te jun ta slajunebal, te tuchilambil mahtaniletic awu'unic, soc spisil te bintic tsahbil te jc'axel awalojic ta jamal yac awa'beyic te Jehová.

Deuteronomio 12:6

Tey yac awaq'uic a te scohtol chic'bil mahtaniletic, milbil mahtaniletic, te jun ta slajunebal, te tuchilambil mahtaniletic, te mahtaniletic yu'un te bin jc'axel awalojic ta jamal, te mahtaniletic yac awaq'uic scuenta sc'anojel awo'tanic, soc te sba-al te wacaxetic, tuminchijetic soc tentsunetic awu'unique.

Josué 24:15

Teme ma lecuc yac awa'iyic te yac awac' abahic ta a'batinel yu'un Jehová, tsaha mach'a yac awac' abahic ta a'batinel yu'un: teme ha te diosetic te la yac' sbahic ta a'batinel yu'un te ame'atatic ta jehch te muc'ul-ha', o ha te diosetic yu'un te amorreohetic te banti nahinemexix ta sq'uinalique; pero te ho'on soc te mach'atic ay cu'un ya cac' jbahcotic ta a'batinel yu'un te Jehová, xchi te Josué.

1 Samuel 1:3

Te winic jujun ha'bil ya xloc' hahchel ta pueblo yu'un, ya xbaht ta Silo ta sch'uhuntayel soc ta ya'beyel milbil smahtan te Jehová te scuentahinej spisil, tey ta banti ay te cheb snich'nab Elí: ha te Ofni soc Finees, te sacerdotehetic yu'un Jehová.

1 Samuel 2:19

Te snan ya spasbe stut muc'ul-c'u', ya yich'be tal jujun ha'bil c'alal ya xmo tal soc smamalal ta yaq'uel te milbil mahtanil te ya yaq'uic jujun ha'bil.