1 Samuel 1:10 - Bible in Tzeltal Bachajón

¹⁰ Te Ana, soc bayel smel-o'tan la sc'opon te Jehová, soc bayel oc'.

Bible in Tzeltal de Oxchuc y Tenejapa

¹⁰ Te Ana jajch' ta buen oq'uel, mero xbiq'uit nax sti' ta oq'uel ta stojol te Cajwaltique.

1 Samuel 1:10 ပူးပေါင်းရင်းမြစ်များ

Génesis 30:1

C'alal la yil te Raquel te ma ba ya yayintesbe snich'an te Jacob, hahch sti'ti'o'tantay te swix, hich la yalbe te Jacob: A'bon calatac, teme ma'uque, ya xchamon, la yut.

Génesis 50:10

C'alal c'ohtic ta sq'uiyojibal trigo yu'un Atad, te ay ta sjehchelul te Jordán, mero tulan la yoq'uetayic soc mel-o'tan tey a. Te José huqueb c'ahc'al la yoq'uetay te state.

2 Samuel 13:36

Yac to nax ta lajel yo'tan ta c'op a, c'ohtic te snich'nab te ajwalil, hahchic ta tulan oq'uel. Ha nix hich te ajwalil soc spisil te a'batetic yu'un, mero tulan oq'uic.

2 Samuel 17:8

Soc la yal xan te Husai: Ha'at ana'oj te ma xiwic te atat soc te winiquetic yu'un, soc hahchem slab yo'tanic hich te bin ut'il me' oso te yich'oj pojbeyel yalatac. Soc te atat mero ya sna' yaq'uel guerra, ma ba ya sjoquin ta ahc'abal te pueblo.

2 Reyes 20:3

Ya calbat wocol, Jehová, te yacuc ana' te ta smelelil behenemon ta atojol soc ta spisil co'tan, soc jpasoj te bintic lec awo'tan yu'un, xchi. Hich och ta tulan oq'uel te Ezequías.

Job 10:1

¡C'axix co'tan yu'un te jcuxlejal! Jamal ya cal te ahcan cu'un, ya me xc'opojon ta scuenta te xut'ulil q'uinal ya ca'iy.

Job 7:11

Ha yu'un ma ba ya xquehchajon ta c'op, ya xc'opojon ta swocol te jch'uhlel, ya cal te bin ch'a ya ya'iy te jch'uhlele.

Job 9:18

ma ba ya ya'bon quich' ic', ha ya ya'bon xut'ul q'uinal ya ca'iy.

Salmos 50:15

C'oponawon te c'alal ayat ta wocol; ya cac'at ta libre, soc ya me awich'on ta muc', xchi te Jehová.

Salmos 91:15

Ya sc'oponon, ya me jac'be sc'op; ya joquin c'alal ay ta wocol, ya cac' ta libre soc ya cac' ta ich'el ta muc'.

Proverbios 14:10

Te o'tanil sna'oj stuquel te bin c'ux ya ya'iy, soc mayuc yan mach'a ya ya'iybe te yutsil q'uinal ya ya'iye.

Isaías 38:15

Pero ¿bin ya xhu' ya cal? Te mach'a hich la yalbon, ha nix ya spas. Peq'uel ya xbehenon ta spisil jcuxlejal, ta scaj sch'ahal te jch'uhlele.

Isaías 54:6

La yic'at te Jehová hich te bin ut'il jtuhl ants te ch'aybil soc te ay ta mel o'tan; hich te bin ut'il te mach'a mero ach'ix to a te nuhpun te p'ajbil c'oht, xchi te Dios awu'une:

Jeremías 13:17

Teme ma ba yac awa'iyic, muquen ya x'oc'on ta scaj te atoybahilic; ya xloc' ya'lel jsit ta tulan oq'uel, como te jtsohb tuminchijetic yu'un Jehová ya x'ic'otic bahel ta chuquel.

Jeremías 22:10

Ma me xawoq'uetayic te mach'a chamen, ma me xamel awo'tan ta stojol; tulan xawoq'uetay te mach'a ya xbaht ta chuquel, como mayuquix bin ora ya suht talel soc ma ba ya yilix te q'uinal te banti ayine.

Lamentaciones 3:15

La snojeson ta bin paj, la syacubteson ta ch'ahco'.

San Lucas 22:44

Te bin ut'il bayel yac ta wocol, la yac' xan fuersa ta sc'oponel Dios, sjel ta ch'ich' xt'uhlajan cohel schic' ta lum.

Hebreos 5:7

Te c'alal ay ta bahlumilal ta scuxlejal a te Cristo, tulan awon soc oc' ta sc'oponel te Mach'a ya xhu' ya x'ac'to ta libre yu'un lajel, soc a'iybot sc'op ta scaj te peq'uel la yac' sba.

Jueces 21:2

Te pueblo tal stsob sbahic ta Bet-el, tey halajic ta stojol Dios a ha to c'alal ihc'ub q'uinal, tulan la yoq'uetay sbahic, hich la yalic:

Rut 1:20

La sjac' te Noemí: ¡Ma xawalboniquix Noemí, a'boniquix jbihilin Mara, yu'un bayel la ya'bon jwocol te Mach'a spisil ya xhu' yu'un!

1 Samuel 1:11

Hich jc'axel la yal ta jamal: Jehová te scuentahinej spisil, teme yac awilbe swocol te a'bat awu'un, teme yac ana'on soc teme ma ba ya xch'ay ta awo'tan te a'bat awu'un, teme yac awa'be jtuhl squerem-al te a'bat awu'une, jc'axel ya ca'be te Jehová te jayeb c'ahc'al cuxul, soc ma ba ya yich' set'el stsotsel sjol, xchi.

1 Samuel 1:9

C'alal laj yo'tanic ta we'el uch'el ta Silo, hahch te Ana. Te sacerdote Elí hucul ta shuctajib ta nopol yoyal spuertahul te templo yu'un Jehová.