1 Juan 5:13 - Bible in Tzeltal Bachajón

¹³ La jts'ihbabeyex ini, ha'ex te ach'uhunejic te sbihil te Snich'an Dios, scuenta yu'un yac ana'ic te ay acuxlejalic sbahtel q'uinal.

Nuevo Testamento Tzeltal de Amatenango

¹³ La jtsꞌibabeyex to jaꞌex te achꞌuunejik te Xnichꞌan Diose, yuꞌun jich me ya anaꞌik te ay akuxlejalik sbajtel kꞌinale.

Bible in Tzeltal de Oxchuc y Tenejapa

¹³ La jts'ibubeyex in to, ja'ex te ach'uunejic te sbiil te Snich'an Diose, swenta yu'un jich me ya ana'ic stojol te ay acuxlejalic sbajt'el q'uinal.

1 Juan 5:13 ပူးပေါင်းရင်းမြစ်များ

San Juan 1:12

Pero spisil te mach'atic la yich'ic ta cuenta, te la sch'uhumbeyic te sbihile, la yac' te ha yal-snich'nab Dios ya xhu' ya xc'ohtic.

San Juan 2:23

C'alal ay ta Jerusalén a te Jesús, ta yorahil Q'uin Pascua, tsobol mach'atic la sch'uhunic c'alal la yilbeyic te señahiletic te la spase.

San Juan 20:31

Pero ha'i señahiletic ini la yich' ts'ihbayel scuenta yu'un hich me yac ach'uhunic a te ha Cristo te Jesús, te ha Snich'an Dios, soc teme yac ach'uhunic, ay me acuxlejalic ta scuenta te sbihile.

San Juan 21:24

Ha te jnopojel te yac yalbel ta testigo-c'op te bintic c'ohtix ta pasel soc ha la sts'ihbay ini. Ya jna'tic te melel bin ya yal ta testigo-c'op.

San Juan 3:18

Te mach'a ya sch'uhun, ma ba ya x'a'bot stoj smul; yan te mach'a ma ba ya sch'uhun, ya stoj smul stuquel, como ma ba la sch'uhun te hip jtuhl Snich'an te Diose.

San Juan 5:24

Tulan sc'oblal ya calbeyex, te mach'a ya ya'iybon jc'op soc ya sch'uhun te mach'a la sticonon tale, ay scuxlejal sbahtel q'uinal soc ma ba ya x'a'bot stoj smul, c'axemix yu'un te lajel, ayix scuxlejal.

Hechos 3:16

Ha ta scuenta sch'uhunel yo'tan ta stojol Jesús te la yich'ix yip ha'i winic ini te yac awilbelic soc te yac ana'beyic sbahe. Ha te sch'uhunel-o'tanil ta scuenta Jesús te la yac' lecubuc ta jc'axel ha'i winic ini te ay ta atojolique.

Hechos 4:12

Mayuc mach'a yan ay colel ta scuenta, como ta bayuc ta swohlol bahlumilal mayuc yan mach'a hich halbil sc'oblal ta stojol ants-winiquetic te ya xhu' ya xcolotic yu'un, xchi.

2 Corintios 5:1

Jna'ojtic teme ya xlaj te nahilpac' te banti jnahinejtic ta bahlumilal, ay jnatic yu'un Dios ta ch'ulchan te sbahtel q'uinal ay, te ma pasbiluc ta c'abal.

Gálatas 4:6

Te bin ut'il yal-snich'anex Dios, ha la ya'beyex ta awo'tanic te Espíritu yu'un te Snich'an, te hich ya yal: ¡Abba, Jtat! xchi.

1 Pedro 5:12

Ta scuenta te Silvano, te quermano te jun yo'tan, la jts'ihbabeyex cha'oxp'ahl c'op yu'un ya ca'beyex yip awo'tanic soc yu'un ya cal ta testigo-c'op te ha te smelelil yutsil yo'tan Dios ini, te jun awo'tanic ta stojol.

1 Juan 1:4

Ha ya jts'ihbabeyex ini scuenta yu'un ts'acal ya xc'oht a te stse'elil awo'tanique.

1 Juan 2:1

Cal-jnich'nab, hich ya jts'ihbabeyex scuenta yu'un ma ba yac alehix amulic a. Pero teme ay mach'a ya sta smul, ay mach'a ya xc'opoj cu'untic ta stojol te Tatil, ha te Jesucristo te toj yo'tan stuquel.

1 Juan 2:21

Ma ba ya jts'ihbabeyex yu'un te ma ba yac ana'ic te smelelil c'op, yu'un yac ana'ic, soc yu'un ma xloc' talel lot ta smelelil c'op.

1 Juan 2:25

Yaloj Dios te ya ya'botic cuxlejal sbahtel q'uinal.

1 Juan 2:26

La jts'ihbabeyex ini sc'oblal te mach'atic ya sc'an ya slo'loyex.

1 Juan 3:23

Soc ha smandar ini: ha te ya jch'uhumbetic te sbihil te Snich'an, ha te Jesucristo, soc te talel c'axel c'ux ya ca'iy jbahtic, hich te bin ut'il la spasotic hilel ta mandar.

1 Juan 4:9

Hich la yac' ta ilel te c'uxotic ta yo'tan te Dios, ha te la sticon tal ta bahlumilal te hip jtuhl Snich'an scuenta yu'un ya xcuxajotic ta scuenta.

1 Juan 5:10

Te mach'a ya sch'uhun te Snich'an Diose ay ta yo'tan te testigo-c'op ini; yan te mach'a ma ba ya sch'uhun Dios, ha yac ta lot te Dios ta sc'op, como ma ba sch'uhunej te testigo-c'op yu'un Dios te yalbeyej sc'oblal te Snich'ane.

1 Juan 5:11

Ha te testigo-c'op ini: Dios ya'beyejotic jcuxlejaltic sbahtel q'uinal, soc te cuxlejal ini ay ta scuenta te Snich'ane.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.