1 Samuel 1:11 - Bible in Tzeltal Bachajón

¹¹ Hich jc'axel la yal ta jamal: Jehová te scuentahinej spisil, teme yac awilbe swocol te a'bat awu'un, teme yac ana'on soc teme ma ba ya xch'ay ta awo'tan te a'bat awu'un, teme yac awa'be jtuhl squerem-al te a'bat awu'une, jc'axel ya ca'be te Jehová te jayeb c'ahc'al cuxul, soc ma ba ya yich' set'el stsotsel sjol, xchi.

Bible in Tzeltal de Oxchuc y Tenejapa

¹¹ Ay bi la yal ya spas ta stojol, jich la yal: —Cajwaltic te Spisil ya xju' awu'une, ayuc bit'il ya ana'bon yo'bolil jba yu'un te jwocol jo'on te abaton awu'une. Yacuc ana'on, yacuc awac'bon tel jtuluc cal, yu'un jc'axel ya cac'bat awabatin te jayeb c'aal ya xcuxin ta balumilal. Te bit'il ya cac'bat awabatin ta jc'axele, ja' me seña ya xc'ot te ma ba ya jset'bey te stsotsil sjole —xi' te Ana.

1 Samuel 1:11 ပူးပေါင်းရင်းမြစ်များ

Génesis 28:20

Hich la yal ta jamal te Jacob: Teme yu'un ya sjoquinon te Dios, soc teme ya scanantayon ta banti ya xbohon, teme ya ya'bon jwe'el soc jc'u' jpac',

Génesis 29:32

Hahch yal te Lea, ayin squerem-al, Rubén sbihil, yu'un la yal: Te Jehová la yil te jwocole. Yo'tic, c'ux ya me ya'iyon ta yo'tan te jmamalal, xchi.

Génesis 30:22

Te Dios la sna' te Raquel, la ya'iybe sc'op, la yac' te ya x'alaj.

Génesis 8:1

Te Dios la sna' te Noé soc spisil chambahlametic, spisil bintic cuxajtic te sjoquinejic ta barco. Dios la yac' taluc ic' ta bahlumilal, hich ts'uj cohel te ha'e.

2 Samuel 16:12

Ya wan yilbon jwocol te Jehová soc ya ya'bon bendición ta scaj te bohlc'optayel yu'une, xchi.

Salmos 25:18

Ilbon awil te uts'inel soc te wocol cu'une, soc pasbon perdón yu'un spisil jmul.

Éxodo 4:31

La sch'uhun yo'tanic te pueblo, soc c'alal la ya'iyic te Jehová ya sna'be yo'bolil sbahic te snich'nab Israel soc yac yilbel te swocolic, la snijan sbahic soc la sch'uhuntayic.

Proverbios 31:2

Cal, te chicnajemat ta jch'uht, te ha'at suhtibat jc'op te la jcal ta jamal ta stojol Dios,

Eclesiastés 5:4

Teme ay bin yac awal ta stojol Dios, ma me xhalajat ta spasel, como ma smulan te mach'a ma sna' q'uinal. Pasa te bin awaloje.

Levítico 27:2

Halbeya te snich'nab Israel: Teme ay mach'a ay bin muc' sc'oblal ya schap ta stojol Jehová, ha te ya sman loq'uel mach'a a'botix te Diose, hich me yac awal te jayeb ya stoj:

Números 21:2

Ha yu'un te Israel hich la yalbeyic ta jamal te Jehová: Teme yac awac'ticlan ta jc'abcotic te nación ini, jc'axel me ya jlajimbecotic te pueblohetic yu'une, xchihic.

Números 6:11

Te sacerdote jcoht ya yac' scuenta mahtanil yu'un mulil, jcoht ya yac' scuenta scohtol chic'bil mahtanil scuenta stojel smul te la sta ta scuenta te mach'a chamene. Ha nix yorahil a te ya scha'ch'ultes xan te sjole:

Números 6:5

Te jayeb c'ahc'al schapoj te ay ta scuenta nazareo ma ba ya yich' loq'uesbeyel stsotsel sjol. Ch'ultesbil ya xc'oht soc ya yac' nahtubuc te sjol ha to c'alal ya sts'acay te jayeb tiempo schapoj te parte ya yac' sba ta stojol Jehová.

Números 6:8

Te jayeb c'ahc'al te parte la yac' sba, ha ch'ultesbil ta stojol Jehová.

Jueces 11:30

Te Jefté hich jc'axel la yal ta jamal ta stojol Jehová: Teme yac awa'bon ta jc'ab te amonetic,

Jueces 13:5

yu'un ya me xhahch awal, ya x'ayin aquerem-al. Ma xhu' ta loq'uesbeyel stsotsel sjol, como te querem ha nazareo ta stojol Dios ya xc'oht c'alal ta yayinab to; ya me xhahch ta scoltayel loq'uel ta sc'ab filisteohetic te Israel, xchi.

1 Samuel 1:10

Te Ana, soc bayel smel-o'tan la sc'opon te Jehová, soc bayel oc'.

1 Samuel 1:12

C'alal halaj ta sc'oponel te Jehová, te Elí yac yilbebel sti'il ye.

1 Samuel 1:19

Hahchic ta sab, la sch'uhuntayic te Jehová, suhtic bahel ta sna ta Ramá. Te Elcana way soc te Ana te yihnam; te Jehová la sna' te antse.

1 Samuel 1:22

Pero te Ana ma ba mo bahel stuquel, yu'un la yalbe te smamalal: Ma ba ya xbohon ha to teme hil schu' te alale, hich ya quic' bahel, ya ca'be ta stojol Jehová soc tey jc'axel ya xhil a, xchi.

1 Samuel 1:27

Ha te alal ini te la jc'opon Dios yu'une; te Jehová la ya'bon te bin la jc'ambe.

1 Samuel 1:28

Ha yu'un hich nix ya ca'be te Jehová. Te jayeb c'ahc'al cuxul, ha me yu'un stuquel te Jehová, xchi. Tey la squejan sba ta sch'uhuntayel te Jehová.

1 Samuel 2:20

Te Elí ya ya'be bendición te Elcana soc te yihnam, hich ya yal: Jehová ac'a ya'bat anich'nab soc te ants ini scuenta sjelol te la sc'ambe te Jehová, xchi. Patil ya suhtic bahel ta sna.