1 Juan 5:14 - Bible in Tzeltal Bachajón

¹⁴ Ha smuc'ul co'tantic ini ta stojol Dios: teme hich ya jc'ambetic te bin ya sc'an yo'tan stuquel, ya ya'iyotic.

Nuevo Testamento Tzeltal de Amatenango

¹⁴ Jun koꞌtantik ta stojol te Diose, porke jnaꞌojtik teme ay tut ya jkꞌanbetik jich tutꞌil te ya skꞌan yoꞌtane, ya yaꞌibotik.

Bible in Tzeltal de Oxchuc y Tenejapa

¹⁴ Jich ay smuc'ul co'tantic ta stojol te Diose. Teme ay bila ya jc'anbeytic ta swenta te sc'anjel yo'tane, ya me yaiybotic stojol.

1 Juan 5:14 ပူးပေါင်းရင်းမြစ်များ

1 Reyes 3:12

ha yu'un ya jpasbat te bin la ac'ambone. Ya ca'bat sp'ijil awo'tan soc sna'el stsahtayel. Mayuc hich yich'ojic te mach'atic nahil awu'un soc te mach'a patil awu'un te bin ut'il te ha'ate.

Job 34:28

ha ta scuentahic te awonic ta stojol Dios te pobrehetic, soc te ya ya'iybe yawic te mach'atic ay swocolic.

Salmos 145:19

Ya ya'be te bintic ya sc'an yo'tanic te mach'atic ya yich'ic ta muc'; ya ya'iybe yawic soc ya scoltaylan.

Salmos 31:22

Hich la jcal te c'alal ayon ta xiwel a: Loq'uesbilon ta atojol, xchihon; pero la awa'iybon te bin la jc'ambat te c'alal la jcawtayate.

Salmos 34:17

Ya x'awonic te mach'atic toj yo'tanic, ya x'a'iybotic yu'un Jehová soc ha ya yac' ta libre yu'un spisil te swocolique.

Salmos 69:33

Como te Jehová ya ya'iybe sc'opic te pobrehetic, ma ba ya sp'aj te mach'atic yu'un te ayic ta chuquele.

Proverbios 10:24

Te bin ya xi' te mach'a chopol yo'tan ya me xc'oht ta stojol, yan te mach'atic toj yo'tanic, ya me x'a'botic te bin ya sc'an yo'tanic.

Proverbios 15:29

Te Jehová namal ay ta stojol te mach'atic chopolic, pero ya ya'iybe sc'op te mach'atic toj yo'tanic.

Jeremías 33:3

Awtayawon, ya jac'bat, soc ya calbat bintic muc' sc'oblal soc te bintic muquen ay te ma ba ana'oje.

San Mateo 21:22

Spisil te bin yac ac'anic ta sc'oponel Dios, teme ya xch'uhun awo'tanic, ya me x'a'botex, xchi.

San Juan 11:42

Jna'oj te spisil ora yac awa'iybon jc'op, pero hich la jcal yu'un te tsobol ants-winiquetic li' sjoytayejonic, scuenta yu'un hich ya sch'uhunic a te ha'at aticonejon tal, xchi ta sc'oponel Dios.

San Juan 14:13

Spisil te bin yac ac'ambeyic te Tatil ta scuenta jbihil, ya jpasbeyex, scuenta yu'un hich ya x'ich'ot ta muc' a te Tatil ta scuenta te Nich'anile.

San Juan 15:7

Teme jc'axel yac awac' abahic ta jtojol soc teme ya x'ayin ta awo'tanic te jc'ope, c'anahic spisil bin ya sc'an awo'tanic, ya me x'a'botex.

San Juan 16:24

Ma to ayuc bin ac'ambeyejic ta scuenta te jbihile. C'anahic, ya me awich'ic, scuenta yu'un ts'acal ya xc'oht a te stse'elil awo'tanique.

San Juan 9:31

Jna'ojtic te ma x'a'iybot sc'opic yu'un Dios te jmulawiletique; yan te mach'a ha xi'oj te Dios soc te ya spasbe te bin ya sc'an yo'tan, ya x'a'iybot sc'op yu'un stuquel.

Efesios 3:12

Ta scuenta Cristo soc ta scuenta sch'uhunel co'tantic ta stojol, jun co'tantic ya xhu' ya xnohpojotic ta stojol Dios.

Hebreos 10:35

Ha yu'un ma me xch'ay awu'unic te smuc'ul awo'tanic, te ay muc'ul mahtanil yu'une.

Hebreos 3:14

como jun c'ohemotic soc Cristo teme quich'ojtic c'alal ta slajibal c'ahc'al te smuc'ul co'tantic te ay cu'untic ta shahchibal.

Hebreos 3:6

Yan te Cristo, te bin ut'il ha nich'anil, jun yo'tan scuentahimbeyej te na yu'un Dios. Ho'otic te snahotic, teme stalel ay c'alal ta slajibal c'ahc'al te smuc'ul co'tantic soc te ya xtohy q'uinal ca'iytic yu'un te bin yacotic ta smahliyel.

Santiago 4:3

Yac ac'ambeyic, pero ma ba yac awich'ic, yu'un ma ba lec yac ac'ambeyic, ha nax yac ac'anic yu'un yac atuhunic yu'un te bintic ya smulan awo'tanique.

Santiago 5:16

Talel c'axel halbeya abahic te amulique, soc talel c'axel c'opombeya abahic Dios, scuenta yu'un hich me ya xlecubex ta chamel a. Te ya sc'opon Dios te mach'a toj yo'tan, ay yu'el soc bayel bin ya xc'oht ta pasel yu'un.

1 Juan 2:28

Cal-jnich'nab, jc'axel ayinanic me ta stojol, scuenta yu'un te c'alal ya xchicnaj ay me yip co'tantic a, soc ma ba q'uejel ya cac' jbahtic ta stojol yu'un q'uexlal te c'alal ya xtale.